Ka Nupepa Kuokoa, Volume LXI, Number 40, 5 October 1922 — Nuhou Kuloko [ARTICLE]

Nuhou Kuloko

Ma keia Poaha ae, e malamaia ae ai ka hoikeike fea ma Maui, pela no hoi ma ka Poalima ame ka Poaono aku. E hoea kino ae ana o Senatoa John H. Wis« malalo o Aala Paka, ma ka haiolelo hope loa a na moho, ma ka po o keia Poalima iho. Ma nehinei, i noho ae ai ka halawai a ka Ahahui Euanelio* Ahahuina o ka Mokupuni o Oahu nei, maloko o ka luakini o Kawaiahao. Ma ke awakea'o ka Poakahi iho nei, i weheia ae ai na liana haiolelo kalaiaina ma ka pahu kopa, ma ke kihi o na alanui Betela ame Moi, me ka piha mau o kela kihi i na kanaka ma na awakea apau. Ma ka halawai a na wahine Hawaii, o ka malama ana ae maloko 0 ka Hale Miaiona Memoriala, ma ka po o ka Poalua iho nei, i lioike ae ai o Kiaaina Farrington i leona manao kakoo no Jolin H. Wise, i moho elele lahui. No ka nui loa o na palapala a na makamaka i hoopaneeneeia ka hoopukaia ana aku, a hui pu iho no hoi me ka nui o na hoolaha e' puka aku nei, pela i kapaeia ae ai ka hoopulea ana aku i kekahi mau moolelo i keia pule. Ma ka po o ka Poalua iho nei, 1 ku ae ai ka lima o M. M. Pedro Jr., i ka poka ma ke ano ulia, oiai oia e noho ana maluna o ka pa ma ke alanui Kawaiahao, me ka maopopo ole o kahi i lele mai ai o ka poka. Mahope iho o ke kaama'i ana no kekahi manawa loihi ae nei i hala, i pauaho mai ai o Kapena W. K. Freeman, i kamaaina i na mea apau, ma ke kakahiaka o ke Sabati i hala, maloko o kona home ma ke alanui Moi. lua lie poe kekahi i makemake e hooponopono i ko lakou mau inoa, ame na wahi koho, ma ka Mok|upuni o Oahu nei, o hele ae imua o ka Papa Hoopaainoa, ma keia la, ahiki i ka Poaono, maloko o ke keena o ke kakauolelo ka Kalana, ma ka Hale Kapiolani. No ka hoea ole aua ae o kekalii mau wahine opio, he mau hoike ma ka aoao o ke aupuni ma ke kakahiaka o ka Poakahi nei, imua o ka aha a ka Lunakanawai Andrade, i kauia mai ai ka hoopa'i o iwaka-lua-kumamalima (lala, no ka hewa hoowaliawaha i ka aha. Mamuli o kekahi mau ninau i waihoia ae o na wahine, imua o na moho e liolo nei noloko o ka aha* olelo kuloko, i hoik-e okoa ae ai na wahine, i ko lakou make« i na hoop v onopono ahaolelo kaulike, e hoea mai ai ka manawa e holo moho ai kekahi poe kupono o lakou, no na kulana kohoia e ka. lehulehu, ma keia mua aku. He halawai kuikawa ke malamaia ae ana e ka Ahahui o na Kaikamahine o Hawaii, ma ka hora ekolu o ka auwina la o keia Poalima, ma Hanaiakamalama, Nuuanu; ua makemakeia na lala apau o kela ahahui, e hoea ae ma ia halawai, oiai he kumuhana ano nui loa kekahi e noonooia ana ma kela la, e ka ahahui.