Ka Nupepa Kuokoa, Volume LXI, Number 40, 5 October 1922 — HOPUIA AE NO KA HOLO NUI ME KA NANA OLE I KO HAI OLA [ARTICLE]

HOPUIA AE NO KA HOLO NUI ME KA NANA OLE I KO HAI OLA

Elua mau kalaiwa kaa oto i hopuia ae no ka holo nui ma ka Poakalii nei, no ka nana ole ae i ko hai pono, oia hoi o Hein« Nelaon, ka mea nona ke kaa i hooku'i ai me kekahi kaa ma kahi kokoke i ka Home Kapiolani a liaule ai kekahi kaa i kahawai. Ua hookuuia aku nae oia no kona hoea ana ae mamua o ka aha lioomalu ma ka manawa e hooloheia ai kona hihia mamuli 0 ka bela ana ae $500.

O ka lua 0 na kalaiwa kaa oto holonui i hopuia ae oia 0 Wah Kwai Tom, ka mea nana e kalaiwa ana i k« kaa i kahuli ai ma kahi kokoke i ka Pali o Nuuanu. I kulike me ka hoakaka a ka makai, ua noiia aku ka 0 Tom e hooholo malie i ke kaa e na ohua elima e kau ana, aohe nae he hoolohe mai 0 Tom i ka lakou kauoha. Me ia holonui no ka 0 ke kaa a i ka hiki ana i kahi hookee 0 k« alanui 0 ke kahuli aku la no ia ma ka aoao mawaho o ke alanui, a ina ka aole ka pale mai owaho 0 ke .alanui he make loa ko kekahi 0 na ohua e kau ana. He ekolu o na ohua e kau ana i eha aole nae ike kukonukonu. E koikoi ka hoopa'i a lee kanawai no ka poe kalaiwa .0 keia ano e pono ai, i mea e maka'u ai.