Ka Nupepa Kuokoa, Volume LXI, Number 41, 12 October 1922 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

IKE I KA NANI O MOLOKAI NUI A HINA O KA HEKE NO IA.

 

            Kaulana e ka holo o Honolua Shampan,

            Mahimahi o na ale o Pailolo,

            A kani e ka hora ehiku,

            Haawi ke aloha hope no Honlolua,

            Eia Honolua ke au nei,

            Ma na al hulilua a o Pailolo,

            Lawe ae o Ben i ka hoeuli,

            Pukoo ke awa a e komo ai,

            Ku mai Kapena Kauhane i ka wiliki,

            Hemo pau na ki o uwehone,

            A pae makou i ka uwapo,

            Ike i ka nani o Kealakahi,

            Hiki i ka hale kamaaina,

            Hookipaia me ke aloha nui,

            Hainaia mai ka puana,

            Na hoa aukai a o Pailolo.

 

            E Mr. Lunahooponopono o ka Nu-pepa Kuokoa, Solomon Hanohano; Welina pu kaua: E oluolu hoi oe e hookomo iho i mau wahi laina pokole ma kahi o na kowa a rumi kaawale o ka hiwahiwa a ka lahui, no ke poomanao maluna ae.

            Ua hoea aku makou me na maka malihini, i kahi o na kakua kahu Mr. ame Mrs. J.F. Welch, a hui @nalihini me kaua ma ka home.

            Ka manao nui nana i kona nui mai ia'u ame ko'u mau hoa aukai o na ala hanupanupa o Pailolo, e hele, a e ike i ka nani o Molokai nui a Hina.

            Mahone iho o na manawa liilii i hoomahaia, ua kaulima pu aku me na kamaaina o ua la'i nei a Hina, no ka hoomakaukau ana i na maho-@e hana malalo iho penei:

            Ahahuina o na Mokkupuni o Maui huiia ame na hana e ae, o ke Sabati e pili ana i na hana hoike o na Kuia Sabati apau malalo o ka aha o Maui Huiia ame na Kula Sabati ponoi iho o ua la'i nei, a Hina, mai ka wailele kaulana o Moaula i ka hikina ae a ka la, ma ka hikina, ahiki aku i na Kula Sabati o ka la'i a ke kiowea ma ke komohana.

            Ma na hora poniponi o ke kakahiaka Poaono ae, i hoea ai nakahuna Nui Moses ame Aarona ame na hoa e ae o ua aha nei, e piha ai o ia hoi ka aha o ko ka lani puali anela.

            Ua hoomaka no na hana a ua aha lani nei ia kakahiaka Poaono elike me na mea i kuhikuhiia ma ka lawe ana ae o ka lunahoomalu Mose i ka hanohano ma ka lawe ana ae i ka wehe ana, i na hana mua loa o ua aha lani nei, ma ka hora eiwa, a hoomaka i ka hora umi-kumamalua o ke awakea; a pela no hoi me na aha Kula Sabati ame C.E, a hiki i ka rora elimu o ke ahiahi.

            Ma ka la Sabati ae, i hoakoakoaia mai ai na Kula Sabati o ua la'i nei a Hina, ma ka luakini nani e kukilakila nei i ka makani, Kaluaaha.

            Ma na hana i malamaia mawaena o na Kula Babati o Maui ame Molokai, ua hookuikahi like me ka manao o na mea apau e haawi ana i ka mahalo nui i na mahele Kula Sabati i ha'iia ae maluna, i ka olelo hoo@@@@ kaulike @@@ hookahi wai o ka like.

            Ia manawa i iniki mai ai kekahi o ko'u mau hoa e ku pu ana ma ia wahi hookahi, a hawanawana mai @ ia'u me keia mau huaolelo mai-kai loa; O Molokai no ka Heke, a o Maui No ka Oi; A ninau aku la nu i kona manao i loko o keia mau mahele elua maluna ae, ha'i hou mai la oia ia'u i kona manao po-noi, me keia mau huaolelo maopopo; O Molokai ka helu ekahi '  na Kula Sabati, i hoike ia, a o Maui ka helu elua, a no ka mea; o Molokai no ka Heke, a he Oi wale iho no ko Maui ma ka olelo o lakana a hu ae la ka aka.

