Ka Nupepa Kuokoa, Volume LXI, Number 42, 19 October 1922 — Page 7

This text was transcribed by:	Kamehameha Schools Gift To Dr. Chun
This work is dedicated to:	Dr. Michael J. Chun

Ka Nupepa Kuokoa

NUPEPA KUOKOA HONOLULU T.H., POAHA. OKATOBA 19, 1922

KE MELE AME KE KAONA O IA MELE I HAKUIA

Ka manao nui o ka mea nana i haku, he mele hoaeae (hoo-uweuwe keia.)

----

Noho no i Puna ka nani me ka maikai,

He halekipa ia na ke ala me ke onaona,

Onaona ka maile ka hala o Keaau,

Aloha ai no ke kupa o Kaniahiku.

Ku mai la ka ua o Nahuuahu kiekie iluna,

Hookakano lua i ka la'i o Wahinekapu,

Puapuai mai la na leo awahia a ka manu,

Na kauna olelo a ka Puulena i ka uka,

Ia kini noho nahele noho pololi o Laa,

Manao ae ke ola i ka hakina pua ai a ka manu,

He koena ia na ka Naulu i ai a haalele,

Ke pane mai la e ho-a-a, ke kona waianuhea,

Peulaka u ka hauanu a ka Waiapo,

O ka'u hana akamai loa ia o ke konane,

He helu ekahi au i ka pulapu i lono oe,

O oe no ka ole he maukauka eepakeke,

He sela oe nomua he huki kaula kau hana,

He pulumi oneki oe no ka papahele.

Owau mai no ka haku ka ona e ko'u waiwai,

A he wahi aloha, no Puia,

I ke onaona ka paia o Puna.

O keia mele maluna ae, ua hakuia e kekahi mea okoa, a he olohe haku mele paha ka olelo ana.

Aia i ka aina paia aala i ka hala o Puna, i Hawaii, e noho ana kekahi keiki me kona mau makua i ka aina i paniaia ka inoa o Makuu, a aoiai ua opuu ke kalaka o ka moa opio i keia mau la, nolaila ua makaukau no ka lawai'a huki ulua o ka makalae.

I kekahi la, ua ike aku la oia i kekahi kaikamahine opio helehelena maemae, ua hihia iho la ka ikoi o kona puuwai i ka hoohihi i keia u'i, aole nae o ia wale no ka i loaa ia haawina, aka o kela u'i pu no kekahi, a iloko o ia hauli lele a ka manao, ua huikau ae la na laauihu o ka moku Hakiki, a hoopaa aku la ka laina ohope i ka niumoe o Kalapana.

Ia laua i noho ae ai he kane a he wahine, ua lilo ia i mea oluolu i ko laua manao, a pela no hoi me ka ohana o na aoao elua.

Mamuli o ke onawaliwali o ka makuahonowai kane, ua hoi aku la na keiki a noho me ia mau makua.

Eia kekahi manawa o ka aina i na la o ke o kohola, a i kaulana hoi ka poe holokahiki, i ku ana na moka i Hilo, Lahaina ame Honolulu nei.

I kekahi la, ua hiki aku la kekahi huaka'i hele i Puna, a iloko o ia huaka'i kekahi keiki, ua noho iho la keia poe i Puna no kekahi mau la.

I keia noho ana, ua hoaikane iho la keia keiki malihini, me ke keiki kamaaina o Makuu, anana ka wahine, a noho iho la lakou me ka maikai.

O keia keiki malihini he mikimiki oia, a e hana ana i na hana apau, a mamuli o ia kulana eleu, ua lilo ia i mea e punahele ai i ka makuakane o ka laua wahine.

I kekahi manawa hele pu no kia keiki kamaaina me ke aikane iwaena mahiai, @ a i kekahi manawa, hele keia keiki kamaaina i ka lawai'a.

Iaia e hoi mai ai mai ka lawai'a mai, a no ka mania ai ke kai, ke pau no ka ai ana, haule no hiamoe.

Mamuli o ia hana a ka hunona, ua lilo ia i mea e hoowahawaha loa ai o keia makuahonowai kane i ka hunona.

I kekahi la olelo aku la ka makuakane i ke kaikamahine: "Ikaaka no hoi ke aikane a olua i ka mahiai, ola wale ka noho ana o ke kane keia, ina no hoi paha pela ko kane a kaua e noho nei, o ka lawai'a no a hoi mai, he hiamoe ka hana o ka la."

