Ka Nupepa Kuokoa, Volume LXI, Number 42, 19 October 1922 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

"Ae, he baroneta Pelekane io no au a i ke aha iho la ka pilikia ma ia inoa. I kakau au i ko'u inoa ma ia ano i mea e ike ole ia ipai ai au e na kanaka; aole o'u makemake e hoike ae ia'u ma keia aupuni he baroneta, a ma ia kakau ana o'u i ko'u inoa o Mr. Hita ua huna au i ko'u kulana oiaio. "A eia hou keia moolelo he wahine hou kau o ka mare ana ma Enelani ma kekahi manawa aku nei i hala, mahope koke iho no o kou haalele ana iho ia Amenka nei," wahi a ka ona hokde. "He kanaka hupo loa no anei oe i hoolohe aku ai ia mau olelo akiaki a imihala, me ko ike maopopo no hoi na'u ponoi i lawe mai iaia ia nei a hoonoho ma ke ano he wahine hanohano oia a i mareia e a'u? Ua ike no anei oe i ko maua manawa e noho pu ana ianei ua hana aku au i kekahi hana hoohilahila a hoohaahaa iaia, aole anei o ka maikai wale no au e ike iho ai ka'u i hana ai a ua aloha au iaia me kuu uhane apau a ke mau nei no ia aloha iloko o'u nona, a no ia aloha no hoi i hoi hou mai nei e kii iaia no ka lawe pu ana aku iaia i Enelani?" wahi a Sa Wiliama me ka nui o ka leo ame ka piha loa hoi i ka huhu. "Aole," wahi a ka ona hokele; "aka nae, ina no kou heluhelu iho i ka hoolaha maloko o ka nupepa e waiho nei me a'u e ike iho ana no oe i ke kumu o ka hookahahaia o ka poe e noho nei maanei; eia hou, aohe au wahi leka hookahi i kakau mai na ia wahine no kekahi manawa lehulehu i hala aku nei, e ike ia ai me ka maopopo ua aloha io oe i kau wahine." "Aohe leka! Kahaha, kupanaha! Aole moku hookahi e holo mai ana no Amenka i nele ko'u hoouna mai i leka nana, a no ka loaa ole ae o kekahi feka ia'u mai iaia ae no kekahi mau manawa lehulehu i hoalaia ae ai na manao pahaohao he nui ia'u no ia.nele ana, a ua manao au ua pilikia paha oia. "Aohe au leka i loaa mai iaia!" wahi a Elederida, "eia nae, ua maopopo ia'u ke kakau mau ana o ka lede au e olelo mai nei he wahinemare oia nau, i kekahi mau leka nau, aohe mokuahi hao iaia, a no ka loaa ole mai o kekahi leka mai a oe mai ua pili kaumaha ka wahine i ka'u hoomaopopo akuUa piha loa ka baroneta opio i ka pahaohao me ke kaumaha pu ia manawa. I kana hoomaopopo iho ina he oiaio na olelo a ka ona hokele iaia he mau leka lehulehu ka Vekinia o ke kakau aku nana aohe nae i loaa iaia, alaila aia kekaki hana kolohe loa i hanaia maloko o ka haleleka ma Nu loka a i ole ma Ladana paha, nana i hoolilo i kona hauoli i mea hoehaeha mau ia, eia nae, o ka wehewehe ana ae a maopopo ia manawa he nanehuna pohihihi loa ia. He mea oiaio, elike me ia i hoakaka mua ia ae nei aole mau leka a ka wahine i kakau ai i ioaa aku iaia, aohe no hol ana mau leka o ke kakau ana mai i lōaa mai i ka wahine, he mea pohihihi loa keia. "E oluolu ana anei oe e heluhelu iho i keia hoolaha?" wahi a Elederida, me ka panee ana mai i ka nupepa ie kau ana o ka hoolaha no ka mare ana o Wiliama Hita me Miss Sanahope, me ke noi pu mai e komo aku ke Sa Wiliama I iloko o ka rumi mahope o na pakaukau, kahi e ike ole ia mai ai. I Kulou aku la o Sa Wiliama imua a heluhelu iho Ja i ka hoolaha, a ia pau ana ua loaa koke iaia ka ike aole e nele ana ka 1 loaa o ka manao ia Viekinia he wahine oia i hana hewa loa ia, a ua hanaia hoi kekahi hana me ka ma-lu loa i mea nona e hoehaeha ia ai. Ua koho koke oia ia manawa o ka hoolahaia o ka mare o kona hoahanau me Makaleka Sanahope he hana ia i