            Mahope iho o ka aina awakea, i hului pau ia aku ai na lala apau o ka aha, ame na hoaloha e ae i moea mai ma ia la ma Kaluaaha; no Waialua ka hopu; A ma na hora ekolu ame eha o ia auwina la, i lawe ae ai na komite hoonoho ia laea i kahuhipa no ia pa, a nana auanei e hoopulapula, a e hoolaupa'i hou ae i na hipa i loko o ia pa, a o na komite no lakou na inoa i hoonohoiaia. oia no ka Rev. E. E. Pleasant, o ka papa kokua o Maui, a Rev. H. P. Judd ke kakauleka o ka Papa Hawaii, ka Hon. J. W. Kalua, lala o ke komite eiwa, ka Rev. James Davis o Wainee, Lahaina ame ka Rev. M. M. Kahiapo, komite hoeueu nui i ka Paeaina.

            Mahope o ka pau ana o keia hana pookela, i ikeia maluna o kahi o na kahuhipa iloko o na mokupuni huiia o Maui, i hookipaia aku ai na lehulehu apau i hoea mai na Waialua, i kela auwina la ma ka hall aina o Waialua Church, no ka hoopiha ana i na mea e ola ai o ke kino ame ka uhane pu me na ono like ole i hoopihaia maluna iho o na pakaukau loloa elua nona ka loa o hookahi haneri kanalima poe a oi aku e emi mai hana; Me keia mau meaai, poi uouo, o ppuna momona, laulau nui a ka on a, amaama kelekele, nui a ka momona, kukui inamona, me na kauana limu pahee o ua kaha nei.

            Mahope iho o keia hana pookela loa i huli ae ai kela ame keia ohana i kona pili, a hoi mai no Kaluaaha, a malaila i kakali iho ai ma kou, me na hoapaahana apau, no ka hiki mai i ka hopena o na hana o keia kau.

            Ma ka Poalua, Sept. 26 1922, ma na hora poniponi o ke kakahiaka o ka la i haiia ae la maluna, i hoea hou ae ai o Honolua Shampan me kona mau on a moku Kapena Kauhane ame Ben, me ko makou makuahine haiolelo Mrs. Daisy K. Kukahiko, a hui halawai iho la makou me ke aloha kakahiaka me lakou.

            Ua hookipaia aku lakou me na mea e oluolu ai ke kino ame ka uhane ma ka Hall Aina o na lala o ka aha o keia kau, a mamuli o ka pau pono ole on a hana o ka aha, ua kali liilii hou iho makou elike me ka manao o ko makou Makua Mr. J. M. Kkahiko, a mawaena o na hora 11 ame 12; i wehe ae ai na ki enekini o ua Honolua Shampan nei, ikoko o na wiliau ahiu o na makani puahiohio o ka moanakai, o Pailolo o hii hele ana i kena mau milimili no ka mokupuni o Maui o Kama.

            I ka hoea ana mai i ke awa ua aneane e hui ne na kumu o ka @@@; ma keia pali a kela pali o ka @@@ la'i-ku malino o Honolua, no laila malalo o ka pail@k@ noonu ana a ko Kapena Kauhane ame hoaluhi pu i rula mai ai ola ia makou apau two in one line, till you get on the beach a mahalo oia pallaka nooeau ana a ua kapena Kauhane nei, i pae mai ai makoui ka aina me ka palekana, a ia makou e hoomaha liilii ana no ka hoi home ana aku, aia hoi ike aku la makou i ua mahimahi nei o Honolua, e wehe ana ka papale no ka maluulu o Lele, ka pau hopu.

            Maanei makou na hoa aukai i hoiho aku ai i ko makou mau moku he umi ihu no Kahuiki, ke awa e pae ai. Mamua o ko makou hoopili ana aku i ko makou mau moku i hookuu ae ai makou me kekahi o na hoauakai, oiai ka Airplane e hookeleia ana e Major Kanamu, a haawi ae la ke aloha hope       Mamua o ka hoopau ana ae o keia makapeni i ka inika, ke haawi nei makou apau i na hoomaikai he nui ame na mahalo kiekie ame na mahalo kiekie loa ana, i na Makua Kahu o Kaluaha, J. F. Welch ame kona mama, i ka hooipa maikai ana ia makou apau i na la a makou i hehi ai i na kapakai o Molokai Nui A Hina, a ke pule pu nei maka@@ i ke Akua no laua, no ka kaua ohana ame ko laua ola haipule ana, iloko o ka ekalasia a kihapai o Kaluaaha, a laua e noho hana ana no na pomaikai holomua mailuna mai.

            Keia ka makou leo pule ma o Iesu la ka Hoola no na mea apau; a nou hoi kekahi wahi lalani hoomaikai nui ia e ka mea hanohano e ke Supervisor D. T. Fleming ka puuwai hamama a kokua nui iloko o na hana kalaiaina o ke aupuni lani a me honua, ma na ano maikai apau a me na alakai ana o ka Uhane Hemolele o ke akua iloko o kono ola honua ana, ma neia huli kuaaina haalele loa o ka hapa poepoe o Maui Komohana nei, a no keia mau maikai a makou e ike maka nei, e ola ana iloko o keia kenekulia hou, ke pule nei makou nona ame kona ohana i ke Akua kiekie loa, o ka Isaraela i kela me keia manawa, no kona hookipaia ae iloko o na paia laahia o Ierusalema hou e hoea mai ana.