Mamuli paha o keia mau olelo a ka makua, ua hihia i'o keia u'i o Puna me ke aikane a kana kane, a i ole ia ua lou mua aku no paha niau niu o Kalapana i ka malihini, hoohua hoi keia olelo a ka makua:

Pa iho ia Kinau,

Waiolu wale ka manao;

Me he ua liilii la,

Me he ua noenoe la.

O ka pa a ke Kona e,

A@ka makani ikaika.

Na ia mau olelo paha ka makua i hoonanako'i loa ae i ka manao o keia kaikamahine.

Ia wa nohoi e panepaneku mau ana no hoi keia makuahonowai kane, me ke ano aaka i ka hunona.

Me ia ike no nae o keia hunona i ka hana a ka makua kane o kana wahine, aole ia he mea nona e ihaiha ai o kona manao; mai kona wa ike ole, ahiki i kona ike ana i na hana a ka wahine me ke aikane; o ka hopena ua kaili ae la ke aikane i ka wahine a laua a lilo loa iaia.

I kekahi la ana i hoi aku ai i ka hale, ua hoopuka mai la nei i na olelo awaawa i ka i ana mai:

"Ku oe a hele mai keia hale aku, aole au wahine oonei, me a'u keia wahine a hooluolu."

O ka makuakane o ka wahine kekahi i kokua mahope o keia hunona hou, a no ka nui o na olelo ehaeha i paneia mai imua o kona alo, ua hilahila oia, a haalele aku la i ka hale o ka wahine.

O kahi i noho ai o keia ohana aia i kuia aku @, aole i kahakai.

He aikane no hoi ka keia kaikamahine, aia i kahakai kahi i noho ai me kana kane; ua hoi aku la keia kane a ke aikane a noho pu me laua; eia nae e uwe mau ana ke kane i ke aloha i ka wahine, a maluli o ia ulu-a o kona noonoo, hooholo iho la oia i kona manao e hele i ka @e'a, i ole e ike aku i ka maka o ka mea aloha, a lohe aku hoi i na oelo hoonioni a ke aikane e pili ana no na ame ka wahine a laua ana i aloha ai.

Aole i lilo keia mau hana aloha @@e a ka wahine iaia, i mea nona e huhu ai, aka ua nana aku oia i ka wahine me ka puuwai i piha i ke aloha, ame ka makee no kona maa ano maikai, a ua ulu no iloko ona ka manao, na kona makuahonowai no keia mau hana hoomoemoe, ame keia aikane hulumanu (aikane oiaio ole) wekaweka.

Iaia e noho ana me na aikane a laua, he mau nei ka paa o kona manao e hele i ka ae'a.

I kekahi la hele aku laua i ka lawai'a me ke kane aikane, a loaa no hoi ka i'a, hoi mai la ahiki i ka hale, ho-a ke ahi, pulehu ka i'a a mo'a. Ia lakou nei i makaukau ai e ai, ia wa i hu mai ai ke aloha o ka wahine, na ka waimaka no e hele, hopu iho la i ka i'a a hoopa ae la i ka waha ,a waiho hou iho la i ke pa, noho iho la keia nana.

I mai la na aikane: "Umi ke aloha, ai iho a maona kakou, alaila pii aku au iuka e kii i kuu aikane e hoi mai i kai nei."

Olelo aku la ke kane: "ae, e ai oe a maona, aha'i aku oe i wahi i'a na ko aikane, a lawe pu aku oe me keia wahi i'a a'u i hoopa ae nei i ka waha i ka laepoo, a nana hoi e ai aku, ua maona ae la no hoi au i kona aloha, a hui aku oe me ia haawi aku i ke aloha."

Pau ka ai ana, liuliu ae la ka wahine e pii e ike i ke aikane…

A hala kela, ua hoomakaukau iho la keia kane i kona mau wahi pono apau iloko o ka paiki ili hinuhinu o ia maula.

I ka ike ana mai o ke kane aikane i keia liuliu ona, olelo mai la oia me ka manao aloha i ka laua kane aikane:

"He paiki aha keia e hoomakaukau mai nei@"

"E hele ana au," wahi ana.

"Heaha ka mea e hele ai@" Noho iho no kaua a eia no ka kaua wahine o ke aikane a olua.

Olelo aku la oia i kona hoa aikane: "Aole paha o kau mea i imi ai a loaa, i kou la kanaka u'i, o ia ka kaua e ai like ai @ Ua haalele mai la no ka wahine a kaua ia'u, e aho e hele, anoai o loaa aku no hoi ke kokoolua i ke alahele.

"I noho hoi oe a hoi mai kela, haawi aku i ke aloha iaia, eia au ke hele nei, anoai o hoi hou mai no hoi i ka aina nei, hui hou no kakou, a ma ka leka no nae e hui ai."

