Ka Nupepa Kuokoa, Volume LXI, Number 42, 19 October 1922 — Pau ka Hale Hana Ukulele o ka Lunakiai Kumalae i ke Ahi Aohe Maopopo o ke Kumu i Oili Ae Ai Kela Pauahi Nana i Hoopoino i na Ukulele-Hoopakeleia Nae na Hale e Ku Kokoke Mai Ana [ARTICLE]

Pau ka Hale Hana Ukulele o ka Lunakiai Kumalae i ke Ahi

Aohe Maopopo o ke Kumu i Oili Ae Ai Kela Pauahi Nana i Hoopoino i na UkuleleHoopakeleia Nae na Hale e Ku Kokoke Mai Ana

O kekahi o na hale pauahi nana i hookau aku i ka weli i ka poe no lakou na hale e ku kokoke mai ana oia ka halehana ukulele a ka Hon. Jonah Kumalae ma ke alanui Liiiha i lilo i puulehu ma ka po Sabati aku nei. O na poho i koho wal« ia aia ma kahi o ka $10,000. Hookahi kumu i pakele ai na hale e ae e ku kokoke mai ana o ia no ka hiki koke ana aku o na kaawai kinainhi ilaila i ka wa pono e paio aku ai me na alelo manamana ana ole o ke( ahi, ina la paha ua hamuia e na alelo o ke ahi na hale e a«, no ka mea ua pukiuki loa ke ku ana o na liale ma kela wahi. O ka halehana ukulele a Kumalae i holapuia ai e ke kolu o na mea ana ole i oleloia he hale ia o elua papahele, o kekahi hapa o ia hale malaila o George Kealoha ame kona ohana kahi i noho a'i, a malalo no hoi ia hale o kana malama a hoomalu ana. I kulike me ka hoakaka ma ka moolelo mahope koke iho o kona hoi ana aku e hooluolu mahope iho o ka hora 9 o ia po Sabati, ua lohe mai la ka oia i lea paapaaina. o kekahi mea maloko o ka hale malalo, a 110 kona manao he iole pahn, aohe oia i haawi i kana noonoo nui ana no ia nakeke a hoomau aku la no i ka hiamoe ana. Aka nae i kona lohe ana mai i ka hoomahuahua. loa ae la o ka paapaaina me ka halulu pu, ala ae la a iho iho la i ka hale malalo e nana ai a ua hoopihoihoi loa ia kona noonoo i kona manawa i ike aku ai e a ia mai ana na laau ame na mea e mokaki ana e ke ahi. Aohe ana kunana wale ana ia manawa, aka hoomaka koke aku la e kinai elike me ka hiki iaia, a i ka ike ana ua oi

aku ka ikaika o ka a ana a ke ahi kahea ae la i ka oihana kinaiahi, a oiai na kaa kinaiahi e ku makaukau mau ana ia manawa, ua hoea mai la na kaawai kinaiahi ilaila iloko o ka mnawa pokole loa a hoomaka ke kinai ana. E holapu ana na alelo manamana ana ole o ke ahi ma na wahi apau o ia hale me ka pouli i ka uwahi ma ka manawa o ka lioea ana aku o na kaawai, a ua manaoia mamuli o ka nui o na materia hana ukulele, e laa ka vaniki ame na mea e ae i hikiwawe loa ai ka a ia ana o ia hale. He ahakanaka nui ma kela wahi pauahi ma ia po o ka holo ana aku mai na wahi like ole aku, lehulehu o ia poe me ko lakou mau kapamoe no e aahu ana, elike no me ia i maa mau ka ikeia ma na pauahi apau ma ka po. Ua nui ka maka'u o ka poe e noho kokoke ana ma kela wahi mamuli o ke kokoke loa o ke ahi i ko lkou mau hale, eia nae ma lea manawa i pio ai ke ahi he hora mahope iho o ka hoea ana aku a na kaawai aole hookahi liale e pili kokoke aku ana i a ia koe wale no ka wela a akaakaa mai ke pena. Ua pii kekahi poe iluna o kaupoku o ko lakou mau hale e kiai ai no ka lele aku o ka hunaahi, o kekahi poe ua lawe i kekahi o ko lakou mau ukana iwaho. O ka hale kokoke loa ma ke alahele o ke ahi ua hoopakeleia « na kanaka kinaiahi, o keia ka hale ma ke alo'mai o ka halehana. Ua pio ke ahi he hora mahope iho o ke hoea ana aku o ke kaawai kinaiahi a mahope iho hoi o ka hoikeia ana ae i ka hale kaawai, a i kulike me ka ka Lunakinaiahi Thurston hoakaka mamuli o ka poino ana o na mikini e oi aku ana na poho mamua o ka huina i kohoia.