Ka Nupepa Kuokoa, Volume LXI, Number 42, 19 October 1922 — Make he Koa ma Kekahi Ulia o ka Mokulele I Hihia me ka Uwea Oiai e Lele Ana i ka Lewa ke Kumu o ka Poino PAKELE NAE KE OLA O KONA KOKOOLUA Pau ka Mokulele i ka Nahaha i ka Wa i Haule Ai Ilalo o ke Awawa [ARTICLE]

Make he Koa ma Kekahi Ulia o ka Mokulele

I Hihia me ka Uwea Oiai e Lele Ana i ka Lewa ke Kumu o ka Poino

PAKELE NAE KE OLA O KONA KOKOOLUA

Pau ka Mokulele i ka Nahaha i ka Wa i Haule Ai Ilalo o ke Awawa

Mamuli o ka hooku'i ana o ka j mokuea a ka Lukanela E. H. Man-1 zelman, o ke kahua o na mokuea a ka oihana kaua aina ma Puuloa ame kona kokoolua e kau pu ana, oia ke koa Hodson, me ka uwea uwila kue moe ana i Leilehua ma ke kahawai o Kipapa ma ka auwina la Sabati nei i a ia ai ka mokuea a haule iho la i ka honua, a o ke ku-. mu hoi i make hikiwawe ai o ka Lukanela Manzelman. Ua kiolaia ke koa Hodson i kahi o aneane he kanalima kapuai mai kahi aku o ka mokuea e a ia ana e ke ahi, a oiai ua ko'iko'i no na eha i loaa iaia, aka nae, aole i kukonukonu loa e lilo ai i kumu make nona. Ma ka aoao ma Honolulu nei o ke awawa o Kipapa kela poino ana, elike m« ka hoakaka a ke Kapena C. F. Drive, he aliikoa i hoonohoia ae e hana ma ke kula Mak.inile. Maluna oia o ke kaa oto e holo ana i Leilehua i kela manawa, a e hoomaka aku ana oia e iho i ke owawa a pii ma kela aoao ma ka manawa i loaa ai keia ulia poino i kona mau hoa koa. Ma ka hoakaka a ke Kapena Drive o ka hoike ana ae, iaia e holo ana maluna o kona kaa e nana mau ae ana no ka oia i ka hookikakaha a ka mokuea a ma ke ano ulia wale no kona nāna „ana ae ma kekahi manawa a ike ae la me ka maopopo loa i ka hooku 'i ana o ka mokuea me ka uwea kukui uwila e holo ana no Leilyehua. Ua pau na uwoa i lea manawa i hooku'iia iho ai e ka mokuea i ka moku, a wili ae la ia mau uwea i ka mokuea a hoomaka ae la ka a ia ana o ka mokuea a haule iho la i ke awawa. No ia ulia i» ku iho ai ke Kapena Drive no ka hookau ana ae i kekahi limahana a hoomaka aku la ka holo ana me ka mama loa nolalo o ke awawa, no ke kokua ana i na koa i poino. Wahi ake Kapena Drive ua paa ka Lukanela Manzelman iwaena o na mea i nahaha o ka mokuea, a mamuli o ke kokua a kekahi Pilipino ame ke kanaka hana o ka maliiko ana o ka hookau ana ae maluna 0 kona kaa, i kaawale ae ai ka Lukanela Marizelman, a kauoia aku kona kino i papaa i ke ahi mai ka mokuea aku e lalapaia ana e ke ahi mamua o ke pahu ana ae o ka ipu aila geBoline. "E mau ana no ka maikai o ka noonoo o ka Lukanela Manzelir.an i ka manawa i loaa aku ai, eia a mahope iho hoomaka ka pouli o kona noonoo, a maloko o 20 minuke ma ia hope iho lele loa ae la kona aho." Ua lawe koke ia mai me ka awiwi loa e ke Kapena Drive ka lukanela poino no na halekaa o ka Oahu Sugar Co., kahi kokoke loa o ke kelepona, no ke kahea ana mai i kekahi kauka, eia nae ua liiki ole i ka mea nana i kahea mai ke hui me ka halema'i ma Waipahu a i ole ma Leilehua. Ua hoouna kokeia he kaaahi 1 ke kahawai o Kipapa kahi o ke koa i poino e waiho ana, a maluna o ia kaa i laweia mai ai ke koa i ka lialema'i ma Waipahu. Aoho ka i kamaaina ke Kapena Drive i ka Lukan«la Manzelman i make, a ma ka uwaki i maopopo ai iaia kona inoa, no ka mea, ua kakauia ka inoa o ka lukanela i make maluna o kana uwaki. He elua wale ae nei no ka makahiki o ka Lukanela Manzelman i Hawaii nei, a ua kamaaina loa ia nae oia mawaena iho o ka poe paani kinipopo. 'Iloko o ke kaua nui i hala kona komo ana i ka oihana koa iaia ma Amerika he kumu a'o lele mokuea ka oia mahope o ka loaa ana 0 kona hookohu. lla haalele iho oia he wahine kanemake ma keia ao e kanikau aku nona. • LOS ANGELES, Oct. 16.—Ua laweia aku o Martino Gemmell, ke kakauolelo mua o ka oihana leka a ka oihana kaua ma Puuloa, ke kanaka 1 hoopiiia mai ai no ka lawe i ka waiwai i haawiia nana e malama, i keia la malalo o ka hoomalu ana a ka oihana makai i ka manawa i pili ai ka mokuahi Thomas i ka uwapo maanei me na ohua o ka moliuahi i n ia ai e ke nhi City ot Honolulu. Ua paa ia oia malalo o $2000 bona. Ua hoole o Gemmell i ka pili o ka hewa iaia.