I ka pau ana o keia mau olelo, o kona kaha mai la no ia hele no Hilo, kahi e loaa ai ka moku. Ahiki oia i kahi o ka ohana, ua lohe ka ohana i ko laua kaawale me ka wahine, o kekahi inoa makuahine ka i olelo mai iaia: "Noho iho kaua i Hilo nei ,eia iho no ka wahine i ka aina nei, a mai hele oe i Oahu."

I aku la keia: "Mai au'a oe ia'u, e hele au e ike i ka huikau o ke kaona e kaulana nei, aia a ko kuu manao a'u i upu ai e hele, he mea oi wale ia mai no ka aina."

Pane mai la kekahi makua kane ohana: "Eia iho no paha ka huikau o ke kaona i kai o Piihonua, kahi e hee ai na pa-lau lena a ka moani, noho iho e ke keiki o ke kanaka u'i auanei kena e nele ai o ka loaa o ka mea maikai ,eia no i na la opio, nolaila mai hele oe e ke keiki, noho iho kaua a aei mai ka nalu ha'i o Kawili, alaila hele aku kaua i ka hehi pueone o Waiolama, hihia aku ka ihu o ke kala ohono i ka upena paouou o Makua, halahalaa Puna i ke ahi a ka wahine."

He mau olelo hoolanalana keia a keika makuakane, aole nae ia noonoo iloko o ke keiki.

I ke ku ana mai o ka moku, ua hoomakaukau iho la oia no ka hele, i ka la holo o ka moku ua kau mai la oia he ohua moku ,ahiki oia i Honolulu nei, ike iho la i na mea ana i lohe wale ai no, a me kekahi ohana paha ona, kona hale kamaaina, i upu mai ai e holo i Oahu nei.

Iluna nae o ka moku, i hui ai oia me kekahi keiki o Honolulu nei, a hookamaaina.

He moku pe'a ka moku o ia mau la, a he mau la, a he pule a oi, alaila ku mai ianei, maluli o ka loihi o ia mau la, ua hoaikane iho la laua.

A ku ka moku i ka uwapo, hoi aku la laua no kahi o keia hale kipa hou ona ,ianei o Koleaka, kahi noho o kona halekipa o ke ano no o kuaaina, e ike i ka mea hou o keia wahi, ua hele laua e makaikai i ka nunu'a kanaka o ka Nekina, i ka huikau o Polelewa, a ike hoi ia:

Nani wale ka pua i Honolulu,

Kikiipau nei ko kaona,

Pulu i ka hunawai piula,

Me ka lihilihi o pua rose.

Honi aku au o ke onaona

Ke ala ma-pu i ka poli,

Lawe ae oe a kiekie,

Kau i ka hale ipukukui.

E kuhi ana no paha oe,

Nouka au o ka Lihilou,

Ka i no ua ike ae oe,

I ko'u helu a kau ana.

Pa iho pa ae pa mai,

Haalulu ke kahua maika.

Iloko o keia mau luhiehu apau, aole ia he mea e kaawale ae ai ke aloha o ka wahine.

I ka auwina la Poaono, olelo mai la ke aikane: "E iho paha kaua i kai o Ulakoheo, i ka makeke, ua piha aku la keia la i na kanaka."

"Ae, e iho i'o kaua ilaila."

Makaukau laua nei ,a iho aku la. Ia laua i hiki aku ai, ua hele no hoi na kanaka a popo'i, lohe aku la keia i ka leo oli hoaeae o kekahi mea, aole nae olia nei 'ike aku i ke kino, no ka mea ua hele a piha i ke kino, no ka mea ua hele a piha pu ia wahi.

Ia laua e neenee aku nei imua, ike aku la keia i ka mea e olioli hoaeae nei, he wahi kanaka pilalahi wale mo, he a'ia'i kahi ili, ua anae mae'a nae i ka awa, ike akula oia keia wahine i ka hele ana mai me ka huihui i'a a hookomo iho la iloko o ke ie e kau ana ma ke kihi o ke pakaukau a keia kanaka e ku nei e oli, a onou mai la kona lima imua i ke kanaka oli, aole nae keia i ike aku heaha la ia mea.

Ia wa i oli hou mai ai ua wahi kanaka nei i keia mau lalani mele:

Hele mai kuu aloha la a nui,

A Lihue a Kaala la hoi mai,

A ka lana i ka wai o Kuene la

noho ana,

A pule e a Malamanui hoi mai kuu

aloha.