manaoia no ka hoehaeha ana i kana wahine, a ua lilo ka hoohuiia ana 0 ka inoa Sa mamua o ka inoa o Wiliama Hita i kuleana ole ia inoa, i mea hoopunipuni ia Vekinia ua mare oia me Makaleka Sanahope. O ke kumu hoi o ka hoopilikia loa ia ana o ko Vekinia noonoo ua mare hou ke kane ana i ka wahine mamuli o kona maopopo mua ole he hoahanau kekahi o ke kane ma ia inoa like, nolaila, iaia i ike ai i ka inoa Sa Wiliama Hita, ua manaoio oia o kana kane ka i mare hou i ka wahine, elike me ia ana i ike ai ma ka hoolaha, a ua loaa koke ka manaoio iaia ua haalele ia oia. I ka pau ana o ka Sa Wiliama heluhelu ana, nui iho la kona hanu a hoopuka ae la i keia mau olelo a nui ka leo: "O, heaha ana la kana mea e noonoo iho ai no'u?" alaila huli ae la oia e nana i ka ona o ka hokele a ninau ae la: "Ihea kahi 1 loaa ai o keia nupepa ia oe? He Journal ka inoa o ia nupepa a maloko o ke Kalana o Hamesire, Enelani, kahi i pa'iia ai a malaila ke keena^home 0 ia pepa, o kana mea e nalu nui ana ia manawa pehea la i loaa mai ai ia nupepa i ftu loka a i lilo ai hoi ia i kumu hewa, hoopilikia noonoo. "Aole i maopōpo ia'u," wahi o ka pane a ka ona hokele. "Iloko nei o keia keena i loaa ai ia'u e waiho ana iluna o ka'u pakaukau nei me kekahi mau nupepa lehulehu e ae, ō ka mea no hoi nana i lawe mai a waiho maanei aole au i ike, a ia'u 1 heluhelu ai i keia hoolaha ua la-\tfa loa ia e hoohikaka ai ia'u no kekahi manawa. "Pela no, a he hana aloha ole loa no hoi ma kou aoao ke kipaku ana iaia e hele mai nei aku. Ma keia hoolaha, i ka nana iho owau maoli no ka i mare me Makaleka Sanahope, e i nae ma ka mea oiaio, aole owau, o kuu lioahanau, he keonimana i like loa kona inoa me ko'u oia ka i mare; o ke kuhihewa nui loa i hanaia a he hewa koikoi loa hoi oia ka hoohuiia ana o ka Sa mamua o kona inoa, a ke nana Iho me he mea la owau ka i mare. Ua ike anei kuu wahine i keia hoolaha?" "Pela i ka'u hoomaopopo aku ma ke ano o kana olelo ana ; >1 mai. "Ina pela, ma ka nana a hoomaopopo aku he enemi ino loa ka mea nana i hana i keia i mea e hoehaehaia ai maua; o ka ninau nui nae a kaua e ninau iho ai, owai la ia?" wahi a ka baroneta o ka pane ana mai me ka helehelena kaumaha. Mokuna XX.—Loaa ia Sa Wiliama he alahele o Vckinia I ka hoihoi ana mai o Sa Wiliama i kona mau noonoo auwana apau mamua iho me ia, alaila ninau aku Ia ia Elederida: "Ua loaa anei ia oe ka ike no kahi o kuu wahine i hele aku ai ?" "Aohe maopopo ia'u. Ua olelo aku au iaia na'u e huli aku i wahi e noho ai me ka maluhia, kekahi wahi e hoohaunaele ole ia aku ai oia, eia nae ua haawi wale mai no oia i ka mahalo ia'u no ia manao o'u e kokua aku iaia d ua hoole mai i ko'u hele ana aku e huli i hale nona e noho ai. "Ua kauoha aku oia no kekahi kaalio e kii mai iaia, a ua holo aku no kekahi wahi a'u i maopopo ole ai, me ka hoike ole mai hookahi huaolelo no kana wahi o ka hele ana aku, aole no hoi i lohe mai i kahi mea nona ahiki iho la i nei la a kaua e hui nei." • Ua makaala loa ka ona o ka hokele iaia iho aole'i hoākaka mai imua o S4 Wiliama no ka maha loa ana o kona noonoo no

