Ka Nupepa Kuokoa, Volume LXI, Number 44, 2 November 1922 — Page 4

KA NUPEPA KUOKOA HONOLULU. T.H. POAHA, NOVEMABA 2, 1922

KE KILOHANA POOKELA NO KA LAHUI HAWAII.

 

Makalei, Ka Laau Pii Ona a ka I'a o Moaula-Nui-Akea i Kaulana

 

HE MOOLELO KAHIKI NO KA HULI KOOLAU O KAILUA AME WAIMANALO, KA NANEA O KE AU O KA MANAWA.

"Heaha i a manu a olua i ike mai ia!" wahi a Ahiki i ninau aku ai.

"He io" ahi a Pakui ma," aia la ke lele la i ke alo kahawai, ma

kai nei o kakou.

"He io ka manu, o ke aewa poipu o ka lanii kona kahua heihei, he manu ia aohe lala kau oe, kau no i ka lala maka kau no i ka lala

maloo."

"He Kino kanaka hoi ka kakou i @ke like aku nei, eia ka hoi ua ka huli ae la i manu," wahi a Ahiki.

"Mai kinohi mai no ka hoopahulu a ka po ahiki no i keia huakai a kakou o ka hele aku hoi keia o

ka loaa, o ka ho-aiki ma hoi ka keia Puukahuahua i ke alanui, a o ke kumu kukui iho la kahi e kiei

mai ai," wahi a Nihiole.

"Hoi kakou, ke ike ae la no ka kou apau i ka makahelei mamua o ke alanui he huakai paoa keia, aohe

mea loaa, malo ʻ elo ʻ e hewa na au e ke alii." wahi a Paku ʻ i.

"Aole paha o ka hoopahulu a ka alawa maka, o ia ka mea nana e okipu i ka kakou huakai, anoai no hoi ke hana keia hiona o ko

kakaou maopopo ole i ke ano, me ka  hana a keia kino papalua, ho aku kakou imua, ahiki i ka pahuhopu o ka kakou huakai," wahi a Ahiki.

A holo keia manao iwaena o la kou eu ae la ke Konohiki me kona

mau hoa no Waihi ka pahu hopu.

Ahiki lakou i kahi o kamaaina pa kahea a ka leo o ke kalukalu, ia wa i ike mai ai na mea apau, aole ka keia he poe no ka waapae,

aka o ka lakou Konohiki no, a lakou i olelo ai he alii puuwai oluolu, a aloha kanaka hoi.

I ka ike ana o na makainana o kana aikane, ua eleu mai la na mea apau ma ka hoomakaukau ana i na meaai, ma ka lakou malihini, a elike @o hoi me ka noho ana o ka uka waiahulu. pela no ka makaukau i na meaai o ke kuahiwi.

Mamua o ka hoonoho ana o na meaai na ke alii, ike aku la na kanaka i keia mea e hele mai ana i kahi mamao, me ka auamoi ka a-i.

"He kanaka ae hoi keia!" wahi a ka leo hooho a ka anaina, ei ae me ka auamo no i ka a-o, me na h@hui a 'i pu ia e hele mai nei."

"Anoiai o kuu kanaka paha, no ka mea haalele aku nei no makou @aia i ka hale, nana ia aku," wahi a ke Konohiki.

Ike kokoke ana mai o Kamalo, ike aku la na mea apau o ka aipoupou io no a ke alii.

Makaukau ka papaaina, noho iho la ke Konohiki me kona mau hoa e ai. a i ka moana ana, haule iho @a nanea

Oiai he mea nui na alii, a eia hoi ke noho nei me kona mau hoa, ua muia mai la na kanaka ia ahiahi i ke a'o o ke Konohiki, a o na le'ale'a hoohauoli no ka mea nui o ke alo alii.

Ia Ahiki ma e nanea nei i ka: Ha'a @ula le'a a ka ua i ka laau, Haa hoonanea i ka maka o ke @alii.

He alii ka ohu i ke poo o Hanalei, He mau mahoe hoopai ua no Hihimanu e, I manuahi la hoi ia la nalo o ka ihi, Ke hoopeepee mai la i peekaua a, o maua no la e.