I ka wa a keia mea e oli nei ua paila mai la ke aloha o ka wahine iloko ona, ke hoonalonalo wale la no oia, ke ike mai la nae ke aikane i kona ano uwe, ninau mai la ke aikane: "Ea, eha oe?"

"aole," wahi ana.

"Heaha la ka hoi keia ou a'u e ike aku nei? Me he mea la, ua loaa oe i ka ma'i e uumi nei i ka waimaka."

"Aole, e aloha ae ana au i ka wahine a kaua, e noho mai la i ka aina me ke kane hou, o ia ke kumu o ko'u ano-e. Nolaila e hookuu mai hoi oe ia'u e hele ae au e ike i kela kanaka ."

Hele akula oia kuai i kela i'a, keia i'a a ku ana huihui, o ka uhu, ka anae, ka oio, lawe aku la keia ahiki ma kahi a ke kanaka oli e ku nei. pau no hoi ka ia la oli ana, olelo aku la keia:

"Eia ko i'a," hookomo iho la iloko o ke ie, piha i ka i'a, a pane mai la o Ku (ka inoa o ka mea oli): "Ua nui mai la ka i'a ia oe, he ai kouka o Manoa, e hoi kaua i ko'u wahi?"

"Ae," wahi a ianei.

Haele aku la laua nei no ka halekuai awa mauka mai o ka makeke, a loaa na hili awa, hoi aku la no ke kula o Kahu'a a hiki iuka o Manoa, kahi o kona kamaaina hou e hele pu nei.

Ike mai la ko ka hale poe, he malihini, eleu mai la kamaaina, hopu ka moa hana a ku i ka ipuhao, hana no hoi ka i'a, mama ka awa.

Oiai nae o Ku e noho nei me kana malihini opiopio, olelo aku la oia ia Ku, kona kamaaina:

"Eia ka e ike ana ia Manoa nei, e ole oe ike ana au i keia wahi."

"Ae," wahi a kona kamaaina, "ua ike iho la oe i ka hale, i noho a hele mai ,ina aole au o ka hale nei, eia no ka wahine a kaua, he hale kia nou ame a'u, a moe kaua, ike iho la oe e ke aikane, i ka aina i kaulana i ka ua liilii," ia wa i olioli hou mai ai o Ku i keia mele:

Kuu wahine i ke kula loa la o Kahu'a,

Mai ka ua liilii la o Manoa,

Ke lihau mai la i ke aho o ke kuikui,

I kuhi no au he ehukai no Mamala,

He aina i ka ihu o ka moku,

A moku mai ka pawa o ke ao ala ae oe,

E ala ae kaua ua ao e-a,

Ua puka ka la puka ke kanawai,

A puka mai no he mea hilahila,

I kaulana ai na lehua i Nuuanu.

Oiai o Ku e pa-heahe nei i keia mau lalani mele, ike mai la oia i kana malihini, ua hele a po i ka ula a ninau mai la oia: "Heaha keia ano-e ou e hele nei a halo'i ka wai o ka maka?"

"E aloha ae ana au i ka wahine a kaua, e noho mai la i ka awina," wahi a ka malihini.

"Aia ihea?" wahi a Ku.

"Aia no i Hawaii o Puna."

"Alaila no Puna oe?"

"Ae, o ko'u wahi ia."

"Heaha no hoi ka mea hele pu ole mai me ka wahine i ka huaka'ihele?"

"Ua lilo i ke kane hou," wahi a ke aikane, "a no ke aloha i ka wahine, o ia ke kumu o ko'u hele ana mai i Oahu nei a hui iho la kaua. O ko le'a i ke oli, ke kumu o kuu hahai ana mai nei ia oe a halekipa iho la kaua."

"Ua hiki," wahi a Ku, "noho iho kaua i Manoa nei, a'o aku au ia oe i ke oli, a ike oe, alaila haku aku au i mele no ka wahine a kaua a paa, alaila oe hoi a ko wahine, ke lohe oia i ke mele ona, o ka laau puhipuhi iho la no ia nana e ho'iho'i mai i ko wahine."

Ua noho keia keiki me Ku iuka o Manoa, a'o i ko oli a ike, haku o Ku i keia mele maluna ae, elike me ka hoolelo a keia keiki i haha'i ai.

O na lalani mua o ke mele e hoike ana no ia i ka u'i ame ke ano maikai o kana wahine, pela no oia i aloha ai, a malalo mai na olelo awaawa a ka makuahonowai amo kahi aikane hulumanu ana, a mawaena, na olelo hoohilahila i kahi punalua aikane, ina aole kana wahine, ina aole oia e ike i ka papa lohi o Apua, a malalo loa no hoi na olelo hoohaahaa no ka punalua, aole oia i kupono i alii no ka moku, aka he kela kona kulana kupono.

