Ka Nupepa Kuokoa, Volume LXI, Number 41, 12 October 1922 — LANAKILA O JOHN WISE MA KA MOKU O KAMA [ARTICLE]

LANAKILA O JOHN WISE MA KA MOKU O KAMA

I kulike ai me ka hoike o ke koho baloka, o ka loaa ana mai i Honolulu nei mai Maui mai, ma ka Poakahi aku Ia i hala, ua haawi aku ka Mokupuni o Maui, he heluna baloka kiekie loa ia John H. Wise, mamua o na baloka o N. K. Lyman ame ,C. E. King ke hui pu ia. O ka heluna baloka i loaa ia John H. Wise ke huiia ko Maui, Molokai ame Lanai, he 1444, o na baloka hoi i kohoia no Lyman, he 953, a no King, he 385. No na moho elele Demokarata hoi, ua hookahahaia aku kekahi heluna nui o na hoaloha o Kauka Raymond, mamuli o ka uuku loa o kona mau baloka, he wahi oi uuku wale no kona mamua oW. P. Jarrett. O na baloka i kohoia no Kauka Rnymond, he 483, a o na baloka hoi i loaa ia Jarrett, he 385. Oiai hoi, aole he hoa paonioni o Harold W. Rice, no ke kulana senutoa, ma ka aoao Repubalika, a mai ka aoao Demokarata mai, ua haaWi aku na mana koho baloka o Maui he heluna baloka kiekie loa iaiu o 1705. No ke kulana senatoa hoi no ka hoopiha ana i ke kau i pau ole o ka Elele H. A. Baldwin, o P. G. Goodness ka i kōnoia, me ka heluna baloka kiekie o 1560, a haule kona mau hoa mokomoko, L. B. Kaumeheiwa ame J. J. Walsh. Aole he moho holo ku-e ma ka aoao Demokarata. No na moho lunamakaainana Repubalika hoi, i lanakila ma keia koho baloka wae moho, o M. G. Pasehoal, 2081; W. A. Clark, 1834; Levi L. • Joseph, 1563; John Ferreira, 1419; Charles K. Farden, 1279, ame J. \V. Kalua, 982. He hookahi wale no moho Demokarata oia o Jerry Burns, ua loaa iaia na baloka he 209. O na moho lunamakaainana Repubalika i haule, oia o Thomas Holstein, John M. Medeiros. Antonio. Marciel, Charles Kaanoi, W. K. Safferv, Hanuna Jr., Jack P. Kaonohi, Sam Kuula, John K. Kaliookele, »S. Ako, Manuel C. Paeheeo, Charles K. Makekau ame M. C. Pianeo. O ka heluna baloka oi o John H. Wise, maluna o Norman K. Lvman, he 491, a he 146 hoi baloka ka oi, ke huiia na baloka o Lyman ame ko *King. PALERMO Oct. 7.—Ua lawe ae ka Moi mua o Helene Konesetina i ka Hokele des Palmea maanei i wahi nona e noho ai. E holokaa mau ana ka moi mua i kela ame keia la maloko iho o ke kulanakauhale a ma na wahi e hoopuni mai ana i ke kulanakauhale.