Ka Nupepa Kuokoa, Volume LXI, Number 41, 12 October 1922 — Page 1
| This text was transcribed by: | Kamehameha Schools Gift To Dr. Chun |
| This work is dedicated to: | Dr. Michael J. Chun |
Ka Nupepa Kuokoa
KE KILOHANA POOKELA NO KA LAHUI HAWAII.
Waeia o John H. Wise i Moho Elele a i Paahae Na ka Aoao Repubalika
Hoike ka Hapanui o na Mana Koho i ko Lakou Hilinai Maluna o Wise no Kela Kulana-o W.P. Jarett ka Moho Elele a na Demokarata
Ma ke koho baloka wae moho, i malamaia apuni keia Teritore, ma ka Poaono aku la i hala i a akaʻi ae ai o John H. Wise i ka lanakila mai kona mau hoa mokomoko mai, ma ka aoao Repubalika, no ke kulana elele lahui, a o W.P Jarett hoi, ka i lanakila i moho elele lahui ma ka aoao Demokarata, a haule o Kauka Raymond.
Apuni ke Teritore holookoa, o ka heluna baloka no John H. Wise, he 8696, no Lyman, he 7275, no ano C. E. King, he 1599; he 178 baloka i koe, alaila loaa ia Mr. Wise, ka heluna baloka o Lyman ame King he hui pu ia.
Ma na mokupuni apau, a koe ka mokupuni nae o Hawaii, ua ikeia ka ikaika maoli o Lyman, he 962 baloka kona oi mamua o Wise, a he 509 baloka hoi ka oi, mamua o ka heluna baloka o Wise ame King ke huiia.
Ma ka mokupuni o Maui, ua loaa ia wise, ka heluna baloka oi maluna o Lyman, he 481; ma ka mokupuni o Kauai, he 232 baloka ka oi maluna o ko Lyman, ma Oahu nei hoi, he 1087 ka oi maluna o Lyman, ma ka apana eha, a he 573 ma ka apana elima. O ka huina baloka oi o Wise maluna o Lyman ame King ke huiia, ma ka Mokupuni o Oahu nei, he 962. O ka heluna baloka oi o Wise maluna o Lyman apuni keia Teritore, he 1421.
No na moho elele Demokarata hoi, ua lanakila o W.P. Jarett maluna o kona hoa paio ma ka Mokupuni o Hawaii, ma Oahu nei ame Kauai; ma ka Mokupuni wale no o Maui, i lanakila ai o Raymond, maluna o kono hoa paio; o kahi i oi loa aku ai ka ikaika o W. P. Jarett, ma ka Apana Elima, ma kahi o ke Kaukani baloka, a oi, mamua o Raymond.
O ka oi o na baloka o Jarett maluna o Raymond, ma Hawaii, he @ Kauai, 62, ma Oahu nei, he @ ma ka apana elima, a he 1123, ma ka apana eha.
O @ o a Oi o ka Ikaika
Me he mea la, mawaho ae o na @ no na moho elele lahui, ma ka Moukupuni o Oahu nei, o ka paio @ loa, i ikeia ma ka Mokupuni o Oahu neu, o ka paio @ loa, i ikeia ma ka Mokupuni o Oahu nei, mawaena o na moho o ka aoao Repubalika.
I loko o ka pule hope o ka hoouka kalaiaina, i hoomaopopo maoli ia aku ai ka ikaika maoli o R. W. Shingle, ua hooiaioia mai ia ikaika, ma o na huahelu la i loaa iaia, ma ka pahu baloka.
O ka heluna baloka i loaa ia Shingle ma ka Mokupuni o Oahu nei, he 7506, ka heluna baloka kiekie loa i kohoia no kekahi moho, a ua like me 2882 baloka, ka oi aku i ka heluna baloka i kohoia no Wisse ma keia mokupuni.
O na moho senatoa i waeia ma ka aoao Repubalika, oia o R. W. Shingle. nona ka heluna baloka kiekie o 7506; J. K. Jarett, 4913; ame W. H. McInerny, 4193.
Na moho senatoa Demokarata i waeia ame na baloka, he 1859; Archie Roberston, he 1290 baloka.