Mamuli o keia mele i hoi hou ai keia mau mea a noho he kane a he wahine, ahiki i ka uhi ana o kapa eleele, kau ka puaa i ka nuku.

HE LEKA HAMAMA POLOAI I NA LALA

O ke kope o ka leka e ikeia iho ana malao nei ua hoounaia aku i ka poe apau no lakou na inoa i paa ma ka papainoa o na lala ame na lala i pau o ka Ahahui Housewives League. Ina aole kou inoa i paa ma ka papainoa ke poloaiia aku nei oe e komo mai i lala ma o ka Nupepa Kuokoa nei, ma ka halawai mua e weheia ana ma ka la 30 o Okatoba, a e oluolu oe@e hiki mai ke makemake.

HONOLULU OCT. 9, 1922

Dear Mrs: --

Aneanea loa ka ahahui Hawaiian League e hoomaka hou i kana mau hana mahope o ka hala ana o na la hoomaha o ke kau, a e malama ana ia i kana halawai wehe mua ma ka Poakahi, ka la 30 o Okatoba, 1922, ma ka hora 10:30 a.m., ma ka hale malumalu makai o ka Hokele Iana. Ke poloaiia aku nei oe me ka nana ole he lala mua paha oe no keia ahahui a aole paha, e hoea mai i keia halawai a e huli pono nou iho i ka ka ahahui hana e hoao ana e hana aku ahiki i ka hololea ana.

I ka makahiki mamua aku o ka hoopanee ana a ka Ahahui no ke kau, ua holopono ka hooikaika ana a ka ahahui ma ka hoemiia ana mai o ke kumukuai o ka waiu; iloko o kana hoohoihoi ana ua lilo ka Hui Lawai'a Palmyra i mea hooemi mai i ke kumukuai o ka ia, a ma ka ka Ahahui hooikaika ana no i holopono ai ka lawe ana a ka Papa Ola i ka hana hoomaemae i na wahi maemae ole o ka Makeke Oahu. He mau hana lehulehu e ae kekahi a ka ahahui i haawi ai i kana noonoo nui ana a he mau hoopii lehulehu no hoi kekahi i noii ia aku- lehulehu wale e hiki ole ai ke hoakaka aku maloko o keia leka, oia mau hana a pau he mau mea ano nui wale no i kela ame keia wahine o ka home maloko o Honolulu.

Ua loihi ka hana ana me ka hoomanawanui o ka Papa o na alakai i mea e loaa ai na hopena pomaikai a holomua, aka ua maemakeia nae kau kokua. E hoomanao i keia o na hooikaika kui'o a@.. e loaa mau ana na hopena pomaikai, aka ke nele ka ikaika o ka heluna o na lala, aole hiki ka Ahahui Wahine o ka Home ke loaa ka manaolana no ka ike ana ia pomaikai e kupono e loaa i ka ahahui. Aole anei oe e oluolu e hoike mai i kou ohohia a makemake hoi e hui pu mai ma o kou hoea kino ana mai i ka makou mau halawai a e lilo i lala no ka Ahahui, hookahi dala ka uku kumau no ka makahiki.

Ke hoolala nei makou no kekahi papa kuhikuhi hana waiwai nui no ka makahiki e hiki mai ana a ua oluolu loa e hoike aku o ka Madane Anna Dahl o ke Kula Nui o Hawaii ka mea nana e ao aku ana i na papakula humuhumu lole ame na pono kahiko no ke poo, ma ka $5 no ka haawina no 12 mau haawina ma ka humuhumu a oki lole ana a pela me ka hana ana i na papale a mau kahiko e ae no ke poo. O keia mau papakula e wehe wale ia ana no @@ no na lala a ka ahahui. Aole anei oe e oluolu e hoouna mai i kou inoa i ke kakauolelo ina he makemake oe e hui mai me na papakula, a nana ia e hoakaka aku ia oe i na mea aku i koe au e makemake ana.

E haawi ana o Mrs. James Russel, ka loea a ke aupuni ma ka hana e pili ana i ka hoomakaukau ana i kekahi mau haiolelo me ke kuhikuhi pu i ke ano o ke kuke ana, a ma ka halawai a ka ahahui e wehe ana ma ka la 30 o Okatoba e hoikeike mai ana oia me ka lawelawe pu i ke ano o ka hoomakaukau ana i na mea ai ulu o Hawaii nei. E kamailio pu ana o Madame Dahl imua o na lala ma keia halawai maluna o kana mau mea e hoolala ai no ka lawelawe ana aku i kana mau papakula.