ke kaawale ana aku c Vekinia mailaila aku, me kona noonoo hou ole aku nona, no ka mea, mamuli o kona kaawale ana e loaa ole ai kekahi kamailioia no kona hokele no ka malama i ka poe maikai ole malaila. I ka pau ana o ka Sa Wiliama kamailio me ka ona o ka ! ). kele, alaila hele pololei aku la oia no ka hale o Kauka N'.-.ka. ke kauka ana i waiho iho ai ia Vekinia malalo o kana -nalama ana, me kona manaolana e loaa mai ana la hoi kēkahi Ivjomaikeike ana mai iaia mai no ke kumu o ko Vekinia hole ana mai ka hokele aku, a no kana wahi hoi o ka hele ana a ki: a noho ia manawa. - Eia nae, iaia i hiki aku ai a kamailio pu me ia, a no ko kauka maopopo ole loa i kekahi mea e pili ana ia haalele aru o Vekinia a pela hoi me kona wahi o ka hele ana aku, ua poho loa ko Sa Wiliama noonoo no ka mea, aohe mea i loaa mai iaīa mai ke kauka mai, a o ke kauka pu kekahi i hoopuiwaia aku i kona manawa i hoikeia aku e Sa Wiliama ua hele o Vekinia. 0 kana wale no o ka hoakaka ana mai iaia o ia ka loaa arta aku o ka Mrs. Hita leka e hoakaka ana no kona makaukau e haalele iho i ka hokele a ua makemake oia e uku ia aku kana mau bila, a e noi pu aku ana e holo mai 110 ke kii ana mai i ke dala. Wahi a Kauka Noka, ua kaupalenaia kona manawa, aohe i loihi kona noho pu ana me Mrs. llita iaia i kii mai a/ i ke dala a haalele iho la i ka hokele iloko o kekahi mau minuke kakaikahi loa. Ma kana hoakaka imua o Sa Wiliania, ua hookahahaia oia i kona ike ana i ka haikea loa me kona ano uiha i kana nana aku, ua ninau aku oia iaia i ke kumu, eia nae ma ka Vekinia olelo mai he maikai no oia. a no ko Vekinia hbike ole mai i kona ano pihoihoi pela oia i koho aku ai aohe io 110 ona ma'i. Ua nele loa ke Sa Wiliama i kekahi alahele e hiki ai e ioaa iaia kahi a kana wahine i hele aku ai a e loaa mai la hoi kekahi kokua iaia no ka huli ana aku a loaa oia. 1 kona nele ana i kekahi ike mai ke kauka mai, alaila, liaupu ae la oia no ka hele ana aku e huli i ka wahine hii a nialama keiki ana no o ka hoolimalima ana i wahine hana no Vekinia. a eia nae, ua hoohoka hou ia mai no oia no ka loaa ole o ia wahine ma kahi ana o ka noho mua ana, a o ka pilikia oi aku aolhe mea i maopopo i kahi o ia wahine i noho ai. Nui no keia mau hoohoka i halawai me ia--0 kana wahi hope loa o ka hele ana aku e ninau oia ka banako, kahi ana i hoahu ai i kekahi heluna dala nui na Vekinia. eia nae o ka hoohokaia mai no ke kali mai ana iaia i kona hoea ana aku. Ma ka mea i hoikeia mai iaia e ke kupakako o ka hanako he leka k;\ i loaa aku e hoakaka ana, ma kekahi la a Vekinia o |ka hoike ana aku, e hele aku ana oia e kikoo i na dala a pau i hoahuia aku ma ia hanako ma kona inoa. Ua hoea io aku oia ma ia la ana o ka hoike ana aku, a ua lawe i na dala apau, o ka hopena ia o ke kupakako ike ana nona, a no kana wahi o ka nee ana aku aohe i maopopo iaia. No keia mau hoohoka lehulehu e ike iho ana no oe, e ka makamaka heluhelu, he kanaka o Sa Wiliama i hooneleia i na manaolana, 110 ka mea, ma na wahi apau ana e huli ae ai he nele wale no ka mea i halawai mai me ia, no ia nele, ua ulu ka hopohopo a nui iloko ona no ka halawai o kana mau mea aloha me ka poino. No ka mahina a oi kona noho ana ma Nu loka, me ka hoo* lonolono a uiui ana ma o a inaanei i kekahi poe ina ua ike a lohe paha lakou no kana wahine, he ole nae ka pane i loaa mai iaia. Iloko o ia mau la pau ke kulanakauhale o Nu loka i ka hele ia eia mai kekahi kihi a hoea i kekahi, me ka hoohana i kana dala ma o ka hoolimalima ana i na makaikiu i mea e loaa ai ko Vekinia wahi e noho ana; he ole nae ka mea loa, 0 ke dala ka i puehu aohe mea panai mai. 1 ka loaa ole ana o ka wahine alaila hooholo iho ia oia 1 kona manao ua haalele mai o Vekinia i ke kulanakauhale a ua hele aku no kekahi Mokuaina okoa, aka