            Ke hooki nei au i keia mau lalani pokole, nona ke poomanao maluna ae me ka hoomaikai nui ame ke aloha oiaio ia oe e Mr. Lunahooponopono ame na keiki oniuhua o kou keena pa'i ko'u adieu,

            DAVID KAPAKU,

            UA HOIKE OKOA AE I KONA

            HOU ANA I KA PAHI.

            I kulike ai me na hoakaka a ka Maikiu McDuffie o ka hoike ana ae ma ka po Poalua nei, o ka hopena o kana ninaninau ana oia ko M. Ingram hoike okoa ana ae iaia nana io@no i hou ia Ahapa me ka pahi.

            Ma ke ahiahi Poaono i hala, oiai oia ma ke kihi o na alanui Kula ame Liliha. Ua make o George Ahapa, ma ka hora 6 o ke kakahiaka Sabati ae, maloko o ka Halema'i Moiwahine mamuli o ka nui loa o ke kahe ana o ke koko mai kahi aku ona i moku ai.

            O D. Mercer, he koa, kekahi i paaia e na makai mamuli o ka manaoia oia kekahi i haahawa ka lima i ke koko o Ahapa, eia nae, mahope o ka ninaninauia ana i maopopo ai i na makai aohe i pili ka hewa iaia a ua hookuuia oia mamuli o ka Ingram hoike. Ua waihoia ae keia hihia imua o ke kiure o ke Teritore no ka noii a no ka huli pono ia ana.

            Ahiki mai i ka po Poalua nei oia mau ko Ingram hoole ana aohe oia i ike i kahi mea e pili ana i keia hou pahi, a ua hoole pu i kona hana ana ia karaima. Oiai ka Makaikiu McDuffe e paa mau ana i ka pahi me a, ka pahi i manaoia ai me ia mea o Ingram i pahu aku ai ia Ahapa, ua hookolo aku la oia a hoea i ka halekuai o ke Kepani e ku ana ma ke kihi o na alanui Kula ame Liliha, a laweia mai elua mau Kepani mai ia halekuai mai a ka halewai, a na laua i kuhikuhi pololei ae o Ingram io no ke koa nana i pahu ia Ahapa me ka pahi, o Ingram no hoi ka mea i kuai i ka pahi i ko laua halekuai. I ka manawa i ninauia ae ai o Ingram akahi no oia a hoike ae nana io no i pahu ia Ahapa, mamua aku he moe wale no oia i ka ole.

            Ma ka moolelo e pili ana no ke kumu o ka hoomaka ana e ulu ka hoopaapaa ahiki  i ka hahaua loa ana, mamuli no ia o ka maalo ana aku o kekehi kaa otomobile e kau ana o ka have me ka inoa S P. Correa, moho senatoa, maluna ma ke kihi o na alanui Liliha ame Kula o Ingram, D. Mercer ame kekahi poe lehulehu e iho ke ku ana ma ke kihi ia manawa. I ka ike ana aku o Ingram i ka have me ka inoa o SP. Corea, ua hoopuka ae la ka o Ingram "Huro! no Bill Jarrett!" ia lohe ana mai o ke kalaiwa o ke kaa oto, he keiki hapa-Pake, ua hoopaa iho la oia i ka holo o ke kaa, a ninau mai la ia Ingram no kona manao o ke kamailio ana ae no Correa. Ua pane aku o Ingram no Jarrett kana mea o ke kamaikio ana ae. I kulike me ka mea ho-keia ae, ia manawa hookahi ua komom aku la o Mercer iloko o ka hale-kaui o ka Pake e ku ana ma ke kihi wehe ae la i ke pani o ka pahu waiho hau a nou aku la i kekeahi omole waimomona ia Ahapa me ko Ahapa hana wale ole mai iaia. Ua hoea mai ke kaa uwila o ke alanui Liliha ia manawa, a ia manawa ua ee aku la o Mercer, kana wahine ame kekahi koa o Armstrong ka inoa iluna o ke kaa, oia nao, ua kauo hou ia mai o Maercer mailuna mai o ko kaa o kekahi poo kuku ana maila. I ka ike ana o ka wahine a Mercer i ka haule ana aku o ko kona ihope, ua l@l@ iho ia oia me Armstrong ame Kana@ ma kekahi wahi aku o ke kaa o ku ai a hei hou mai ia i kahi i ulu ae ai ka haunaele. Iloko o kela wa e uluaoa ana, wahi a ka makaikiu ua manaoia o ia ko Ingram manawa i komo aku ai iloko e ka hale kauaio ke Kepani kahi ana i kuai ai i pahi pelu.