Kou me ka oiaio loa,

MRS. C. W. SPITZ,

Kakauolelo.

Alanui Wilder 1629. Kelepona 3327

Ma ke Kauoha.

TERITORE O HAWAII

Keena o ka Puuku, Honolulu, Oahu.

Ma ka hana e hoopau ana i ka MAUI LAND COMPANY, LIMITED.

OIAI, o ka MAUI LAND COMPANY, LIMIED, @e hui ia i k@kuluia a e ku ana malalo a a ka mana o na kanawai o ke Teritore o Hawaii, i kulike a@ me ke kanawai i hoomakukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 14 o Dekemaba, 1922, a o keia ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

HENRY C. HAPAI,

Puuku, Teritore o Hawaii.

Honolulu, Okatoba 3, 1922.

6524-Oct. 5, 12, 19, 26; Nov. 2, 9, 16, 23, 30; Dec. 7, 1922.

HOOLAHA O KA HOOLIMALIMA AUPUNI LAULA

Ma keia ke haawiia aku nei ka hoolaha akea, ma ka hora 1 p. m., Poalima, Okatoba 27, 1922, ma ka puka komo mamua o ka Hale Leka o Hanapepe, Hanapepe, Kauai, T.H., malaila e kuai kudala akea ia aku ai i ka mea koho kiekie, malalo o na manao o ka Pauku 73 o ke Kanawai Kumu o Hawaii ame ka Pauku 380 o na Kanawai Hooponopono Hou ia o Hawaii o 1915, ka Hoolimalima Laula no ka Aina Aupuni mahope ae nei:

Apana 46, na Apana Aina Kanu Laiki ame Kula o Hanapepe, Hanapepe, Kauai, nona ka iliaina o 13.80 eka, oi aku a emi mai paha; manawa hoolimalima, 10 makahiki mai Okatoba 26, 1922 aku; uku hoolimalima haahaa, $69.00 no ka makahiki, e uku hapa-makahiki mua ia.

E uku koke ka mea kuai mai mahope o ka lilo ana, i ka hoolimalima o na mahina mua eouo, hui pu me na hoolilo o ka hoolaha ana ame kekahi mau hoolilo e ae, ame na kaki i pili i ka hoomakaukau ana i ka hoolimalima i oleloia.

O ke kuai o ka Hoolimalima Laula maluna ae, ua kaa malalo o na manao ame na kulana o ka Hoolimalima Laula Aupuni i hoopukaia e ke Keena Komisina o na Aina Aupuni.

O ke kii palapala aina o ka aina e hoolimalimaia aku ana, me ke ano o ka Hoolimalima Laula, eia ka waiho nei ma kahi waiho o na palapala, a e ikeia no ma ke keena o ka Hope Agena Aina, Hale Aupuni Kalana, Lihue, Kaua, T.H., a i ole ma ke keena o ka Komisina o na Aina Aupuni, Hale Kapitala, Honolulu, T. H.

No na hoakaka laula, e ninau ma ke keena o ka Hope Agena Aina, Hale Aupuni Kalana, Lihue, Kauai, T. H., a i ole ma ke keena o ke Komisina o na Aina Aupuni, Hale Kapitala, Honolulu, T. H.

A. A. DUNN,

Hope Komisina o na Aina Aupuni.

Hanaia ma Honolulu, T. H., Sepatemaba 23, 1922.

6523--Sept. 28; Oct. 19.

Ka Pila

GRANFONOLA

COLUMBIA

Maopopo ka Wa e Pau Ai

Na ka mea hoopaa nona iho e

makaala ia @@ nou. Ua hiki

ia oe ke hulahula ahiki i ka hua-

olelo hope loa.

Uku Liilii ke Makemakeia

Thayer Piano Co.,

LIMITED.

148-150 Alanui Hokele

Ma ke Kauoha.

TERITORE O HAWAII.

---

Keena o ka Puuku, Honolulu , Oahu.

Ma ka hana e hoopau ana i ke KANEOHE RICE MILL COMPANY, LIMITED.

OIAI, o ke KANEOHE RICE MILL COMPANY, LIMITED, he hui ia i Lukuluia a e ku ana malalo a ma ka mana o na kanawai o ke Teritore o Hawaii, i kulike a@me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 20 o Novemaba, 1922, a o kela ame keia mea e makemake ana e hooloheia aku maluna o ia mea, he pono e hoea kiko ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i olelo ia ,a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

HENRY C. HAPAI,

Puuku, Teritore o Hawaii.

Honolulu, Sepatemaba 8, 1922.