Ua hookahakaia aku kekahi mahele nui o na mana koho baloka, no ka haule ana o Chas. F. Chilling worth, kekahi o na senatoa kahiko loa iloko o ka ahaolelo kuloko, a o ka mea hoi i paa i ke kulana peresilena o ke senate, no na kau lehulehu, me ka mahalo nui ia, no kona makaukau.
ua hahani loa na baloka o Chillingworth me ko Mcinerny, me ka maopopo ole o ka mea o laua i puka, ahiki wale no i ka hoihoia ana mai o ka hoike, o ka mahele umi-kuma-amakoulu o ka apana elima, akahi no a maopopo, ua kaa ka lanakila ia Mcienery, me na baloka he kanalima wale no.
O kekahi o na mean hoopahaʻohaʻo i ikeia, o ia no ka nawaliwali maoli o J. F. Woolley; oia nei kekahi o na moho i manaoia, e waeia ana oia; ola ka he mau kojokojo lalau loa na @ i manaoia nona; o kahi nae o kahi i manaoia aku ai, e loaa ana ka ikaika iaia ma kela apana, ma o na kakoo ana mai a na Hwaii, aole nae pela ka mea i Keia.
Na Moho Lunamakaaina i Waeia.
O ka hopena o ke koho baloka no ke kulana lunamakaainana, ma ka apana eha ame elima, kekahi mea nana i hookahaha mai i ka mano, aole wale no iwaena i ho o na moho ponoi, aka iwaena pu kekahi o na makainana koho baloka.
Elike no me na mea i manao mua ia. e kaa ana ia C. H. Cooke ke alakai ana iwaena o na moho lunamakaainana ma ka aoao Repubalika, ua hoea mai i ka hookoia ana o ia manao, ma ka loaa ana he heluna baloka kiekie loa iaia.
Ua ukali aku o A. R. Cunha malalo on a, he 309 wale no baloka i koe alaila loaa aku ka heluna baloka o C. H. Cooke, he mea keia i manao ole ia pela mamua , oiai aia maluna o Joe Ordenstein, ke kau ana o na manalolana o kekahi poe, no kona waeia me ka heluna baloka kiekie.
No na moho Demokarata hoi ma ka apana eha, aole he ninau ana no lakou, ua pau na moho eono i ka weia, oiaai aole o lakou mau joa paonioni.
O kekahi põe moho e ai i loa ia lakou, ua pau na moho e ae i loaa ia lakou ka waeia, ma ka aoao Repubalika, oia o Fred D. Lowrey. T. H. Petric, R. A. Witousek, ame G. P. Wilder.
Na Moho o ka Apana Elima
Ma ka apana elima, ka paio hahana loa i keia, no na moho lunamakaainana, aole wale ua ma ka aoao Repubalika, aka mawaena kekahi o na moho o ka aoao Demokarata, aka nae o keia malalo iho nei na moho i waeia.
He umi-kumamaha ka nui o na moho Repubalika, maiwaena ma i kela mau moho, i oili mai ui o William Kamaalea Hussey, oia ka mea i loaa o ka heluna baloka kiekie maluna o na moho apau. O ka ukali malalo aku on a, oia o E. K. Fernandez, ke keiki kiionioni: W. J. Coelho, F. K. Archer, John G. Anderson ame H. K. Auld.
O na moho hoi i waeia ma ka aoao Demokarata , oia o Geo. H. K. Holt, kekahi hoa kahiki i ka hale o na lunamakaainana, oia ka mea kiekie loa o na baloka i kohoia, ao kona mau hoa, i koho like ia, o Robert Ahuna, Chas. H. K. Holt,-Geo. Kekoa Ah Nee, D. M. Kupihea ame Jesse Uluihi.
Ma na mea i hoomaopopoia, ma ke koho baloka o ka Poaono nei, ma keia mokupuni, he heluna nui o na mana koho i hele ole ae e koho ma kela, me he mea le aia ma kahi o ke kanaono-kumamalia ame ke kanahiku pakeneka, o na mana koho i hoea ae, e koho i ko lakou baloka o ke koena aku ,aole i koho.
Ua ikeia no hoi ka nui o na baloka i heva, o ia ka nui o na moho i koho ia a oi wale aku mamua, o na moho i makemakeia, a o kekahi kumu i ke kialaia ana o na baloka, ma na wahi i hoakaka ole ia.
Ma ka maluhia nae o ke hoko baloka, ua ikeia kela hoailona ma na wahi apau, ua kaawale aku hoi na hana maamau, i ikeia ma kekahi mau wahi, i na kau koho ae neu i hala; aka nae i ka nana aku, aole ana e nele ke ala mau o na paio hahana ahna, ma ke koho laula e joea mauana iloko o ka mahina ae nei o Novemaba.