            Mahope o kona kauai ana i ka pahi ua hoi hou mai la oia i kahi o ka haunaele, kahi on a ame Mercer i hoopuniia mai ai e na kanaka. Ma ka Ingram hoakaka i mea ka e hoopakeleia ae ai oia mai na kanaka mai i piha me ka inaina, pela oia i hoohana ai i ka pahi no ka hoopakele ana iaia; i kinohi nae o kona ninaninauia ana ua moe loa oia i ka hoole aohe oia i ike, a aole no nana i pahu o Ahapa i ka pahi.

            KA C. P. IAUKEA PANE NO NA MEA E HOINOIA NEI OIA.

            Mr Lunahooponopono o ka Nupepa Kuokoa: ---E hoolaha ana paha oe ma ke ano manaopepa, a nuhou paha, i na mea e pili ana no'u ma ke kulana Moho Senatoa Demokarata no ka Apana Senatoa Ekolu, me na haiolelo akea mai a'u aku, e ku-e ana ma ke ano paonioni, a hakoko kalaiaina i ke Kamaalii Kahanu Kalanianaole He mau olelo ko'iko'i keia ma ko'u aoao, a he ko'iko'i no hoi, na mea i paneia ma ka aoao o na Rpubalika, e pale ana, a e hoole ana, i ka oiaio o ka'u mea i hoopuka ai no ke Kamaalii, ma Aala Paka i ke ahiahi mamua koke iho o ka la wae moho.

            E homanaoia, he makaainana kakou apau, e lawelawe ana i ka pono koho baloka, e huki ana, a e hoohulihuli ana i ka poe koho baloka ma kela ame keia aoao, he moho e ku'e ana i ka moho, he aoao kalaiaina e ku-e ana, e keehi ana, e hailuku ana ma o a maanei, i mea e huli mai ai ka hapanui o na makaainana ma ia aoao, ma ke kakoo ana i na moho o ia aoao.

            E hoomanao hou ia no hoi, pela me na wahine i loaa ka mana koho aohe keia he hana hoomailani a nihinihi o ka lawena. Me ke akamai ame ke mikioi, a makaala i na kina'una'u o kela aoao, me ka hoike ae i keia mau mea i ke akea, pela wale no e pono ai, a e manao ae ai ka lanakila o na moho o ka aoao kalaiaina au e kakoo ana.

            Aohe hoahewa ana ma ko'u aoao i ke kakoo a ke Kamalii i ka aoao Rpubalika. O ka mea pono ia ma kona aoao. Ke kukulu ana i na ahahui o na Wahine Hawaii ma kela ame keia Mahele Koho, ke alanui ia e loaa ai na kakoo e pono ai ka aoao. I ku no ka aoao i ke kakooia e kekahi hapa mahunahua o ka mana koho Ma ia mau mea apau, he mahalo wale no ka'u, aohe hoahewa ana. O ka'u hana ia i na la mua i hookahua pono ia ai o ka aoao Demkarata, ikeia he aoao. Mmua aku, he inoa wale no aohe Ahahui Mahele, na pouhana hoi ka aoao. Na'u i kukulu keia mau ahahui ma kela ame keia Mahele Koho apuni ka Paeaina.

            A eia ke kumu hoohalahala ma ka aoao o ke kanaka, a pela au i hoahewa ai, a e hoahewa nei i kuu Alii. Nau ke Alii, aohe na oukou e ka poe e waha-a mai nei. He alii ia'u no ka mea, na ili ke kulana hanohano a kapukapu alii o ke Keikialii Kalanianaole maluna on a, ma ke ano he wahine mare. O na loina ia o ka nohona o keia au, a kakaou e noho nei. Ma ka nohona launa wale iho no nae Aole ma ka nohona aupuni, aohe Alii a kulana Alii i keia ma ke kanawai. He makaainana wale no kanou apau.