A hala keia po, i ke au ana ae, ke ma@u la na wahi hoahele o ke Konohiki i kauhale, o ke ake no ka manao e ike aku lakou i ka mea a @akou e imi nei, he ole nae ka ike.

Aia no ka hoi i ke ahiahi, a ua @lo no hoi kahi a ke Konohiki e @o@o nei, i wahi piha mau i na ahiahi apau.

I ka piha ana o ke anahula a ke Konohiki i noho ai i Wahi, ua hoi mai @a ke Konohiki a noho i Mauna@@@.

O ka maau no hoi ka na wahi hoahele i kauhale,a e nana ai i ka mea a lakou e imi nei, aia no ka hoi hale i ka ahiahi. Po iho la no hoi, na hauoli o ke aloalii, hala ae ana ua la pe@a aku ana.

O i noho a hala ke anahulu, ia wa i makaukau ai ke Konohiki me kona mau hoa no ka hele ana i kahi e noho ia ana e ke kanaka.

Haalele lakou nei ia maunawili @o Kailua ka pahu hopu, ahiki nae kakou nei i ka manawai o Makawao, huli mai la ke Konohiki a ninau mai la i kona mau hoa: "Pehea ouk@ Kapaliku, ame Makawao!"

Pane mai la o Nihiole: "ua pau ia mau wahi ia ʻ u i ka heleia, aohe kanaka o kela uka e waiho ia ʻ u i ka heleia. a hookahi no mea nani ola@a la o Kipu, i ka hale mau akua, aia i kela kanoa e woiha mai la la, aia i laila ka@@@ ku ai on a hele la."

"Aia he @ ka hale, ku no ka hale. noho @anaka, aohe hale a ke akua i ako ai a paa no ke kanaka ka hale, aia no a hele ke kanaka, alaila mehameha noho ke akua," wahi a ke Konohiki.

"No laila e pili wale kakou ma kela mau whi aku, anoiai eia i keia uka ua k@iki la, a he keiki kino papalua paha noilaila i hiki ai iaia ke hana i keia mea, a i hoolohe ai hoi ke akua iaia; nolaila e hele hoi kakou a ike pono i ka hale mauakua a ia nei e olelo nei."

I ka ike ana o Nihiole, ua paa ka manao o ke Konohiki, e hele e ikemaka ia uka mehameha kanaka ole.

Hoolaukanaka i ka leo o ka manu, Ka aka hehe a ka manu o ka ohai, E ku ana paha ia ʻ u he u ʻ a, He u ʻ a he opua hoohaehae na ka naulu, Ke kuehu mai la i ke kula pili, pipipili aku maua me ko ʻ u hoa, koo ole i ka wehe a ke Hoolua, Nolaila aohe mea nana e mawehe ae i ka manaopaa o ke Konohiki e hele i ka uka waiahulu o Makawao, nolaila hoeu ae la ka huakai no ke alahele e hiki aku ai ilaila.

Ia lakou nei e hevee nei i ke ala, ke ninau mai nei lakou ia Nihiole; "Aia mahea ke alae hiki au ai kakou i ua hele nei au i ike ai!"

"Hele aku," wahi a Nihiole, "o ke ala no keia a kakou e hele nei, ahiki nae kakou iluna o kela kualapa e kauhuhu mai la, alaila nana iho kakou ialalo, he honua aina maikai, aia ilaila, ua hale la kahi i ku ai.

"ahiki kakou i kela kualapa, ilaila au e noho ai, a o oukou ke hele aku i ua hale la, ua lawa hoi kou weliweli i ka ike mua ana i kinohi."

Mamuli o keia mau olelo a Nihiole, ua lio ia i mea no ke Konohiki e aka ai, no keia aka o ke Konohiki ua olelo hou mai la o Nihiole, o ka wa keia ou e aka mai ai ia ʻ u, a ike pono aku oe, haalulu ko papaauwae ʻ i ka maka ʻ u, a aka aku hoi au ia oe.

