Ka Nupepa Kuokoa, Volume LXI, Number 41, 12 October 1922 — Nuhou Kuwaho [ARTICLE]

Nuhou Kuwaho

O ka Lunakanawai Lihdsav ka j i hookohuia mai i kokua Lunakana- j wai kiekie no ke Teritore o Hawaii ma kahi o Lunakanawai Edings i pau ka manawa o kona hookohu. s;" • ] O ka loio a hope loio kulanakau- j hale mua Charl'es M. Hite ka i kolioia i lunahoonialu no ke Komite. waena o ka Aoao Demokarata ma kahi o Jack Milton i. hala i Amerika. • No ka hiki ole ke komo aku kekahi mau palapala i kakauia mai e makamaka i.keia pi?Je ; ua hoohoopuka ana /aku, a loaa kahi kaawale o ka nftpepa no keia pule ae. He hoopii koi poho o $23,000 ka Manuel Andrade o ka hookomo ana ae i ka aha kaapuni, ma o William B. Lymer la kona loio, e koi ana i ka Hui Kaaahi o Oahu no ka make ana o kana wahine. O ka nuhou hoohikilele noonoo o ka oili ana ae ma ke kakahiaka o nehinei, o ia no ka make ana o ka Hon. D. M. Kupihea, kekahi o na moho Demokarata o ka apana elima i waeia ma ka oPaono nei. Ma ka po o ka Poaono, Okatoba 28, e WL'he ai na moho o ka aoao TJepubalika, he halawai. kalaiaina ak«a, malalo o Aala Paka, elike me ka hooholo ana a ke komite kalaiaina, ma ka Poalua iho nei. Ma keia Poakahi a« e holo aku ai o Senatoa John H. Wiae no Kauai, no ka hoomaka ana-i kana hoo-* haloka, no ke kulana elele lahui, a ma ka Poaha no e huli hoi mai ai oia no Honolulu nei. Ua lioike ae na moho ka aoao Rcpubalika i haule, me na manao niaikai, e haawi ana lakou apau i ka lakou mau.kakoo ana me ka ikaika i na moho Repubalika apau i waeia no keia koho hou ana aku e hiki mai ana. E hoomaka ana ma ka la 15 o keia mahina, e kuai ana ka hal« poi 0 Lee Wo, o ke Alanui Liliha, he 30 paona i ka $1.00 ke kii ponoi ae ma kela. hale kuai poi, a ina e ; laweia ma na liome, he 28 paona 1 ke $1.00. E hoomaka mua ana o W. P. Jarrett i kana hooikaika kalaiaina, no jke kulana elele lahui, na ka aoao Demokarata, ma ka Mokupuni o ! Maui, me ke konio pu o Kauka RayI mond, ma ka hooikaika ana no kona lanakila.

Ma ka Poaha iho nei, i huli hoi aku ai ka Hon. Noman K. Lyman no Hawaii, no ko komo kino ana aku iloko o na hooikaika ana, no ka moho elele lahui a ka aoao Eepubalika i wae ae ai, oia o J. H. Wise. Nui na kamailio e loheia nei iloko o keia mau la, i ka laJau o na wanana a kekahi poe kahuna, no ka hopena o ke koho baloka aku la i hala, mamuli o ka lanakila ole ana o na moho no iakou na olelo wanana no ka lanakila ma ka pahu baloka.' Ke olelo nei kekahi mau alakai o ka aoao Demokarata iloko o keia mau la ; he apu'epu'e ka lanakila o W. P. Jarrett maluna o John H. Wise, ina ka no ka lanakila o John Wise alaila aole e loaa ana iaia he hookahi kaukani baloka ka oi mao ka moho elele Demokarata. Eia no o Senatoa John H. Wise maloko o ka halema'i e noho mai nei i keia mau la, aka nae ma keia pule ae e hookuuia mai ai oia, no ka hoomaka ana aku i kana hooikaika kalaiaina ana, ma ke kaahele ana ma na mokupuni apau. He ahamele ame hulahula ke haawiia ana e ke Kalapu Himeni a na Makapo ma Kahana ma kela huli Koolau, ma ka hora 7 o ke ahiahi o keia Poaono iho, a e holo wale ana ka poe e makemake ana e hele ia ahamele maluna o ke kaaahi e holo ana ilaila a e hoi mai ana. Maluna o kaupoku 'o ka Hokele lana, ma ka po nei, i akoakoa ae ai ke komite kuwaena Repubalika, na moho i waeia ame na moho i haul-e o ka Mokupuni o Oahu nei, pela hoi na lunanui o na kalapu Repubalika, no ke kukakuka ana, i ka papahana e hoonee aku ai i na hana hakoko kalaiaina, no ke koho baloka laula e hoea mai ana.