nae, owai la ia mokuaina? Ua maopopo iaia aole hookahi makamaka a mau hoaloha o Vekinia ma ka aoao hikina oka lalani mauna Pohaku, 0 kona wahi i loaa aku ai iaia aia ma Nevada, he aina malihini loa o Nu loka ia Vekinia. "Eia no anei oia ma ka Hikina nei kahi e pee mai nei, kahi 1 malihini loa iaia, a i ole ua hoi hou aku anei oia ma kela kapakai Pakipika kahi i kamaaina aia?" o keia k£ Sa Wiliama mau ninau o ka ui ana iaia iho, a ua lilo no hoi keia mau mnau i inea hoouluku mau i kona noonoo, a no kekahi manawa. aohe maopopo iaia o kana wahi e huli aku ai, me ka luhi ame ka ehaeha pu o ka noonoo no ka hua ole o kana hooikaika ana e loaa ka wahine. I ka hala ana nae o kekahi manawa nui o kona noonoo ana hooholo iho la oia e holo no Nevada, kahi o kahi home kahika 0 Vekinia i noho ai me kona makuakane, a o kahi no hoi onff 1 loaa aku ai iaia a mareia ai laua malaila, malia o loaa mai paha kekahi hoike iaia mai ka poe mai e noho ana malaila. Ua hooko oia ia manao a ua hoea aku i Nevada liookalii makahiki mai ka nihnawa mai a laua o ka haalele ana aku ia wahi, a iaia i hoea aku ai ua make loa kona manaolana iaia e auwana ma o a maanei maluna o na wahi i kamaaina ma n j a maanei maluna o na wahi i kamaaina iaia i ka helena mamua: iaia i hoea aku ai i kahi hale o ka makuahonawai Abota, kahi i ana i halawai mua ai me kana aloha, he poe malihini wale no ke noho mai ana, aohe kana mea i aloha i, aole no ho; he mea hookahi i kamaaina mua iaia. Elike 110 me ia a laua i haalele iho ai pela no kana e ike aku | ana i na mea apaif e hoopuni mai ana, a iaia i ninau aku ai j i ka poe e noho ana malaila ia manawa no ko lakou ikr i kana wahine ua hoole mai lakou. Ua pane aku oia i ka lakou mau ninau lehulehu me kona makaala loa i kana pane ana, me ka hoike ole aku i ka nu' o kona kaumaha no ka wahine, ua makemake loa oia a oia no kana mea i noonoo mau ai, e loaa aku ana no iaia kahi Peke j kuke kahiko a Abota o Chi Lu„ a mai iaia mai ana e loaa ai kekahi hoomaikeike ana iaia no ka Vekinia wahi i noho ai. ei* l nae, ua haalele ua wahi Pake la ia wahi he manawa loihi ma' mua aku; he hohoka nui keia iaia. Ma ka me'a i hoikeia mai iaia ua haalele ua wahi Pake 'a ia wahi me ka hikiwawe loa me ka maopopo ole no kona heie. aka nae, aole i loihi loa mahope mai ua hoi hou aku oia. * ma ia manawa i kuai aku ai oia i kahi hale a Sa Wiliar a i haawi aku ai iaia, a ia nalo ana aole oia i ike hou ia ina wahi. I ka loaa ole ana o kahi Pake iaia, alaila hele aku la oia e huii ia Makaleka Foleka, a i ko laua halawai ana ua kokeia ko Sa Wiliama noonoo i ka manawa i kau aku ai ki iKC a kona mau maka maluna o na maka o Makaleka, ma ka aku o ka baroneta aia kekahi mea nui iloko o ka noonoo 1 wahine nona. Nana mai la oia iaia me ke ano hoohuoi me ka make:r . ole e kamailio pu aku me ia, aole no hoi oia i ninau mai il- - manawa no ka mea e pili ana ia Vekinia. Mamuli o ia ano o Makaleka i loaa iho ai ka noonoo i Sa Wiliama ua ike a i ole ua lohe paha oia i kahi mea e pi'i ana no Vekinia no ka mea keia Makaleka no kekahi i kii'ia ak-J ma ka la 1 mareia ai o Vekinia ine ka baroneta, a i lilo ai &<> ia wahine i mea kokua nui mai ia Vekinia iloko o ka m* nawa hope o ka ma'i ana o Mr. Abota, ka makuakane o kmia, no la kamaaina loa ona ia Vekinia he haawina maa mau e makemake mai ana oia e ike i kekhi mea e pili ia \ eikinia, eia nae, aohe ana wahi ninau hookahi nona. * * (Aole i pau.