"Iluna nei no au e noho aku ai, a ike aku au ia oukou e naholo mai ana i ke kula, i ka po ʻ ipo ʻ i pulelehua, nolaila aole au e puni i ka oukou koi, no ka mea ua ai e ana hoi au i kena wahi.

Maanei iho no kaua e ke Konohiki ma ke kala mehana, a hoi aku i ka poli o Kailua, ei aku no ua la e loaa ai oia i kaua.

"anoai no hoi paha au niokapu ke kanaka, palama ia i ke kapu akua, apau ia mau la, puka ae iwaho loaa ia kaua, i ke aheahe wale no ia la. Pehea oe i keia e kuu Haku!"

"Aole au i ka haiki. E uwai no au a mamao," wahi a Ahiki, o i ia mai hoi auanei kaua, he pale i ka leo o ka lani a kaua, a loa hoi ko kaua hewa e waia ai kahi inoa i ke alo alii.

Nolaila e kuu hoa uhaiaholo o ke ala hoomanawanui, a loaa ka hoi kuu ka luhi, noho kaua ai i ka mea i luhu ai, aohe mea nana e hoonioni, a kau na poo o kaua i ka ula o Welehu ka malama."

Mamuli o ka maikai o na olelo a ke Konohiki, ua ana hooku ʻ iheia ka mana o Nihiole, a olelo mai la o ia i ke Konohiki: "He aha la hai, hele aku paha hoi kaua imua, ua alha aku la hoi au ia leo ou e kuu lani, a e huikala mai oe i ka ʻ u mau ʻ olelo kikoola i kou kulana, o ke ano ihola paha ia o ke kuaaina la, a ia oe no au e pono ai, i ka nui o kou makee kanaka."

Apau keika mau kuka ʻ iolelo ana, hoomaka hou aku la lakou e hele nomua, me kela manao pehi hope no iloko o Nihiole.

A hala ke kualapa mua, me na alu kahawai, pili aku la lakou a kau i ke kualapa, e nana iho ai ialalo o Makawao, ia lakou nei i hiki ai ilaila, ike iho la lakou i keia hale nui e ku ana ilalo o kekahi halua maikai, a palahalaha no hoi ke nana iho.

Huli mai la ke Konohiki, a ninau mai la ia Nihiole: "O ua hale akua nei kela au i olelo mai nei ia makou?"

"Ae," wahi a Nihiole, "o ia kela".

"E iho kakou a ike maka, anoai no kou hookahi ke kumu o kou maka ʻ u, ua lehulehu hoi kakaou."

"Heaha la hoi, ho aku hoi paha kakou i ka ikemaka o oukou," wahi a Nihiole.

Iho aku la lakou, a hiki ilalo honua, hookokoke aku la lakou i ka hale, pili aku la ma ka hakaia e hoolohe ai i ka hamumumu mai owaho, he ole nae ka lohe aku o lakou nei.

A liuliu, lohe aku la lakou apau i ke kumu ana mai @ kekahi mea iloko o ka hale, nolaila olelo ae la ke Konohiki i kona hoa: "He kanaka no hoi ha, ke kunu mai la!"

O ke Konohiki no mamua, a ku ana i ka puka, ike aku la oia i keia luahine palupalu, he helehelena pupuka e okuu ana iluna.

I ka malu ana aku o ke aka o ke Konohiki ma ka puka, ea ae la na maka o ka luahine iluna, a nana mai la ia Ahiki, aloha aku la ke Konohiki i ke kamaaina, aloha maila no hoi au kamaaina nei.

Ke nana aku nei o Ahiki i ka helehelena o keia makuahine kamaaina, aohe ke kou o Hanunanuna, puiwa ka manu eena i ke kanaka, a ke noonoo la ke Konohiki iloko on a, oia nei paha ka hope loa i hanaia ai ao e.

Eia nae kana e pahoahoa ana, o ka leo i haawi mai ai i ke aloha he oi aku ka palupalu o ka leo me he mea la, aia no I na la kanaka makua, a no keia ano pahaohao iloko on a, ninau aku la oia:

"Aia ka hoi ihea kana o ko oukou hale!"

