Ka Nupepa Kuokoa, Volume LXI, Number 41, 12 October 1922 — E LILO I POE REPUBALIKA E PONO AI [ARTICLE]

E LILO I POE REPUBALIKA E PONO AI

I ka nana aku i ka nee ana o ke au o ka manawa, ke weluwelu liilii mai» nei ka aoao Demokarata, mamuli o ke komo ana ae o ke!tahi heluna mahuahua o na Demokarata iloko o ka aoao Repubalika. Ma ke koho baloka koke āku la i hala. i hoike mai ai ka.Mokupuni o Maui ame Kauai, i ka hiki ole ana i na Deniokarata, ke hoopiha i na moho no ko kakou ahaolelo kuloko,- i ahona wale no kela aoao kalaiaina. i ka Mokupuni o Qahu nei, me ke apu'epu'e no nae, ka hiki ana ke hoopiha i kekahi mau kulana holo moho ma ka apana eha, no ka hale o na lunamaka-» ainana. ...... ,• Ina penei iho la na hoailona e oiliili mai nei o kela aoao kalaiaina o kakou, he mea maopopo loa, e hoea mai ana ka la a kakou e ike aku ai i ke ku aku o ka aoao Repubalika, i aoao mana nui iloko nei o ka aina. Aia he mau kumu a na Repubaiika e haaheo ai i ko lakou p.oao kalaiaina. 1 ka nana ana aku, iloko o keia mau makahiki, i kaa ae ai ka hookele ana o na hana o ke aupuni o Amerika, malalo o ka aoao Repubalika, ua kukuluia ae he hooponopono home rula n oakou, ka mea .i ike ole ia, ma ke au hooponopono o na Demokarata, oiai e noho ana ma ke poo o ke aupuni o Amerika; o ia hoi akahi no a nanaia mai ko kakou poe kanaka kupono ma Hawaii nei, e paa i na kulana oihana, i kaa aku ai ka hookohu ana mai i ka Peresidena o Amerik;a Huipuia,Vie $6 apono ana mai o ka aha senate, o ka ahaolelb Lahui. ' '* , I keia la, ke paaia nei na kulana oihana federala ame na oih'ana lunakanawai o ko kakou mau aha hookolokolo, e ko kakou poe kanaka o Hawaii nei; o keia kekahi o na kumu a kakou e mahalo ai i ka aoao Repubalika. He kiaaina Rcpubalika ko kakou i hookohuia mai e ka Peresidena maiwaena ae o ka kakou mau makaainana ponoi; ua hana mai oia i na hookohu oihana, me ka nana ole ma ka ili, a ma ka lahui paha; a kakou e na Hawaii e haaheo ai, no ka hapaiia ana ae o kekahi poe kanaka opio, o ko kakou lahui ponoi, ma na kulana oihana, i hiki ole i ke Kiaaina Demokarat.a, ke haawi aku i na Hawaii Demokarata kupono. E pili kakou e na Hawaii me ka aoao ikaika, iloko nei o ka' aina, ka aoao i kakooia e ka poe kuonoono; a i ikeia hoi kona makee mau i na hana hooholomua apau. Ina aia iloko o kakou, na manao uilani, e alualu i na kulana kohoia e ka lehulehu, maloko o ko kakou ahaolelo kuloko, a ma na kulana oihana kohoia paha, o na kalana o kakou heJiookahi wale no kumu e hookoia ai ia iini, o ia ke komo ana mai iloko o ka aoao i ikeia kona ikaika, a mamuli auanei o ka lokahi ana o ka hapanui o na Hawaii, e kau ai kakou ma kekahi mau kulana oihana ano mii, ka mea hiki ole ia kakou e loaa, ma ke ku ana me ka aoao nawkliwali; a ma ka hookauliilii anā paha i ko kakou ikaika.