-----------------------
LANAKILA O JOHN WISE MA KA MOKU O KAMA
---------
I kulike ai me ka hoike o ke koho baloka, o ka loaa ana mai Honolulu nei ma Maui mai, ma ka Poakahi aku la i hala, ua haawi aku ka Mokupuni o Maui, he heluna baloka kiekie loa ia John H. Wise, mamua o na baloka o N. K. Lyman ame C. E. King ke hui pu ia.
O ka heluna aloka i loaa ia John H. Wise ke kuiia ko Maui, Mokokai ame Lanai, he 1444, o na baloka hoi i kohoia no Lyman, he 953, a no King, he 385.
No na moho elele Demokarata hoi, ua hookahahaia aku kekahi heluna nui o na hoaloha o Kauka Raymond, mamuli o ka uuku loa o kona mau baloka, he wahi oi uuku wale no kona mamua o W. P. Jarett. O na baloka i kohoia no kauka Raymond, he 483, a o na baloka hoi i loaa ia Jarett, he 385.
Oiai hoi, aole he joa paonioni o Harold W. Rice, no ke kulana senatoa, ma ka aoao Repubalika, a mai ka aoao Demokarata mai, ua haawi aku na mana koho baloka o Maui he heluna baloka kiekie loa ia ia o 1705.
No ke kulana senatoa hoi no ka hoopiha ana i ke kau i pau ole o ka Elele H. A. Baldwin, o P. G. Goodness ka i kohoia, me ka heluna baloka kiekie o 1560, a haule kona mau hoa mokomoko, L. B. Kaumeheiwa ame J. J. Walsh. Aole he moho holo kue ma ka aoao Demokarata.
No na moho lunamakaainana repubalika hoi, i lanakila ma keia koho baloka wae moho, o M. G. Pasehoal. 2081; W. A. Clark, 1843; Levi L. Joseph, 1565: John Ferreira 1419; Chales K. Farden, 1279, ame J. W. Kalua, 982. He hookahi wale no moho Demokarata oia o Jerry Burns, ua loaa iaia na baloka he 209.
O na moho lunamakaainana Repubalika i haule, oia o Thomas Holstein, John M. Medeiros. Antonio Mareiel, Charles Kaanoi, W. K. Safery, Hanuna Jr., Jack P. Kaonohi, Sam Kuula, John K. Kahookele, S. Ako, Manuel C. Pacheco, Charles K. Makekau ame M. C. Pianco.
O ka heluna naloka oi o John H. Wise, maluna o Norman K. Lyman, he 491, a he 146 hoi baloka ka oi, he huiia na baloka o Lyman ame ko King.
------------------
PALERMO Oct. 7.--- Ua lawe ae ka Moi mua o Helene Konesetina i ka Hokele des Palmes maanei i wahi nona e noho ai. E holokaa mau ana ka moi mua i kela ame keia la maloko iho i ke kulanakauhale a ma na wahi e hoopuni mai ana i ke kulanakauhale.
------------------
LAPUWALE KA LAUKEA HOAKAKA, WAHI A KE KAMALUUWAHINE.
------------
Ma ka halawai makaainana nui a na Demokarata o ka malama ana ma ka Paka Aala ma ka po o ka Poalima i hala, ma ia halawai i hoakaka ae ai ke konela G. P. Iaukea imua o ka ahakanaka nui i akoakoa aku malaila ma ia po e hoole ana i ko ke Kamaliiwahine Elizabeth Kalanianaole Repubalika; ua nui a lehulehu ka poe i lohe i keia olelo ana a Iaukea i piha i ka huhu a ua laweia aku ia lohe imua o ke Kamaliiwahine, a no ia olelo i hoakaka ae ai ke Kamaliiwahine nona iho, he Repubalika oiaio oia mai ka manawa mai i komo kino ai kana kane, ke Keikialii Kuhio, iloko o na hana kalaiaina, a mai ka manawa hoi i lilo ai ke Keikialii Kalanianaole i elele i ka ahaolelo ahiki i kona moe ana aku, o kona puuwai ame kona uhane me ka aoao kalniaina Repubalika ahiki i ka hopena o kona mau la.