"Aohe kanaka o ko makou hale, owau wale no!"

"Auwe no ka hoi e, alaila nau no e imi i kou ola o ka noho ana i keia uka mehameha!

"ae," wahi a ka makuahine.

"Ina hoi ha pela, e hoi akua i ko ʻ u wahi, na ʻ u oe e malama i makuahine no ʻ u."

"Auwe no ka hoi e! Lokomaikai maoli oe e ka malihini," wahi a Niula, "aole paha o ka ha ʻ i luahine, oia kau e malama ai, a waia iho kou inoa i ka malama i ka ha ʻ i luahine."

"O ha ʻ i hea hoi!" wahi a Ahiki, "a lawe ka hoi au ia oe i makuahine hookama no ʻ u, he kahi hoi ka makua i loaa i ka la hookahi, heaha auanei ia olelo@

"Ua loaa kau keiki owau, nolaila owau kou mea nana e malama, hoomaha iho kahi kino palupalu na ʻ u ka hana i na mea apau e pono ai kaua."

Nana mai la o Niula i ka helehelena u ʻ i opiopio o keia kanaka, ame ka palupalu o na olelo, me ka mahalo iloko on a, ia wa i ulu ae ai kekahi manao iaia me ka i ana iho, "me he mea la ua ike ma no au i keia keiki, a ihea la kuu wahi i ʻ ike ai@"

Olelo mai la o Niula ia Ahiki: "Maloko mai me ou hoahele, a noho ae mai ka nu ʻ a moena."

"U," wahi a Niula, "U ʻ i no ke kanaka maikai no na olelo, hookahi no ka hoi la o ka pomaikai, loaa ana ka ʻ u keiki o oe, ua pau ka luhi i ha ʻ i, a na ʻ u paha auanei e ai ka loaa."

"Ae, nau e ai, na ka mea ola," wahi a Ahiki, "oiai ua ohi no ka po i ko ʻ u mau hanaukama, a noho makua ole, a no ko ʻ u ike hoi, o oe wale no, aohe keiki nolaila lawe hoi au ia oe i makua no ʻ u, pela au i manao ai e noho pu kaua."

"Heaha la hoi," wahi a niula, "ua makua iho la a keiki alaila nae hoi au e hoi me oe noho ai, a hoihoiia mai kuu wahi opeope"

"Aia i hea kahi i wahi ai@" wahi a Ahiki.

"aia no i kuu hoa noho o keia uka, a nana no e hoihoi mai. Aia ihea kahi i hele ai o kou hoa noho@" wahi a Ahiki. Aia i ka auwe aian," wahi a Niula.

(Aole i pau)

 

MA KE KUMULAAU I MAOPOPO KONA HUA, A MA KE KUMULAAU I LIKE OLE AKU KONA HUA ME IA, MAHEA OE?

Mr. Lunahooponopono o ke Kuokoa, Aloha kaua:- E ahonui hou mai ia ʻ u, e hoomaoe hou aku i na kini ame na lau o kaua Hawaii, no kela ninau e kau ae la maluna. I kani ae la keia ninau, no ko ʻ u lohe ana aku ia keia loea kakaolelo no ko makou kaha, e keha ae ana no hoi i kana moho, o ka oi ka ia.

He kumulaau hoi ka ʻ u, ua hua, ua ai ia ka hua, ua maopopol ke ano o kona hua, ame ka lepo kahi e ku ai ua kumulaau la, i oili mai ai kona ano, a maopopo lea ke ano o ua kmulaau la.

He kumulaau no hoi ka ua laeula nei, ua hua, ua ai ia kona hua, a ua maopopo ke ano o kna hua, ame ka lepo kahi i ku ai ua kumulaau la, i oili mai ai kona ano, a maopopo lea ke ano o ua kumulaau la; o ke anoe nui ma keia mau kumulaau, he nua okoa ko kekahi mai kekahi ae.

