Ka Nupepa Kuokoa, Volume LXI, Number 42, 19 October 1922 — HOOKUUIA O ALLEN E KE KIURE. [ARTICLE]

HOOKUUIA O ALLEN E KE KIURE.

Ma kekahi manawa aku nei i hala ua hoopiiia ae o Henry Allen no ke ki ana ia Cheong Ung kana keiki hookama me ka pu a ua waiho loa ia kona hihia i ke kiure kiekie Teritore no ka noii a ninaninau pono ana i ka pili a pili ole o ka hewa iaia. Mahope o ka ninaninau ana o ke kiure kiekie a maopopo kona hewa ua waihoia ae ka hoopii hoahewa nona imua o ka aha kaapuni ma ka la 20 o Sepatemaba i hala. 0 ka papa kiure a ka Lunakanawai Frank Andrade ka mea nana i-hoo-lohe i keia hihia ma ka noho ana a ia aha ma ka roakolu, aku nei 1 hala ua hoihoi ae ka papa kiure i kana olelo hooholo e hookuu ana ia Henrv Allen mai ka hewa ki pu ae ona i kana keiki hookama Cheong Ung i hanaia ai ma ka Paka Aala ma ka la 5 o Augate i hala. HMa ka hora elua me ka hapa o ka auwina la o keia Sabati iho, Oct. 22, e malama ae ana ka Ahahui Pa Ilina o Puuomao, Moanalua, he halawai ma kahi mau, maloko o ka halekula aupuni, no ka noonoo ana i kekahi mau kumuhana ano nui, e hiki kino ae ana ka haku aina o Moanalua ma ia halawai, nolaila ua makemakeia ka poe apau i kuleana i kela ahahui e hoea kino ae ma kpla manawa.