Ka Nupepa Kuokoa, Volume LXI, Number 41, 12 October 1922 — MAI LILO KAKOU I POE HOOHUAKEEO [ARTICLE]

MAI LILO KAKOU I POE HOOHUAKEEO

L'a hala aku la ke koho baloka wae moho, ua hoea mai hoi kakou i ka hopena o na hakoko kalaiaina hikimua, o ka wae ana i na moho, no kela ame keia aoao kalaiaina; e komo hou aku ana kakou i ka elua o ka .hoouka kaua kalaiaina; o ke kauleo wale no a ke Kuokoa, o ia ko kakou hoolilo ole i ka hopena i oili ae nei, i mea e hoohuakeeo ai kekahi poe okakou. Ua hahana maoli no na hoouka ana i ke kalaiaina, i na la aku la i hala. mai na moho mai e alualu ana i ke kulana elele lahui, uhiki aku i na hoa o ka ahaolelo, he kalaiaina hoi i lohe maoli ia ai 110 na olelo hoinoino, a hoahewa aku o kekahi i kekahi, e ake ana e lanakila maluna o na hoa moho, e alualu ana i ko lakou mau kulana pakahi. Aole keia pepa i ike i kekahi mau kumu' kupono, e hoohuakeeo ai kakou, no ka puka ole ana o ka kakou mau moho i hooikaika ai; a i ole, o na moho paha ke nuha iho, no ko lakou puka ale ana, oiai o ka hapanui o na mana koho, na lunakanawai. na lakou e haa'wi mai i ka olelo hooholo, ma ka pahu baloka. Heaha ka pomaikai e loaa mai, ma ke koho ole ana i na moho i waeia, a i ole koho aku paha i na moho o ka aoao kalaiaina okoa, mamuli mai o ka nuha ame ka hoohukeeo? E ku kakou apau iluna, a hoike i ko kakou Repubalika oiaio, ma ka haawi ana aku i na kakoo piha ana, i ngi moho i waeia ae ma ka aoao Repubalika; o na baloka apau i haawiia no na molio i haule, e haawi aku no ka moho i waeia, a mau moho paha, elike me na kulana e alualuia nei e na moho, a e malama i ka hoomanawanui, me ke ku makaukau mau ana iloko o ka aoao, malia e hoea mai ana no he manawa ma keia mua aku, e haawiia mai ana no na kakoo ana a ka lehulehu, i ka poe i wae ole ia ma keia kau. +++ ; . He keu ke kalaiaina a ka hana ano e maoli iwaena o kekahi poe o kakou ! Ma na aoao ino oke kanaka, malaila na eneini e na moho, e aihemu mai ai, a ma kahi o ka lakou mau hana maikai, e kupono ai e haawiia aku na mahalo ana, kapaeia ae la ia mau mea, o hookaakaaia aku auanei na maka o ka poe makapo, a koho aku i ka poe i makemake ole ia. Ke hoomaopopo nei na Demokarata i ko lakou kuhihewa, i ko lakou kapae ana ia L. L. McCandless, mai ke alualu ana i ke kulana elele lahui; no ka mea, ma kahi o lakou manao ana, e hookuikahi i ka aoao, ke kaikahi mai la na Demokarata i koe.