O ka ono o ka puu o ka lehulehu mai Hawaii a Niihau, he ono hoi e nuu iho ai a kena, a lwa ka makemake, ma ka la 7 o Novemaba ae nei, he ono kalaiaina. Ke ku mai nei hoi keia mau kumulaau hua like ole, a mahea ana lakou e hopu ai@

Ua ike au au i ke kumulaau a ua keiki ihupani nei, me kona mau lala no hoi i hele a luluu i kona mau hua. He nani i ʻ o no; he ohelohelo a ka puu e ono ai. Hopu akula au, a nana iho la, a ike iho la, o ka alualu owaho, he alualua kanawai. O ka i ʻ o iho iloko, o na paia no ia o ka halepaahao o Kulina Eleele; a o na anoano liilii oloko loa, o na pio no ia a ke kupueu Enekela.

I ko ʻ u ike ana o ke ano iho la ia o ka hua o ke kumulaau a ua hoa nei, holopani ae la ko ʻ u puu ahiki ole ia ʻ u ke nahu iho a moni aku.

Holoholo aku la hoi au ma ko ʻ u kihapai, ana aku la au, e luhe mai ana na lala o ka ʻ u kumulaau ua hele no hoi a lupea luluu me kona mau hua a ua helu no hoi a kapule. Lalau aku la au i kono hua; maihi ae la i ka alualu owaho, a ike iho la au, ua like no kona alualu me ka hua o ke kumulaau a kuu hoa. O ka i ʻ o no nae oloko, o na pono no ia i loaa i kuu lahui; a o na anoano oloko, o na hua makeke i ai luluia aku ma Hawaii nei a ma ke Kapitala o Wakinekona, e hiki mai ai no ka la, e kupu mai au mau anoanola, a hua mai, elike no me ke kumulaau nona ua mau hua la. Ono no hoi ka pua, aohe he holopani ae!

Eia no hoi ke olelo kaulana : Ma ka hua o ka laau e ikeia ai kona ano. Ua ikeia ae la ke ano o keia mau kumulaau, a o ke kumulaau hea la ka na kini, lau a mano, mai Hawaii a Niihau, e nuu iho ai ma ka la 7 o Novemaba ae nei@

Ke noi nei no au ia oukou, e nuu mai oukou i ka ʻ u, no ka mea, o ka ʻ u ke kumulaau a ka Palapala Hemolele i olelo ai malaila e ola ai ka lahua kanaka, a o kekahi kumulaau iho, o ia no ke kumulaau a ia buke no i olelo ai i ke kumulaau e ikeia ai ka pono a me ka hewa; a o ke kumulaau no hoi keia nona ka hua a Ewa me Adamu i ai ai, a "Hewa ka ia a Umiamaka, He okea oloko."

Nolaila, e o ʻ u mau hoa makaainana, ahiki mai hoi i ka la 7 o Novemaba, haupa iho a lawa; nuu iho a kuhaiki, ka houpo, inu no hoi a kena ia Senatoa John H. Wise, i Elele na kakou i Wakinekona; i pani hakahaka no ke Keikialii Kalanianaole i hele loa akula:

A no kona hoa paio hoi, waiho maile iho i ke kai o ko haku, ia tomi, tomitomi maile Hewa ia la!

Kou no a mau, SIMEON K NAWAA,

 

 

PAA HE KAA I KA HOPULA ME WAIONA

Ma ke kakahiaka Poaha o ka pule aku la i hala, i hihia ae ai i ka upena paloa a na makai hopuhopu waiona he mau ia nui, he mau Kepani kalewa waiona no laua na inoa Kentary Otsu ame Yukiehi Unamine ma ke alanui Pauahi. Ua huliia oluna o ke kaa oto a ua loaa aku ia lakou ewalu galani lemuhao e waiho ana iluna o ke kaa. Ua hopu ia o Otsu ka on a nana ka waiona, a hopiiia ae, a ua hopuia hoi o Unamine a hoopiia ae ke kalaiwa nana e lawe ana i na galani lemuhao no kekahi wahi e hoahu ai. Ua paa pu ia ke kaa oto a e hookomoia ae ana he hoopii no ka lawe wale ia o ke kaa nana e lawe ana i na glani lemuhao e ke aupuni.