6521---Sept. 14, 21, 28; Oct. 5, 12, 19, 26; Nov. 2, 7, 16, 1922.

TERITORE O HAWAII.

---

Keena o ka Puuku, Honolulu, Oahu.

Ma ka hana e hoopau ana i ke KEWALO MARINE RAILWAY & LAND CO, LTD.

OIAI, o ke KEWALO MARINE RAILWAY & LAND CO, LTD., he nui ia kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaakauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 9 o Dekemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapala noi i oleloia.

HENRY C. HAPAI,

Puuku, Teritore o Hawaii.

Honolulu, Okatoba 3, 1922.

6524---Oct. 5, 12, 19, 26; Nov. 2, 9, 16, 23, 30; Dec. 7, 1922.

TERITORE O HAWAII.

---

Keena o ka Puuku, Honolulu, Oahu.

Ma ka hana e hoopau ana i ka HONOMAELE AGRICULTURAL COMPANY, LIMITED.

OIAI, o ka HONOMAELE AGRICULTURAL COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai i loko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i olaloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 4 o Novemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kmu, ina he kumu kekahi i wahi e ae ole ia aku ai ka palapala noi i oleloia.

A. LEWIS, JR.,

Puuku, Teritore o Hawaii.

Honolulu, Augate 24, 1922.

6519---Aug. 31; Sept. 7, 14, 21, 28; Oct. 5, 12, 19, 26; Nov. 2, 1922.

TERITORE O HAWAII.

---

Keena o ka Puuku, Honolulu, Oahu.

Ma ka hana e hoopau ana i ka HANEOO AGRICULTURAL COMPANY LIMITED.

OIAI, o ka HANEOO AGRICULTURAL COMPANY LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 4 o Novemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi e ae ole ia aku ai ka palapla noi i oleloia.

A. LEWIS, JR.,

Puuku, Teritore o Hawaii.

Honolulu, Augate 24, 1922.

6519---Aug. 31; Sept. 7, 14, 21, 28; Oct. 5, 12, 19, 26; Nov. 2, 1922.

TERITORE O HAWAII.

---

Keena o ka Puuku, Honolulu, Oahu.

Ma ka hana e hoopau ana i ka WALUKU MEAT AND LAND COMPANY LIMITED.

OIAI, o ka WALUKU MEAT AND LAND COMPANY LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala i hooiaioia i hoohui pu ia me ia elike me ia i koiia ai ma ke kanawai.

NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena, mamua ae o ka la 4 o Novemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina he kumu kekahi, i wahi e ae ole ia aku ai ka palapala noi i oleloia.

A. LEWIS, JR.,

Puuku, Teritore o Hawaii.

Honolulu, Augate 24, 1922.

6519---Aug. 31; Sept. 7, 14, 21, 28; Oct. 5, 12, 19, 26; Nov. 2, 1922.

TERITORE O HAWAII.

---

Keena o ka Puuku, Honolulu, Oahu.

Ma ka hana e hoopau ana i ka KAWAIPAPA AGRICULTURAL COMPANY, LIMITED.

OIAI, o ke KAWAIPAPA AGRICULTURAL COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala i hooiaioia i hoohui pu ia me ia elike me ia i koiia ai ma ke kanawai.

A. LEWIS, JR.,

Puuku, Teritore o Hawaii.

Honolulu, Augate 24, 1922.

6519---Aug. 31; Sept. 7, 14, 21, 28; Oct. 5, 12, 19, 26; Nov. 2, 1922.

TERITORE O HAWAII.

---

Keena o ka Puuku, Honolulu, Oahu.

Ma ka hana e hoopau ana i ka KAWELA AGRICULTURAL COMPANY, LIMITED.

OIAI, o ke KAWELA AGRICULTURAL COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala i hooiaioia i hoohui pu ia me ia elike me ia i koiia ai ma ke kanawai.

A. LEWIS, JR.,

Puuku, Teritore o Hawaii.

Honolulu, Augate 24, 1922.

6519---Aug. 31; Sept. 7, 14, 21, 28; Oct. 5, 12, 19, 26; Nov. 2, 1922.

TERITORE O HAWAII.

---

Keena o ka Puuku, Honolulu, Oahu.

Ma ka hana e hoopau ana i ka HAMOA AGRICULTURAL COMPANY, LIMITED.

OIAI, o ke HAMOA AGRICULTURAL COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala i hooiaioia i hoohui pu ia me ia elike me ia i koiia ai ma ke kanawai.

A. LEWIS, JR.,

Puuku, Teritore o Hawaii.

