Ka Nupepa Kuokoa, Volume LXI, Number 42, 19 October 1922 — HE WAHI HOOMANAO NO KUU KANE HELE LOA. [ARTICLE+ILLUSTRATION]

HE WAHI HOOMANAO NO KUU KANE HELE LOA.

Ia oe e Mr. Solomon Hanohano, ka Lunahooponopono o ka Nupepa Kuokoa; Aloha oe:—E oluolu lioi oe e hookomo iho i kela mau huaolelo e kau ae maluna iloko o ke kino o ka lahui, ina he wahi rumi kaawale kekahi, a nana hoi ia e lawe hele aku, i ike mai ai ka ohana ame na hoaloha o kuu kane hele loa, mai ka la hiki ma Kumukahi, a ka welona a ka la i Lehua. Oiai he malihini au imua o kou alo, na ke aloha nae i kono mai ia'u e hehi malihini aku maluna o kou mau oneki kamahao. Ma ke kakahiaka o ka Poaha Augate 1922, hora 10:25 i pauaho mai ai kuu kane i keia ola ana, William Kanuu Holoua ma ko maua home hookama, 440.North King St., a waiho iho la i ke kino puanuanu na'u ame ka maua keiki hookahi wal« no, e uwe paiauma aku ma keia ao. ! Auwe kuu aloha pau ole, i kuu kane e, kuu hoa pili hoi o na wahi apau. Ua hanauia oia ma Naalehu, Kau, Hawaii, iloko o ka mahina o lanuari 22, 1877, mai ka puhaka mai o kona makuahine Kinolau Hilinai ame Daniel Holoua Aa, kona papa, ua piha iaia na makahiki he 45 me 7 mahina 2 la ma keia ao inea a hala wale aku la. Ua liooliuiia, maua ma ka berita 0 ka mare 'i Aperila 25, 1895, ma -Keauhou, Kau, Hawaii, <3 ka Makua Kelekino, ua piha ia maua na makahiki he 27 me na mahina eha, o ka noho mare ana, a na ka make 1 hookaawalo aku la no ka wa mau loa; ua hoopomaikaiia mai no ko maua noho mare ana, he elua keikikane, o ka maua hiapo, hemo mai no oia, ua lawe no ka mea nana i haawi mai, a koe iho la hookahi keiki me a'u, Joseph Kanuu Holoua. I kona mau la me kona lioonoo maikai, he kanaka puuwai hamama oia he hookipa, .lie heahea i ka poe apau e kipa mai ana i ko maua home, he kanaka nui o kona mau hoaloha, mai ka poe kiekie a ka poe haahaa, he malama wahine, ame ka nui ohana e noho ana i ko maua alo. Ua hanaia eia na hana like ole apau, i loaa ka pono o keia noho ana, ua komo oia i ka oihana makai no ka apana o Kau, Hawaii, i ka mahina o Feberuari 1, 1914, mai ka makai mai a Lunapaahhao, mai ia kulana mai a ka lukanela, mamuli o ka loaa ana i kekahi ma'i nana i hoanoe i kona noonoo, i waiho ai oia i ka hana i ka mahina o Augate 1, 1921, mai ia manawa mai ka hoomaka liilii ana mai o kela ano ma'i iaia, aliiki i ka hoomahuahua loa ana. No ia pilikia, i haalele aku ai maua me ka maua keiki i ka aina iloko aku nei o Aperila 2, 1922, a auana hele mai i keia aina malihini no ka huli ana i ke ola, ua hiki ole nae ke lanakila maluna o ka pilikia, i loaa iaia, eia ka e hoi kino wailua ana i ka aina hanau, aloha no ko maua au like ana mai i ke kai, eia ka e haalele liookahi mai ana oia ia'u i keia aina malihini, Auwe kuu hoa pili el Ua laweia aku kona kino i ka hale kupapau o Borthwick no ka i'aloa ana, a i ke ahiahi Poaha , la 31, o Augate, 1922, i weheia ai kona kino no ka ike ana i kona helehelena, a ao ia po, o ko maua ike hope ana ia i kona helehelena, no ka mau loa. Me ka naau mokumokuahua au ke hoomanao ae ia po poina ole, auwe kuu hoa pili he kane e! Ke haawi aku nei maua i ko maua hoomaikai piha i ka poe apau i hele mai e kumakena pu me mauya, me ka oukou makana poke pua, ame ka lei pepa, no oukou maua i aie nui ai, oiai he malihini maua i ko oukou alo, a no na aikane a maua ko'u hoomaikai nui, Mr. ame Mrs. A-i, ko maua makua o keia aina malihini, ua oi aku mamua o ka maku.i.i ke keiki, a o ke koko hoi i ke koko, nō laua maua i aie nui loa ai. I ka la ekahi ae o Sepatemaba 1922, kau ma ka Maunaloa no ka hoihoi ana i kona kino kupapai' i Kau. I ko makou ku ana aku i Honuapo, ua piha ka uwapo i na makamaka, na lioaloha me ka oihana makai me ko lakou aahu piha, mea e kp, ilihiā o ko'u naau, me he la o kuu kane k=kahi e ku pu mai ana me lakou, na ka oihana makai i hapai i kona pahu kupapau a kau iluna o ke leaa, me ke kuku o na hoomaka ka huakai e kai, mai ka uwapo mai ahiki i ko maua home,

makai ma ka aoao o kona pahu, ma Kaunamano Homestead, Naalehu, Kau, Hawaii, malalo o ka hoonohonoho ana a Greorge K. Kawaha. I ka hohonu ana o ka lua, ua malamaia kona anaina haipule ma ka home e J. L. K. Kawaha, a i ka lua aku ka hoopau loa ana o na hana hoomanao hope loa nona. Ke haawi aku nei maua, i ko maua, hoomaikai, i ka poe apau i akoakoa mai i kela la, me ka poe kela o Maunaloa, no ke kokua ana mai e eli i ka lua o kuu kane heleloa, a no Georg« K. Kawaha kekahi hoomaikai palena ole, a mamua no kana mau hana kokua ia maua, e hoomaikaiia no ka inoa o ka Haku Nana no i haawi mai, a Nana no i'lawe aku la. Amene! Me ka Lunahooponopono o ke Kuokoa ko maua welina hope, ame na keiki o kou papapa'i, O maua iho no me ka luuluu, MRS. LIHAU K. HOLOUA, JOSEPH H. K. HOLOUA,

WILLIAM K. HOLOUA