Nui na wahine Hawaii maloko o Honolulu i lohe i na olelo a Iaukea a i hele ae ma na wahi koho baloka i hoakaka ae i ko lakou huhu me na manao hoahewa no Iaukea, ka moho senotoa Demokarata, no ke kamailio ana i ka mea oiaio ole a no ka hailuku i ke Kamaliiwahine Kalanianaole no ke komo kino ana e hooikaika kino ma ka aoao Repubalika i mea e loaa ai iaia ka uku hoomauia e ka ahaolelo, a no ia hoakaka a Iaukea i hoike ae ai ke Kamaliiwahine i kona manao.
"Pehea la e hiki ai ia mea ke hanaia, elike me ka Iaukea mau olelo hailuku, e kuai aku au iaʻu iho i ka aoao Repubalika , oiai no au he Repubalika mai kinohi mai , a e , noho mai aku ana ma ia aoao ahiki i koʻu mai la hope," wahi a ke Kamaliiwahine.
Ua hoakaka ae oia i ka hoea ana aku o A. N. Campbell ame R. W. Shingle e ike i ke Keikialii maloko o ka rumi oiai ke Keikialii e waiho ana me ka maʻi, he mau la kakaikahi mamua o kona make ana ma ka la 7 o Iauniari. Wahi ana oia pukekahi maloko o ka rumi ia manawa. Wahi a ke keikialii ia laua he manaolana kona e hana ana no na kanaka o Hawaii i kekahi hana e ole maikai ai kana wahinekanemake me ka oluolu mamuli o ko lakou hoomaopopo i ka nui o kana mau mea i hana ai no lakou.
"No na olelo hailuku a Iaukea ua kuai aku au iaʻu iho no ke kakoo ana i ka aoao Repubalika, he olelo lalau loa ia ana!" wahi a ke Kamaliiwahine. "No keaha auanei e nele ai kaʻu kakoo ana oiai he Repubalika no au. O ka puuwai ame ka uhane o ke Keikialii ua lilo holookoa no ka aoao Repubalika, a, oiai au e ku pu ana me ia ma ia aoao iloko o na makahiki he 20, ka loihi hoi o ka manawa ana i paa ai i ka hanohano o Hawaii m ke ano he elele i ka ahaolelo, ua lilo pu koʻu naau ame ko;u uhane ia aoao kalaiaina. He Repubalika au a e haawi mau aku ana ai i ka;u kakoo ana ia aoao ahiki i koʻu mai la hope.
"He makemake au e hoomaopopoia mai e ka lehulehu o koʻu kakoo ana ia John H. Wise oia ka elele, noʻu iho ia. Aole aʻu manawa hookahi i noi aku ai i kekahi poe e koho ia John Wise, he mea ia aʻu makaala loa ai ma koʻu aoao aole e koi wale aku i kela ame keia e koho iaia, ua waiho aku ai ia mea no ka manao koho o kela ame keia. Ua noi mai na wahine Hawaii iaʻu no koʻu aʻo aku i ka lakou moho elele kupono e ai; mawaena iho o na wahine Hwaii ua hooholo lakou o kaʻu moho e hoike aku ai ia lakou, o ka lakou ia e koho ai, aka ua waiho aku au ia mea na lakou e koho i ka moho a lakou e makemake ai. O ka;u i ao aku ai in a makemake lakou e lilo i mau Repubalika makai , in a makemake lakou i ka aoao kalaiaina maemae a jolomua na ke alakai ana a ko lakou mau lunaikehala maikai e kuhikuhi ia lakou i ka manao e wae ai i na moho a lakou e manao e wae ai i na moho a lakou e manao ai, aole au i kauoha aku a hookikina ia lakou e koho i kekahi o na moho. Aohe aʻu baloka hookahi i noi aku ai i na mana koho no senatoa Wise aole no no kekahi moho e ai o na moho ekolu. Ua maopopo na wahine Hawaii i keia, a ua ike pu no hoi lakou mai ka hoomaka ana mai e kukuluia na kalapu Repubalika a na wahine o ka lakou moho e makemake ai o ka lakou no ia e koho ai, mai ka elele a na moho e holo ana no ka ahaolelo kuloko, ka poe nae a lakou e manao ana e hanaia ana ka pomaikai oi loa no ka lahui mai o a o. Oia ke ano o ka Repubalika oiaio elike me aʻu.
"O kaʻu aʻo mau i na wahine Hawaii e koho i na moho a lakou e manao ai e hanaia ana ka mea pono a e lilo ana hoi lakou i wahaolelo no ka lehulehu a e hana mai ana no ko lakou mau pono."