            Hoahewa au a minamina no hoi i ke komo kino mai o ke Alii e lawelawe ma na hana Kalaiaina, a koho baloka, elike me ia e hele nei, a hooikaika ma ka aoao o na Reubalika. No ka mea ua maopopo ia'u he manawa e hiki mai ana, e wehe ai ka pili, kane ku-e i ka wahine, wahine hoi i ke kane, pela me ka hoaloha, e ku-e ana a u-e mai nma na paonioni aoao kalaiaina. Alaa ka hewa la! Eia au ke kanaka, e hooikaika ana ma na ano apau i mea e lanakila ai na moho o ko'u aoao kalaiaina Aia ke alii ma kela aoao e kulai ana, a e ku-e ana i ke kanaka ma ke kakoo ana i na moho o kona aoao kalaiaina. Wehe ka pili la o ke kanaka me ke lii, mamuli o ke kalaiaina No ka makee i ke alii, pela au i hoahewa ai, a iloko o ka enaena o na hakoko ana, ua puka na manao e hakukoi ana i ka puwai.

            O ke kanaka anei ka i lawehala, a o kuu milimili paha, i ka "pao ana i ka huewai a ke kanaka" Na ka mea heluhelu ia e hooholo iho.

            Ina ua hewa ke kanaka i ka manao o ke alii, e ka Lani! E opu alii, a e kala mai!

            Ke knaka o na'Lii.

                        C. PIEHU IAUKEA,

            Ua aha'i ae ka hui kinipopo Giants i ka inoa moho o ke ao nei, ma o ka lilo ana o eha manawa o ke eo ana ma ko lakou aoao, o na hui no keia i paani like ni i ka makuhiki i hala, oia hoi ke Giants ame ka Yankees.

 

                        T. J. HOOD

            Ho Kauka Lomilomi no na Aakoko Hu@l, na I'o Hu'i, a pola wale aku. Ua hiki ke hoola ia na ma'i hu'i i ike ia ke oia ole. Elike me ka oluolu o loaa ana ia @@ iloko o na ml@@ ke @ @ @@, pela no ke kakl o kaula ai ia oe.

Keena Hana, 510 Llanui Megellan meAlanui Frear.

            He ekolu alanui maluna aku o ka Haukapila Moiwahine.

                        HUAKAI MAKAIKAI NO KAUPO MAUI.

                        (Hoomauia mai.)

            Lapule, Mei 7. O ka hora ekolu no paha ia o keia wanaao, ua ala ae au mamuli o ka hu'ihu'i ka-wa-u o kahi kapa, me ko'u manao ua kulu paha kahi halelole I ko'u haha pono ana iho, ua pulu io ma-oli no ke kapaua ame kekahi wahi o ka huluhulu. Mamuli o ka nui loa o ke anu o ke kumu o ke kewai iluna o ke kapaua, a mailaila mai ka wai i kahe ai iluna o ka hulu-hulu i kela ame keia manawa a'u e oni ae ai Ia'u e hooponopono ana i ko'u mau wahi pono moe, ua ala ae ko'u mau wahi pono moe, ua ala ae ko'u wahi hoa a walaau liilii iho la maua no kekahi mau minuke, a pupue hou iho la no iloko o ka huluhulu.

            I ka hora elima a oi o keia kakahiaka, ua pau loa makou i ke ala, aka, aole nae i haalele kokoke i kahi moe no ka mea e kawewe iho ana no ka ua Lilikoi, ua hoopala ohelo, o kuahiwi, Haleakala. Ua kiei aku au me ko'u wahi hoa iwaho, ua paapu na wahi apau i ka noe, ame ka uhiwai, ua like me ka punohu uwahi e ku ana i kahi hookahi Ia makou e hauwalaau ana, kani nahenahe ana ka leo o ka manu lae-hao maluna poo o makou, ahiki i kona mamao loa ana aku me ka pau loa o kona hohe ia ana aku me he mea la, e hoolale mai ana ia makou "e ala ua ao kakou."

            Kani ka hora eono a oi iki haa-lele makou i na halelole me na ka-paua nowaho no ke kuke ana. Eia no ka ua kilihune ke hoopulu nei i ka ohelo ame na meaulu hihipea o ke kuahiwi, aka, aole ia he mea no makou e hopo iho ai. Iloko o ka manawa pokole, ua kapalapa nui ae la ke ahi, a kau no hoi na mea kuke apau.

            Eia makou ke pupupu nei ma kahi o ke ahi e olala ana i na lima ame na wawae, i loaa iki mai hoi kahi mehana. Hora ehiku a oi, ai ko makou aina kakahiaka O keneki ame Munroe, ua hoi aku no laua iloko o ko laua halelole e ai ai, a koe iho no au ame ko'u wahi hoa i ka'e o kapuahi i kahi mehana. Pau ka ai ana, ua hoi aku maua noloko o ka halelole, a haule iho la ilalo no ka nanea ame ka heluhelu buke ana.