Honolulu, Augate 24, 1922.

6519---Aug. 31; Sept. 7, 14, 21, 28; Oct. 5, 12, 19, 26; Nov. 2, 1922.

T. O. MURATA

FURNITURE STORE

(Na noho hoolimalima me lako pa maanei.)

Na Lako Hale Hou me Kahiko.

Hoolimalima me Kuai Hoolilo.

715 Alanui Hema, Honolulu. T.H.

Kelepona 1695.

CITY MILL CO.

KEKAHI O NA HUI KAHIKO LOA MA HONOLULU NEI.

Poe kuai Papa, Pilihale, na lako Paipu, na Laau Puka Aniani me Panipuka, lako Pili Hao; na mea no apau no ka home ma ke kumukuai oluolu loa.

Kukulu makou i na hale ma ka uku liilii ana, me na hookaa liilii.

O KA OI LOA AKU NO KA POE HOOKUONOONO.

Mai Poina---Hele Mai Ia Makou

Kihi o na Alanui Moiwahine me Kekaulike. Honolulu, T. H.

Honolulu Planing Mill,

LIMITED,

---

POE HANA I NA PUKA LAAU ANIANI, LAAU HALE, OLEPELEPE, MOLINA, WAHI KAU.

---

ALANUI PAPU ESPANLANDE

He Pahuolelo Victrola Anei Kau ma ka Home?

---

Ke kuai nei makou i na ano like ole o keia mau@@i@ini mai ka $25 a pii aku.

Maanei e loaa ai na Papa Leo Mele hou, na Mele Olelo ame na Pepa Leo Mele.

Ma ke ano nui, NOU MAKOU MA NA MEA PILI MELE.

---

Hawaii Sales Co., Ltd.

Nuuanu, kokoke i ke Alanui Moi.

Keena Hawaii

NO NA

Lako hana Mahiko

---

Hapuku Kila Oliver

Chilled ame na Palau

Na Katapila Cleveland

Na Katapila Fordson

Na Kaa Kalaka White

Na Kaa Kalaka Federal

Na kaa Kalaka Ford

Na Hana Pili Amala

---

HANA I NA KINO O NA KAA UKANA ME KALAKA ME KA HANA HOU ANA

---

Schuman

Carriage Co., Ltd.

---

Na Paionia o na Hana Halihali o Hawaii nei

KA VICTROLA

-Ka Meakani Mele Kilakila-he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

NA PIANO PAANI

NA ROLA PAANI

NA PEPA MELE HOU

NA PILA AHA

ame na mea apau pili i na mele.

---

Bergstrom Music Co.

1020 Alanui Papu Honolulu

HALE UWI WAIU

-o-

MAPULEHU

PUKOO, MOLOKAI

E Hooholo Ana i ka

MOKUKUNA GESOLINA

LELEIONA

Mawaena o na Awa o Honolulu me Molokai

---

Geo. P. Cooke,

ONA.

Poe Lawe Hau me Waiu

He Apana Aina a he Home Anei Kekahi Ou, i Makemake Ai e Hoolilo no Kekahi Kumukuai Kupono?

---

E HAAWI MAI NA ʻ U E KUAI HOOLILO NOU.

---

He nui ka poe i haawi mai i ka lakou kauoha ia ʻ u no ka makemake i home no lakou, a eia lakou ke kali nei.

---

FRED K. MAKINO

kelepona 3052

Keena Pa ʻ i o ka Hawaii Hoohi Alanui Moiwahine.

Mawaena o na Alanui Kaahumanu ame Nuuanu.

Kakela & Kuke

(KAUPALENAIA)

---

Poe Kalepa ma ke Komisina

-A HE-

Poe Agena no na

Mahiko Lehulehu

PAPA

NA LAKO

KUKULU

HALE

***

No ka hoahu ana i kou wai ma na Pahu Wai Papa Ulaula o 5000 a 10000 Galani.

E hoolakoia aku no na kumukuai ame na hoakaka ia oe ke noi mai.

***

ALLEN & ROBINSON, LTD.

HONOLULU, T. H.

Nupepa Kuokoa

---

No ka makahiki (one year)…$2.50

O na Dala ame na Hoolaha apau e hoouna pololei mai i ka ADVERTISER PUBLISHING CO., LTD., wale no, P. O. Box 3110, Honolulu, T. H.

217 Alanui Moi, ma Waikiki o ke Alanui Alakea; ka Nupepa Advertiser.

Entered at the Post Office at Honolulu, T. H., as Second Class Matter.

SOLOMON HANOHANO, Luna hooponopono.

CHARLES S. CRANE, luna Nui.