Ka Nupepa Kuokoa, Volume LXI, Number 42, 19 October 1922 — O JOHN H. WISE KA MOHO E KOHO AI [ARTICLE]

O JOHN H. WISE KA MOHO E KOHO AI

E na lede ame na keonimana, na oiwi kupa hanau maluna o ka lepo aloha o Hawaii, e noho ana mai Hawaii a Niihau, Aloha oukou apau loa: O ko'u manaolana oiaio keia, mailoko mai o ko'u puuwai, o John H. Wise, oia ka elele kupono loa a kakou e koho ai i ka la 7 o Nove* maba e hiki mai ana, aka, aole e hiki ia'u hookahi wale no, oiai o ka ninau elele, he ninau ko'iko'i no ia, ia kakou, ka poe i loaa ka pono kooh baloka; ua alakaiia kela me keia elike me kona manao ponoi, a iii alakai hewa ia kekahi mamul* o na manao hoino pilikino, e lanakila ke alakai hewa maluna o ka pono, o ka mea oiaio nae, "O ka pono ke lanakila maluna o ka hewa.''' Mamua aku o ka la 7 o Okatoba ua nui na olelo hoino ia John H. Wiw no kona hoole anaj aole e loaa ka pono koho baloka i na wahine. Ma ka po o ka Poalima, Okatoba 6, i malamaia ai ka halawai a ka aoao Repubalika ma Aala Paka, a ma ia halawai i ae mai ai o John H. Wise ua ku-e oia i ka loaa ana o k.a pono kolio baloka i na wahine, mamuli o ka olelo hooholo a N. K. Lyman, i hookomo mai ai iloko o ka ahaolelo, me ia olelo hooholo e loaa ai ka ponp koho baloka i na wahine. - Ina. i hookomo mai o N. K. Lyman iloko o ka ahaolelo, he bila kanawai, e loaa ka pono koho baloka i na wahine, aole o ku-e o John H. Wise, oiai, ma ka bila kanawai wale no e hiki ai ke hoololi i ke kanawai kumu o Amerika e pili ana i ka pono koho baloka. O kekahi kumu e ku-e ia nei o John H. Wise, no ke kakoo o ka poe waiwai mahope o John H. Wise; ina e puka ana o John H. Wise i elele, alaila, o ka pono wale no o ka poe waiwai kana e hana ai, aole oia e hana ana i ka pono no ka poe ilihune. O keia kekahi kumu ku-e waiwai ole, i ulu ae iloko o kela me keia mea i loaa ka pono koho baloka; e alakai hewa ia ana kona nonnoo maikai ena olelo hoino. "E nana ana i ke kaola iloko o ka maka o kou hoaloha, aia no nae iloko o kou maka ia kaola like." O ka poe waiwai ka poe na lakou e haawi mai nei i na ano hana like ole iloko o ka aina, a ina ua ike oe i ka hana ana i kekahi hana a lakou, alaila, e lilo ana oe i kanaka hana no lakou, a e loaa ana ia oe kou ukuhana, ma ke dala, i kela ame keia pule, a i ole ma ka mahina paia dala i loaa mai ia oe, mai ka poe waiwai mai. E loaa auanei kau ai, kau i'a, a e kalaia na pilikia e ae apau i loaa ia oe. Pehea iho la, ua hewa anei ka poe waiwai.i ka haawi ana mai i hana ia oe, a loaa kau dala e uku aku ai i kou mau pilikia apau! Me keia nui o na olelo hoino ia John H. Wiae, aole kupono e waeia oia i elele, aka, me ke aheahe malie o ke aloha mai ke Akua mai, "Ua lanakila ka pono maluna o ka hewa," ma ka la 7 o Okatoba nei i hala. Nolaila, me keia mau mea a'u e hoike aku nei imua o oukou, kuu mau hoa makaainana oiwi hanau o ko kakou aina aloha, ke noi aku nei me ka manaolana, e awaiaulu iho i ke aloha iloko o ko oukou puuwai, no ka la 7 o Novemaba e hiki mai ana, o John H. Wiae kau elele e koho ai. * Na ke aloha o ke Akua e al&kai ia kakou me ka manao lok&hi, no ka pono kaulike o ka lehulehu mai Hawaii a Niihau. Ko oukou hoa makaainana oiwi hanau o ko kakau aina aloha, WM. K. KALEIHUIA. Kama Lane, Honolulu, Oahu.