Ka Nupepa Kuokoa, Volume LXI, Number 41, 12 October 1922 — NA MEAHOU O KA EKALESIA O KALUAAHA. MOLOKAI. [ARTICLE]

NA MEAHOU O KA EKALESIA O KALUAAHA. MOLOKAI.

Solomon Hanohano;, Aloha nui kaua:—E oluolu mai kou ahonui e hookomo iho i na meahou o keia mau la. Ma ka noho ana iho nei o ka Ahahui Euanelio o na Mokupuni o Maui, Molokai me Lanai, i liaawiia ae ai he elima luna ekalesia o ka Ekale--Bia o Paia; i mau laikini ia lakou pakahi; oia o John Hokoana Jr., James Kahaawinui, S. K. Makekau Moses Panui, ame Mrs. Aliee Kahokuoluna. 0 keia mau keiki apau, no ka ekalesia wale no.o Paia, malalo o ka hoomalu ana a ke Kahu Moses M. Kahiapo, o ka Ekalesia o Paia; a he hookahi mai ka ekalesia mai o Kaanapali, oia o Edward P. Kamaunu, malalo o ka hoomalu ana a ke Kahu Jamea Davcs. O keia kekalii o na ahahui maikai i keia noho ana iho la ma Kaluaaha, Molokai. Ma ka aoao o ka poe i haawi rfiai i na pomaikai,. ke haawi aku nei makou i ka hoomaikai a nui i ke komite haawi laileini ia Mr. Lunahocfmalu ame na lala. MAUI NO KA 01,