Ka Nupepa Kuokoa, Volume LXI, Number 42, 19 October 1922 — ELUA I EHA NO KA LUU ANA MA KAHI PAPAU [ARTICLE]

ELUA I EHA NO KA LUU ANA MA KAHI PAPAU

Elua mau mea i halawai me ka eha mauwale ma kahi auau o ka lehuleliu mawaho ae nei o Waikiki ma ke Sabati iho nei. He haole o C. D. Warren ka inoa, nona na makahiki he 20, no kekahi wahi mamao loa ka mai ke kulanakauhale aku o Los Angeles ka mua, mamuli o kona luu ana ma kahi papau o ke kai a hooku'i kona poo i ke akoakoa a akaaia ka ili o ka lae. Ua laweia ae oia me ka awiwi loa no ka halema'i o na ulia poino, a mahope o ka haawiia ana o ke kokua mua iaia ua lawe loa ia ae i ka Halema'i Moiwahine. Ma ka hora 3 o ka auwina la Sabati nei keia ulia i loaa ai iaia. O ka lua, he keiki Hawaii o 12 makaliiki, nona ka inoa o Peter Maio, o ke alanui Lili'ha; ma ka hora 12:30 kona luu naaupo ana iloko o ke kai ma kahi papau a moku ka welau o ke alelo me ka lehelehe oluna. Mahope o kona lapaauia ana ma ka halema'i o na poino ulia, ua hookuuia aku oia e hoi i kona wahi.