 

 

HE MELE NO JOHN WISE.

A he ohohia nui no Keoni Waika, Ka elele hiwahiwa a ka lahui, Hui like makou, E koho me ka lokahi, Hookahi mea nui i anoiia, O ka pono kaulike o ka lehulehu, Mai Hawaii o Keawe, A Kauai o Mano, Ua kini ua mano kou aloha, Maluna hoi a o kou lahui, A he sure maoli no, Pela io no hoi. Kiina ko lei i Wakinekona, Aka manu aeko e hii mai nei, Nau hoi la e lei,

No ka nani a o Hawaii, Eia makou mahope ou, Ahiki aku i ka lanakila ana, Goodie idea kela, Lokahi like na puuwai apau. Hainaia mai ana na puana, A o oe ka makou i anoi ai, John Wise no ka elele, Feelah goodie kahi manao. ILIHIA CLUB, Kalaupapa, Molokai.

 

KOI POHO AE NO KA HUINA O ELIMA KAUKANI DALA.

Mamuli o ko Virginia Goueia manaoio he $5000 kona poho mamuli o ka pa ana mai o kekahi laau ma kona lima a eha oia i hookomo ae ai oia i ka hoopii koi poho e ku-e ana ia Pang Sui, he kalaiwa kaa oto, ia huina. Ua loaa keia eha mauwale iaia, wahi ana, i ka manawa  ana o ka hele ana i ka holokaa mamuli o ko Pang Sui maka ala ole.

Ua hooohela keia koi imua o ka Lunakanawai JSames J Banks ma ka Poaha aku nei i hala, o kona mau makua pu kekahi o ia hele ana i ka holokaa, a o laua no hoi kona mau hoike. O ka olelo hooholo a ke kiure nana i hoolohe i keia hihia ole i kulike ka waiwaiio o kahi o keia kaikamahine i eha me ka $5000 ana i koi ai. Ua hookuuia o Pang Sui, ke kalaiwa kaa e ke kiure.

 

Kahi kupono E malama Ai I Ke Dala.

Aneaane loa i kela me keia la, e hoike mau ae ana na nupepa i ka nui o na dala i lilo mamuli o na hana aihue, powa, pauahi a i ole ia ma kekahi mau ano hemahemah e ae paha.

Aole anei he hiki ia oe ke hoomaopopo, aole e hiki ke loaa keia mau kuia in a i hoahuia ia mau dala ma loko o kekahi banako?

NOKEAHA KA HOOHEMAHEMA ANA I KAU DALA?

Ua makaukau mau keia Banako e hookipa mai oe a e malama i kau mau dala, me kona uku pu aku i ka ukupanee o 4 pakeneka no ka makahiki.

Chinese-American Bank

Kihi o na Alanui Moi ame Nuuanu. Honolulu, T.H.

 

E Noonoo no ka Nohona o Keia Mua Aku

Ua makaukau mau makou e hookipa mai ia oe ame kau mau hoahu liilii ma ko makou Hale Banako nei, no ka hoopakele ana ae ia oe ame kou ohana i ka hora o ka pilikia e hoea mai ana.

HE MEA NUI ANEI KE OLA IA OE?

Heaha ana na haawina e loaa ana ia oe in a e pau oe mai ka hana mai, a i ole, loa paha i ka ma ʻ i?

E HOAHU I KAU DALA ME MAKOU

He hookahi wale no dala no ka hoomaka ana. Eia ke hamama nei ko makou keena ma na ahiahi Poaono apau, mai ka hora 6:30 ahiki i ka 8:00.

The Liberty Bank of Honolulu, Ltd

Kumupaa i Ukuia, $200,000.00. Huina Kaulele, $16,000.00 Kihi o na Alanui Maunakea ame Moi. KELEPONA 1014.