            Ia makou e hoolaulea nanea ana, kapalulu ana na holoholona me ke kahea ana mai ia makou. O na keiki keia a von Tempsky mai ke kahua Waikekeehia mai. Ua lele mai la laua ilalo a komo mai i ko Keneki ma halelole, no ka nanea pu ana me makou. O ka hora wealu no keia o ke kakahiaka, aka, o ka ua liilii, ka noe ame ka po'ipu eia no ke hokau nei maluna o ke kuahiwi holookoa.

            I ke ano malie iki ana ae, koe nae ke po'ipu, ua olelo mai la o Keneki e hoomakaukau no ka hele maka'ika'i ana i ka lua (crater), ame na wahi pana o ke kuahiwi Haleakala. Ua hoomaka koke no ka hauhoa i na hoki, a hooponopono na mea liilii, e lawe ai ma keia huaka'i hele. Makaukau na mea apau, ua haalele makou i ke kahua Laie, i ka hora umi o keia kakahiaka, iloko o ka ua kilihune liilii. O ka puu mua a makou i ike ai, a o ka puu kokoke loa no hoi i ke kahua laie, o ia no ka puu o Laie.

            Aia no he wahi moali alanui ololi mailalo mai o ke kumu o ka puu ahiki iluna o ka piko o Laie Puu.

            Iluna o ke a-pele mawaena o ke ana o Laie ame keia alanui iluna o Laie, Puu, e waiho ana he eha mau wahi kahua liilii i ka hikina ame ke komohana. He 50 kapuai ke kowa okekahi kahua mai kekahi kahua mai. He 3 kapuai ke kiekie mai ka 3 kapuai a ka 4 kapuai ka laula, a he 5 kapuai a 6 kapuai ka loihi.

            Aole i mamao loa mai ka puu aku o Laie iluna pono o ke a-pele, e waiho ana he ana i kapaia ke ana o Laie, Iloko o keia ana kamaaina e waiho ai i na lako kuke me kalo noho, ke pii mai i ke kuahiwi nei Ianei no ko maua wahi hoa i hele mai ai, e kii i mau kini wai no makou i nehinei.

            Eia makou ke hele nei iluna o ke one eleele ame ka pahoehoe Ua nui maoli no kahi o ka lua i paa i ke a-pele. Ua kahe mai keia a-pele mai ka lua mai o Umi, he mile paha a oi mai keia wahi a makou e hele nei. He ano hou no keia kahe ana o ka pele, no ka mea, o ia ano wanawana ooi no ke a. Aohe nui o ka laau ma keia wahi, no hoi meluna aku o ke kuahiwi Aia no ka noe ame ka ohu e nohopaa mai ana no , iluna o ka piko mauna.

            He nui maoli no ke Kao a makou e ike nei iluna o ka pali, a ma kela ame keia wahi o ke kuahiwi; he lohe wale aku nok oe i ka uwe mai. He mau kaukani kao iluna Haleakala nei, ua koho wale ia no, ua aneane paha e 20,000 kao a oi; a o keia ka holoolona nana e hooneoneo nei ke kuahiwi, i na meaulu apau. O ka pua hinahina "Silvers-word" kekahi iwaena o na meaulu, e hoopoinoia nei  e keia holoholona, a in a aole e lawelaweia kekahi alahele, no ka papehi ana i ke kao, alaila aole i mamao loa ka la e nalowale loa aku ai keia pua ma-kamae, ma o kakou nei, elike ma ka nalowale ana o na manu Hawaii ame kekahi mau laau kahiko o kakou nei.

            Ma ke kuahiwi o Haleakala wale no i ikeia ai ka ulu ana o ka "Siversword", aole no hoi ma kekahi wahi e ae o ke ao nei Nolaila he pua kamahao keia mai ke au kupuna kamahao mai, i hooiliia mai ai no kakou keia hanauna hou. Ua loaa nae kahi manaolana no ka mea, eia ke noonoo nei ka oihana paka lahui, ame ululau no ka pepehi ana i ke kao ma Haleakala nei, a ma kekahi mau wahi e ae o Hawaii nei.

            I keia manawa a makou e hoomau nei no i ka hele ana, ua poha mai na kukuna mehan o ka la, aka, o ke ano hu'ihu'i no, he mau no ia.

            I ko makou hiki ana mai i ka puka-pa o ka hora umi-kumamalua ponoi ia o ke awakea. Maanei ua haawi mai ke keikikane a von tempsky i ke aloha ia makou, no ka mea e hoi ana no oia i Makawao, no ka hale ana i ke kula i ka la apopo, o ia hoi ka Poakahi Haalele mai oia ia makou, ua hoomau aku no makou ma ka huakai maka'ika'i. Ma keia wahi aku a makou e hele nei he a-pele wale no ke alanui.