KIEKIE O NORMAN K. LYMAN MA HAWAII
--------------
Ma ka hopena o ke koho baloka wae moho aku la i hala, no na moho elele lahui, ua hoike mai ka Mokupuni o Hawaii, i ka haawi piha ana o na makaainana koho baloka o ka Moku o Keawe i ka lakou mau kakoo ana ia Norman K. Lyman, mamuli o ka loaa ana iaia o ka heluna baloka kiekie, i kokoke aku i ka hookahi kaukani, ka oi mamua o na baloka i loaa ia John H. Wise.
Aole no i hookahahaia ka manao o kekahi poe, no kela heluna baloka i loaa ia Norman K. Lyman, o ka lakou i hoko wale ai, e lanakila ana no oia ma Hawaii, no ka mea aia malaila kona mau hoaloha lehulehu, aole nae hoi i mnaoia, pela iho la ka oi ino loa; aka nae he mau huahelu oiaio loa kela, e hiki ole ke hoohewahewaia.
O ka heluna baloka i loaa i kela ame keia moho elele lahui pakahi, penei iho no ia: King 509; Lyman, 2610: Wise, 1648; Jarett, 509; Raymond, 90. Ma keia mau huahelu e mopopo ai, ka haahaa maoli o na baloka i loaa ia Kauka Raymond, e hoike mau ana i kona kulana nawaliwali maoli ma na mokupuni apau.
No na moho senatoa, o S. L. Desha ame W. C. Vannatta ka i waieia ma ka aoao Repubalika, a oiai aole he mau moho holo kue mai ia laua ma ka aoao Demokarata, ua kohoia laua, in a no he hookahi baloka ma ke kau koho ae nei o Novemaba.
O na moho senatoa i haule oia o James W. Russell ame James D. Lewis.
O na moho lunamakaainana hoi i lanakila ma Hawaii Hikina, ame ka heluna baloa i loaa ia lakou pakahi, okeia malalo iho nei ko lakou mau inoa:
R. W. Filler 1669, Geo. H. Vicars 1553, Evan da Silva 1496, ame Tom Pedro Jr. 1342. O na moho i haule oia o W. M. Keolanui, Henery J. Lyman, Nelle W. Carlsmith, George K. Mills, Otto W. Rose, Geo. L. Desha Jr, ame J. K. Koomoa.
O na lunamakaainana hoi i waieia ma ka aoao Repubalika, ma Hawaii Komohana, o keia iho na inoa; Emil M. Muller 1116, Charles K. Stillman Jr. 1111, Grandcis K. Aona 963, ame Robert Wilhelm 952.
He nui na mea hookahaha i ka manao o na mana koho ma Hawaii, o ia no ka haule ana ma Hawaii, o ia no ka haule ana o kekahi mau hoa kahiko o ka ahaolelo, elike me Henry J. Lyman o Hawaii Hikina ame Henry L. Kawewehi o Hawaii Komohana.
No na moho lunamakaainana i waeia o Hawaii Hikina, ua pau lakou i ke kohoia, mamuli o ka loaa ole he hoa paonioni ma kekahi aoao mai, o ka lakou wale no, o ke kakali aku o ka hoea mai o ke koho baloka laula, iloko ae nei o Novemaba, me ka hele ole e hooikaika baloka.
No na moho hoi o Hawaii Komohana, no ke kulana lunamakaainana, he hookahi wale no hoa paio o lakou, ma ka aoao Demokarata aole no nae manaoia, he moho kela e kauia aku ai ko veli, aka e kohoia mai ana no na moho Repubalika apau, me ka hoopaapaa ole.
Pahu ʻ a ka Hana Powa i Manaoia e Elua Mau Koa
------
Hoike Okoa na Koa Kolohe i ko Lakou hoolala Ana e Aihue i ka Banako o Waialua
---------
NO KA HOPU E IA ANA I HOLOPONO OLE AI
----------
Hala Kekahi Manawa o ka Hakilo Ana o Kela Mau Koa i na Hana Oloko o ka Banako
-----------
Oiai kekahi põe e noho ana me ka nanea, eia nae, ia manawa like aia kekahi poe manao kolohe ke hoolala mai la e powa i mea e loaa ai keahi heluna dala nui. Ua hooiaia ka oiaio o keia ma o ka hoolala ana o kekahi poe e powa i ka banako lala o ka Bihop & Co., ma Waialua ma kekahi mau la i hala o ka mahina aku la o Sepatemaba, a i hoopahuaia ai na hana e na makai o ka oihana koa ame na makakiu o ke aupuni kulanakauhale. O kekahi o na kanaka na laua i hoolala ia hana he koa no ka Papu Leilehui nona ka inoa o Hightower , a i laweia aku ai no ka Mokupuni MeNeil no ka hoopaahao ana iaia malaila no elima makahiki no ka powaana i kekahi kalaiwa kaa Kepani maluna o ke alanui e moe ana mawaena o Leilehui ame Waipahu he mau pule lehulehu aka nui i hala.