 

 

He Leta Hamama I Na Mana Koho

I na mana koho baloka o ke Teritore o Hawaii: Iloko o keia mau la koho wae moho i hala aku la, ua laweia mai ia ʻ u na lono, ua pau na dala a ka Hi Uniona I. L. A. ia John H Wise, oiai oia e lawelawe ana i ke kulana Puuku no keia Hui Uniona, i hoikeia maluna ae. Owau ka mea nona ka inoa malalo iho nei ka Presidena, i ka manawa a John H. Wise a paa ana i ke kulana Puuku, a ke hooia aku nei me ka pololei, aole hookahi keneka i laweia eia i loko o ia manawa. O ka oiaio maoli, o ka HUi ka inoho aie iaia no kana mau hana kokua ia makou.

No kana huakai i Seattle, mai ka Banako Yokohama Specie Bank, mai na dala i hoaieia ai e makou malalo o kekahi nota, i ukuia iho la e a ʻ u, no ka mea, na ʻ u me John H Wise i kakaukua ia nota, a mamuli o ke dala ole a ka Hui pela i kau mai ai maluna o maua keia ko ʻ iko ʻ i.

O na olelo, ua pau ke dala ia John H. Wise, he mau olelo oiaio ole, a i lawe hele ia aku e na enemi o ka hui uniona I.L. A., no ka mea mamuli o na hakaka ana a keia Uniona, i loaa ai he Kanawai e ae ole ana i na Kanaka o ko na aina e, e hana maluna o na hana Federala.

Meka oiaio, TOM PUNEE, Presidena Hui Uniona I. L. A. Honolulu, Oct. 12, 1922. 6527- Oct. 26; Nov. 2.

 

$7500 KE KOI PHO A KE KAIKAMAHINE

No ka haule ana o Geraldine Robello i kekahi lua a eha mamuli o ka hana hemahema a makaala ole o ka lehulehu ua hookomo ae oia he hopii ame Kalana o Honolulu i ka huina o $7500, oia kona poho mamuli o ia eha ana on a. He kaikamahine Kepani ka hoike on a.

He kaikamahine Kepani ka hoike ma kona aoao, a oiai e holo ana ia kaikamahine Kepani @ Iapana nona ka inoa o Yojiro Yamashima ua lawe mua ia ae kana oleloike @ hoohikiia mamua o kona holo ana aku no Iapana.

O ka lua iho la keia o na kaikamahine i eha mauwale a i hookomo ae i ka laua mau koi poho i ka aha kaapuni.

E KUAI I KA PALAOA KALIMA

I HOOMO ʻ A ʻ IA MA KA LEE WOO BAKERY

653 ALANUI KEAWE KELEPONA 1570

 

Hoopiha me ka RED GROWN Aole mea e Ae

O ka põe meakaa e hahai ana i keia rula o ke kuai ana i ke gesolina e ike ana lakou, aole wale no i koe mai ke dala-no ka mea he oi aku na mile o ke galani o ka "RED GROWN"- aka hooi ae i ka ikaika ame ka maikai o ke kaa. Ua hiki i ka "RED CROWN" ke hoonui aku i ka mana hoonee ikaika o kou kaa, i kukuluia iloko olaila. He hikiwawe a he kaulike kona holo ana iloko o ka ipu alaila, a maloka wale no olaila e hoohanaia ai. He kaulike ka mea e loaa ana ia oe ma kela ame keia wahi ame na manawa au e kuai ai-nolaila aohe au apa ana i ho me na meahana o ka ipu aila.

Hoopiha ma ka hoailona RED CROWN- ma na wahi hoopiha aila, na halekaa ame ka poe kuai aila e ae.

STANDARD OIL COMPANY (California.)

 

O NA HAWAII

i makemake i ka pomaikai o ke Kanawai Hoopulapula o Molokai, e holako ia akaou i iho no ka holomua ma kaloaa ana ia lakou o na Lako Mahiai me Hanai Holoholona ma keika hui kamaaina.

Ke malama nei makou i na Lako Hana Maikai Loa, pela hoi me ka PENA SHERWIN-WILLIAMS, ka mikini Umi Waiu DE LEVAL ame na lako pili ka home o na ano apau.

Malokko o ko makou Keena o na Lako Paani e loaa no he hua o na pu liilii ame na raefela maika.

E. O. Hall & Son, Ltd.