                        (Aole i pau.)

 

ADVERTISEMENTS OR HOOLAHA

 

Makemake Anei Oe i na Leo Mele Hou Loa?

            Ua hiki ia makou ke hoolawa aku i na Leo Mele Hawaii hou loa ma na

            PAPA LEO MELE A MA NA OWILI PEPA

            Pepa Mele anei? Ina o ka mea hou loa eia ia me makou.

            O NA MEA PILI MEAKANI APAU NAU.

Hawaii Sales Co., Ltd.

Alanui Nuuanu, kokoke i ke Alanui Moi

 

E Heluhelu i Keia

            O keia iho malalo nei kekahi o na leka i loaa mai ia makou, a makou e hauoli nei i ka hoopuka ana aku mea e ike mai ai na hawaii i na Pomaikai e ujuia ana i ka poe i lilo i lala no keia hui, i ko lakou wa e halawai ai me kekahi ulia:

                                                                                                Oct. 11, 1922.                       

            RUGGLES W. HAMOND, Lunanui.

                        The Western sasualt Company,

                                                403 Kauikeolani Bldg, Honolulu, T. H.

            E na Keonimana:

                        Ua makemake au e haawi aku i ka'u mau hoomaikai palena ole i kou Ahahui no na kokua apau i loaa mai ia'u mai kou Ahahui mai, oiai au e waiho ana ma kahi moe no na palapu i loaa ia'u ma kekahi ulia.

                        Ina he mea hiki ia'u ke hana aku no ke kokua ana aku i kou Ahahui, ua hauoli mau au e hoike aku elike me ka hiki ia'u ke hana aku. Ke manao nei au, he hana maikai loa na na Hawaii apau e komo ana maloko o kou Hui Inisua.

                        Ke hauoli loa nei au i ka hoike ana ae i ke akea i ko'u mau manao maoli no na mea e pili ana i kou Hui, no ke keehina hana hikiwawe i lawe ia ae ai e ia ma o ka uku koke ia ana mai o ko'u mau pomaikai i kela pule me keia pule

                                                                                                Kou Oiaio,

                                                                                                ROBERT AHUNA.

E Inisua me ka

WESTERN CASUALTY CO.

 UKUIA NA KOI ME KA HIKIWAWE LOA

Keena: Rumi 403 Kauikeolani Hale.      Kelepona 4203

            Rugles W. Hammond, Lananui.

 

                        HE 71 KA NUI O KA POE NOI MAKAI A KINALAHI.

            Mahope o ka minaninau a hoike ana ua hoike ae o David K. Trask, ka lunahoomalu o ka papa ninaninau no ka poe noi hana, mailoko ae o 118 nae i waiho ae i na palapala noi no ka lilo ana i makai a i mau limahana no ka oihana kinaiahi he 71 poe i aponia a i loaa hoi na averike pakeneka he 65.

            Ua wehe hamama hou ia ka buke hoopaainoa, o ka poe kupono i ke koho baloka, o ke Kulanakauhale a Kalana o Honolulu nei i keia manawa, no ka hele ana ae i ka poe i hoopaa ole i ko lakou mau inoa, i hiki ai ke koho baloka, iloko ae nei o ka mahina o Novemaba.

            No ka lawa ole o na makai e kiai ai i na kaa otomoblile holonui noonoo ole i ko hai pono ma ka alanui he 14 ka nui o na makai hou aka makai Nui Charles H. Rosc o ke noi ana ae i ka papa o na lunakiai kulanakauhale.

 

START WITH THE LOT

 

PUKELE TERRACE-

NEW SUB-DIVISION

MOUNTAIN HOME SITES

            Near the uncompelled cement bridge on the Palolo Belt Rd. One-half to 3/4 acre lots. Road though lots; electric lights and city water available. The lots are numbered; select you're now: $250 and $300 while the last: $20 down, $10 per month.

$700-Lot 50x10, Kalihi-kai; $25 down, $10 per month.

$800-Lot 50x2000, Henry St, off Laimi Rd., Nuuanu; $25 down, $15 per month.

$400-Lot 50x130, 9th Ave., Palolo; $20 down, $10 per month.

$550-Lot 50x150, 15 Ave., $20 down, $10 per month,

$550-Lot 30x100, Kalihi; $20 sown, $10 pwr month.

$450-Lot 50x100, Claudine Ave.; $2o sonw, $10 per month.

