Ka Nupepa Kuokoa, Volume LXI, Number 40, 5 October 1922 — Eha Elua ma ke Kahuli Ana o ke Kaa Oto No ka Hoao Ana e Alo Mai ka Hooku'iia Mai e Kekahi Kaa ke Kumu o Kela Pilikia O KE KAA OTO NAE KA I NUI NA POINO Kaa ka Noii Pono Ana i ke Kumu Oiaio o ka Pilikia Malalo o ka Oihana Makai [ARTICLE]

Eha Elua ma ke Kahuli Ana o ke Kaa Oto

No ka Hoao Ana e Alo Mai ka Hooku'iia Mai e Kekahi Kaa ke Kumu o Kela Pilikia

O KE KAA OTO NAE KA I NUI NA POINO

Kaa ka Noii Pono Ana i ke Kumu Oiaio o ka Pilikia Malalo o ka Oihana Makai

Ma ka ulia laki wale no ka pakele ana o na ola o kekahi mau lede no laua na inoa o Mro. A. K. Kirkaldy ame Mra. Walter Drake me kekahi keiki uuku kau pu ana iluna o ke kaa otomobile mai ka make mai ma ka manawa o ke kaa a lakou e kau ana i hu ai mahai o ke alanui Beritania a hooku'i i ka palaau a haule i ke kahawai, ma o iki aku 0 ka Home Kapiolani ma ka auwina la Sabati iho nei, eia nae ua manuheu no ia mau lede a no na palapu mauwale i loaa ai ia laua i laweia aku ai me ka awiwi loa no ka| halema'i Moiwahine. Maluna ae o ka maka akau o Mrs. Kirkaldy ka hi i moku a maluna ae hoi o' ka maka hema ko Mrs. Walter Drakc wahi i pehu. O ke keiki 3 Mrs. Drake e kau pu ana ka i pakele aole ona wahi i- eha a pela me Charles J. Brenham, ka me& nana e kalaiwa ana i ke kaa. Ua koikoi ka poino | i loaa i ke kaa mamuli 0 kela haule ana. Ma ka hoakaka ma ka moolelo e pili ana i keia ulia elike me ia a ka Makai Mokokaikala Hans K. Kihaehi, ka mea nana i ninaninau pono, e holo ana ke kaa i haule ai 1 ka pali a e kalaiwa ia ana hoi e Brenham no Waikiki m& ke alanui Beritania. He kaa oto heihei e kalaiwaia ana e Heine Neloon ke holo ana mahope pono aku 0 ko Brenham kaa e kalaiwa ana. Ma ka aoao akau like keia mau kaa e holo ana oke £lanui. Ma ka oleloia i ke kokoke ana aku i ka Home Kapiolani, ua hoao aku la o Nelaon e kaa kona kaa mamua, ma ia hoao ana ana ua huikau aku la ka huila akau mua o ke kaa o Brenham, no ia kumu ua huli la ko Brenham kaa e kalaiwa ana i ka akau a hooku'i aku la i ka pa-laau a iho aku i ka papali maha'i o ke kahawai a lewalewa ana omua o ke kaa i ka pali. I kulike me ka moolelo a ka Makai Kihaehi o ka hoihoi ana ae i ke keena makai, mahope o kela hooku'i ana ua hoao aku la 0 Nelson e holo, ua alualuia aku nae e C. K. Gibson, he kalaiwa no kekahi kaa okoa aku, ahiki i kona loaa ana aku a laweia mai i kahi i hooku'i' ai. Aohe o Neloon i hopuia ia la. Na kekahi kaa kalaka i huki mai i ke kaa i haule ai ahiki i ke kau ana i ke alanui akea, a ma k< la wahi i halawai ai kela mau kaa me keia ulia aneane ma kahi o ka haneri poe i akoakoa aku, na kane, na wahine ame na kamalii. 0 keia no ke kumu nui o na kaa e hooku'i mau uai nei, no ka haakei 0 ka manao 0 kekahi poe. *+*