Ma ka hoakaka a ke Kapena Makaikiu McDuffic ka mea nana o lawelawe ana i keia hihia ma ka aoao o na makai, ua hoolala o Hightower e mahuka mai ka hale paahao aku o na koa ma Leilehua, a e hui mai me kekahi paahao mahuka maloko o Honolulu, a e komo aku iloko o kekahi banako ma Waialua ma ke awakea a e hooweliweli aku i ke kanaka e hana ana maloko o ia banako ia manawa, a o homomahuka me $25,000, elike @ @ @ i hoolala ai, alaila holo mai i Honolulu nei maluna o kekahi kaa otomobile a laua e kaioha aku ai i kekahi kalaiwa Kepani me ke kau mai aku i ka waha o ka pu panapana mahope o kona kua.
Ua hoikeia ae keia hana i hoolalaia ai e powa i ka banako e Hightower, ke koa i laweia aku he paahao i ka Mokupuni McNeil ma America imua o ka makaikiu ma kona manawa i ninaninauia ai, a pela pu no hoi e kona kokoolua ma ia hana, wahi a na makaikiu oia maoli ka hana i hoolalaia ai, i ka manawa e loaa ai ke dala he hana maalahi loa ka holo ana mai no Honolulu nei.
Elua mau hihia karaima kukaawale e pili ana ia Hightower me kona kokoolua, a no ke kolu o lakou, he kanaka ia i manaoia aole i pili i ka hewa, i ka huli pono ia ana aku eia ka oia kekahi mea kokua hewa.
Ka Powaia ana o ke Kalaiwa
He mau pule lehulehu i hala aku nei ua hoolimalimaia kekahi kalaiwa kaa oto Kepani ma Wahiawa no ka lawe ana mai iaia i ke kaona nei. I ka manawa e makaukau ana ke kaa no ka holo mai ia kauohaia mai la nae e kekahi mau koa iloko o ko laua mau aahu koa, e ku iho no ka mea o laua ka kekahi i makemake e holo mai i ke kaona nei. I ko laua kau ana mai a noho iho la ma ka noho mahope o kekaa, o ke koa mua i kau mai ai a nana hoi i hoolimalima i ke kaa no ka lawe ana mai iaia ua Honolulu nei, maka noho oia mamua me ke kalaiwa.
I ke kokoke ana mau o ke kaa i ka huina o na alanui o Leilehua me Wahiawa noi mai la kekahi o na koa ma ka noho mahope i ke kalaiwa e hoopaa iho i ka @ o ke kaa no kekani manawa. Mahope iki iho olelo mai la laua i ke kalaiwa i ko laua makemake eia nae i ke kokoke ana aku i Waipahu ua kuʻi mai la kekahi o na koa i ke Kepani mahope o ke poo, a laweia na dala a ke kalaiwa, wahi. aka @ akaikiu. @ manawa hookahi ua hauhoaia mai la na lima ame na wawae o ke koa e kau ana mamua a paa a haaleia aku oia me ke Kepani mahai o ke alanui. Ua loaa laua i kekahi kanaka o ka holo ana mai ma ia alanui a hoikeia mai ka pepehiia ana o ia mau kanaka i ka oihana makai no ka huli ana aku i na mea powa.
Na Olelo Hoakaka a ka Paahao
Ma ka manawa a ka Makaikia McDuffie i hoomaka ai e ninaninau ma na mea e pili ana i keia hihia ua hoolele oia i kona noonoo maluna o ke koa i kaukoaia ai a i kau pa ai me ke Kepani ma ka noho mamua, oiai nae, ua haujoaia a paa e na koa e manaoia aku ai he pio
---------------------------------------------------------------------------------------------------------------------------------------------------------
(E nana ma a aoao 8)