Ka Nupepa Kuokoa, Volume LXI, Number 41, 12 October 1922 — HE HOOMAIKAI I NA MANA KOHO O KA APANA ELIMA. [ARTICLE]

HE HOOMAIKAI I NA MANA KOHO O KA APANA ELIMA.

I na haku makaainana o ka apana elima, Mokupuni o Oahu, ke haawi aku nei au i ko'u palena ole, i ka poe apau, i koho ia'u, ma ka Poaono aku nei i hala, ka mea nana i haawi mai ia'u i ka heluna baloka kiekie. 1135, aohe no he wa a loaa ia kakou ka lanakila ma ka pahu baloka. Oiai nae, aole owau kekahi o na moho i waeia, ma ka aoao Repubalika, ua kaa au ma ka helu ehiku; he hoike oiaio ma ko oukou aoao e kuu mau haku makaainana, no ko oukou hilina'i maluna o'u, a no ia mea a oukou i hana mai ai no'u, ua hiki ole ia'u ke noho malie, aka, ke haawi aku nei i na hoomaikai ia oukou, a ke noi aku nei i ko oukou oluolu apau, e lawe. aku i ka'u mau hoomaikai ana he nui ia oukou apau, a na ke Akua no e kokua mai ia kakou apau. Owau iho no me ka haahaa, a J. K. MOKUMAIA,