            Ask C. W. Carpenter, with

            PAULO KALAUKA

            (P. E. R. STRAUCH)

Alanui Moi, Helu 74, Mawaena o na Alanui Papu ame Betela

 

 

 

(Ki'i o kekahi automobile me 750 mileage)

            KA MANA NO ka PAHU HOOHOLO KAA HOU Lawe i ka Aila Flushing ame ke Zeroline, no ka hopiha ka hoomaemae ame ka palekana. Ma na wahi kua e hoikeike ana i ka hoailona.

                        STANDARD OIL COMPANY

                                    (California)

 

            TOKO, Oct. @---I kulike me ka lono i loaa mai ianei mai ka okana aina mai o Fu Ken a mai ka Visakauna Chinda mai, ma ka olelo ino Sun Yat Sen ka mea kakoo mahope o ka poe kipi, o kona manao nui oia no ka lilo hou ana o Canton iaia.

            He mikini pulumi alanui hou loa ke hoohanaia mai nei ma na alanui a he ku maoli i ka maemae ame ka maalahi ka hana a ia mikini.

            Ua emi iho ka heluna o na palapala ae e kukula hale i ka pule i hala mamua o ko na pule mamua aku, he 62 wale no i hoopukaia.

                        NUI INO KE KAO MA NA MO-HKUPUNI.

            Maloko o ka hoike a Charles S Judd, ka kunahoohana o na Uluaau imua o ka Papa o ka Oihana Mahiai ua ikeia ka nui ino o na kao ma na Mokupuni o aHawaii ame Maui, 2.5 kao i ka eka, a ma kahi hoi o aneane 108,000 ka nui Ua koho wale ia aia ma kahi o $50,000 na lilo o ke aupuni in a no ka luku ana aku i na kao apau maluna o na Mokupuni. Ua nui ka hoopoino o na kao i na mea ulu.

            No ka lawa ole o ke koramu o ka papa kiure kiekie federala ma ka Poalua nei i noho ole ai ia aha.

 

LIBERTY THEATER

            Ukuomo: 25, 40 keneka; Noho i hookaawaleia, 60c.

 

EMPIRE THEATER

            Ukuomo: 25, 40 keneka; Ukuia ka auhau kaua.

           

STRAND THEATER

            Ukukomo 16, 28, 40 Keneka; ukuia auhau kaua.

 

NEW PALAMA THEATER

            Hoikeike ao: 5, 10, 20 Keneka: Po 10, 15, 20, 30 Keneka

 

He Mea Ole ka Manawa Kupono i ke Knaka me na Pakeke Alualu

            He nui ka poe i manaoio he hookahi wale no wa o ka Manawa Kupono e hoea mai ai iloko o keia ola ana.

            O ka mea oiaio nae, aole he hoea mai o ia mea iloko o ia manawa imua o ke kanaka i lako ole me ke dala no na Manawa Kupono nei.

            E hoolilo i kou mau manawa kaawale apau ma o ka hoahu ana i kekahi o kau mau wahi kenikeni liilii.

                        E HANA KOKE I KEIA WA. MAI KALI. E HOOMAKA KOKE I KEIA LA OIAI E LOAA ANA KAU DALA.

            E Hoahu i Kau Dala ma Keia Banako in a he Hookahi Dala wale no kau e hoomaka ai.

            E hoohol i kekahi papa hana o kela ano i kela ame keia pule a mahina paha me ka hoomau ana.

            Elike me ka pii mahuahua mau o kau mau hoahu liilii, a i ka hoea ana mai o ka Manawa Kupono, ua hiki ia oe ke apo mai iaia.

            Chinese-American Bank

Kihi o na Alanui Moi âme Nuuanu.        Honolulu, T. H.

 

 

                        O KA

            Liberty Bank of Honolulu, Ltd.

u a hookumuia i Feberuari 18, 1922; ua pii mahuahua au ae kona kulana holomua iloko o ia manawa pokole o kona ku ana, i aneane loa e hoea aku i ka papa o ka miliona dala. O keia kulana holomua, he mea ia nana i hookahaha aku i ka lehulehu-he kulana holomua i hoea mai mamuli o na hookele noeau ana.

            HE MEA NUI ANEI KE OLA IA OE?

Heaha ana na haawina e loaa ana ia oe in a e pau oe mai ka hana mai, a i ole, loa paha i ka ma'i?

            E HOAHU I KAU DALA ME MAKOU.

He hookahi wale no dala no ka hoomaka ana. Eia ke hamama nei ko makou keena ma na ahiahi Poaono apau, mai ka hora 6:30 ahiki i ka 8:00.

The Liberty Bank of Honolulu, Ltd

Kumupaa i ukuia, $300,000. Huina kaulele, $16,000.00

            Kihi o na Alanui Maunakea ame Moi.

                        KELEPONA 1014