Ka Nupepa Kuokoa, Volume LXI, Number 43, 26 October 1922 — HE HOOMAIKAI NUI O KA ULUMAHIEHIE. [ARTICLE]

HE HOOMAIKAI NUI O KA ULUMAHIEHIE.

I u'o mau haku makaainana, aiai na pali Hulaana o Honokane, o Kohala i ka Makani Apaapaa; o na puu haele lua, o Pili a me Kalahikiola; ka ua Kipuupuu o Waimea, ahiki loa aku i ke kai Hawanawana; o Puuanahulu i ke alo o Hualalai; .o Kalaoa i ka uka Kukuiula, a ia Kailua i ka Poho na-u, ahiki aku i Keauhou i ka Uiilinehe; o Kahauloa i ka pali kapu o Keoua, a ia Hookena i ka piko o kuu manawa; o Ala-e i na hala o Haimoeipo, a ia Milolii i ka mu'o launiu, hui ae la na Kona o ua aina kaulana nei, aia ka wai i ka maka o ka opua. O ka Uahaao i ka wai o Auaulek, a ia Punaluu i ke kai Kauhaa o ka wai hu o ka uwila ahiki aku i Pahala, i ke kihi o ka makani, no oukou ka'u mau hoomaikai nui palena ole. O ka oukou mau baloka maemae o 914, i papahi mai ai maluna iho o'u, ke lawe mai nei au me kuu mau lima mohala o ke aloha, a hoopaa iho iloko o ka mole o kuu puuwai me ka hauoli nui, a he kiahoomanao mau hoi no na kau £ kau, a o ka'u leo pule i na Lani, e hooloihiia ko oukou mau la iloko o ka lako am« ka noho oluoln mau ana, a hui hou aku kakou iloko o ka wa pono. M« ke aloha nui e kuu Solomon ame na keiki limahei a kaua o ka papa uwila o ke Kilohana Pookela. Me ka haahaa, He kauwa na ka lehulehu. HENRY L. KAWEWEHI, Keauhou, Hawaii, Oct. 12, 1922.