Ka Nupepa Kuokoa, Volume LXI, Number 43, 26 October 1922 — KO NA KOOLAU MAU LUHIEHU [ARTICLE]

KO NA KOOLAU MAU LUHIEHU

Mr. Lunahooponopono, Aloha oe a nui:—Ua hooku'iia ae e ke kaa otomobile, a hoohinaia elua kaikan'iahine o 5 makahiki no Laie, a pakele ke ola, ua nul na palapu, i loaa i ka George Ligan kaikamahine, o ka Geo. Luahiwa kaikamahine he ano poholehole wale no. Ua hooemi iho la o Robert Plunkett i kana poi, no 18 paona i ke dala a keia mahina ae 20 paona, alaila, ke hauoli nei na Hmahana o Kahuku, a oiai no hoi, he 24 ko Honolulu, a he $1.50 ko ke eke ai j a na Kepani o Punaluu, mawaho ae I 0 na hoolilo kuwaho, aole i ka 14 paona i ke dala e hoomaula nei. Nui maoli ka i'a oama ma keia Koolau i keia mau la, o ka hahalalu ko Waialua, ka paakai ko Pupukea, hookama na eke paakai, ilaila pu ka mea kakau, a piha hookahi eke paakai he koena iho i ka poe makamua, no ka nui mai o ka j wela o ka la o lune, lulai Aug, o ia na mahina mano'ano'a o ka paakai, aiai helu ekahi, oiai, iloko o na apapa haki'oki'o pohaku. Ke hoomauia nei no o Kahuku 1 kona auwae lewa ana, no ka ikaika mai o' ka makani Kikapu, a olewa mau ia e ka lau o ke paina o Kahuku lewa. Ua hiki mai nei kekahi keiki kaulana puhiohe ipupaka o Salt Lake, e hookani ana a koe ana no na ono au e Hawaii iloko o ka ipuhokeo a Laamaomao. | JOEL K. APUAKEHAU, t Kahuku, Plantation.