Ka Nupepa Kuokoa, Volume LXI, Number 44, 2 November 1922 — Page 7

Ka Nupepa Kuokoa

KE KILOHANA POOKELA NO KA LAHUI HAWAII.

 

KA MARE GULA.

            I ka Lunahooponopono o ka Nupepa Kuokoa, ke Kilohana Pookela o ka Lahui Hawaii, Solomon Hanohano, aloha oe:-E oluolu mai kou @ e hookomo iho iloko o ka @ e hookomo iho iloko o ka @ nupepa I kela mau huaolelo, o poomanao e kau ae la maluna, a ma kahi kaawale o ka kakou wahaolelo. nana e uwila aku apuni keia Teritore o Hawaii, o ia hoi ka piha ana o na makahiki he kanalima (50) o ka mareia ana o ko laua noho mare ana, ka Mae Hanobano Hon. William Hyde Rice, me Mrs. Mary Waterhouse Rice, na makua o ka Pono o “Hale Nani”. E hoi e ka olu i Hale Nani, Home nani a ka malihini, Hiu ae oe a kiekie, Ua kau e ka Hae Hawaii. Ae, ua piha io iho la ke kanalima makahiki o ka noho mare ana o ua mau makua nei I ka pono, ma ka Poalua, ka la 17 o Okatoba i hala aku la. ka la nui hookahi I hulia@ahi mai ai, mai ke Onekani o No@ili. a ka Pahapaha o Polihale, a @ Pali O ahi o Makana, e ku a @ i ka luau nui i konoia na mea apau. na Hawaii, na Haole, na Pake, @ Iapana, na Philipino na Korea amen a Poto Riko amen a Pukiki. O keia lanai paina I hoomakau@, na na alii aimoku wale no ka @ elike ai, no ka mea; o ka lanai @ i kukuluia ai, he lanai nui @ pau ai he cono haneri (600), ma ka ai hookahi ana, o ka loa o ka @ 120 kapuai, 50 kapuai ka laula. a he 12 kapuai ke kiekie, o ka nui o na pakaukau he 25, ke huiia me ke pakaukau a na paamare ka makua, na keiki, na moopuna, na kualua, ke kaikuahine me kana mau keiki, oia ka ohana Waterhouse, auwe nui a nui hewahewa ka ohana o ua mau makua nei o ka Pono.

            He kahua maikai ko ka lanai @ kukuluia ai, he akea a oluolu maikai o eke noho a ai iho, he nui @ ono o ka papaaina, ka puaa lau au, ka bipi laulau, ke kamano lomiloli, hui pu ia me ke aka@kai, ka opihi mai o Kaakaaniu, ameko ahukini pu mai, ame ko Kipu pu @ai. ka hee mai o Haena Kapaa, @ ko Papalinahoa, ka oio, ka li@ mai o Moloaa, ame ka moa I @ pu ia me ke kai niu, amen a @ ia he nui, i unuia mai a akoa@. a pela pu me ka opae makahiki@ @uka mai o Wailuanui Hoano. Ke kulolo, ka uala ka meaono ame @ waimomona; ka nui o na laulau ma kahi o ka 2400 poe i hiki mai a @ @ ai, na kane, na wahine, na keiki. na keikamahine ua unuia mai @ wale.

            I kou hele ana mai i kahi o ka @ paina, e komo mua ana oe e @ i na "Makua o ka Pono", ma ka lululima pu ana, oiai; laua e u @ ana ma na noho, ma ka rumi @ ma ka lanai o Hale Nani, e ike @ i kela ame keia mea, e komo mai ana, apau alaila; komo loa aku iloko o ka rumi e waiho ana na makana gula i hoounaia mai e ke Kamaliiwahine kalanianaole, ke Kanerala Amerika, ke Kiaaina, ka poe hanohano a waiwai o ka aina, @ai Hawaii mai, Maui mai, ame Honolulu iho, he mau makana waihooluu gula, nona ka huina o na makana i loaa mai ma kahi paha @ ka haneri me kanalima a oi aku, a @ mai paha; ka nui o na makana.

            Ua mareia laua ma Honolulu, i ka @ 17 o Okatoba 1872, e ke kahu Rev, Damond o ka Luakini o Polo@wa ma Honolulu, ahiki i keia la 17 o okatoba, o keia makahiki o @ noho ana iloko o ka mare, me ka inoa maikai a maemae a hanohano @ hoi, e kokua pu ana i na hana pono iloko o ka Ekalesia Hawaii @ Lihue, a he mau hoahanau oiaio no ka Ekalesia Hawaii o Lihue nei, ma hope iho o ka laua wehe ana i ko @ mau inoa mai ka Ekalesia. Haole o Honolulu, a laua i pili aku @. Ma na hana o ka pono, aia mau @ elua kahi i hohola ai na lima kokua aloha ma na ano apau.

            Mai keia rumi aku o na makana a komo aku ana oe i ka rumi o na ano pua like ole, a puia wale no @ o keia rumi i ke ala, aole @ o ka ala o ua kaikuahine o Aiwohikupua oia o Mailelaulii ma @ Mailekaluhea, aole o ia keia @ aka; he ala keia a ka maka @ ike iho ana, a hauoli ka manao no ka mea; e ako ana oe i pua @ a kau ma kou kuka, hele ho@holo iho la, he ano hooio paha @ au.

            Mai keia rumi aku oe, e puka loa @ oe no ka lanai paina, a hookomo @owaho, e kuhi ana i na keiki ku@ne, i na ono au i makemake ai, hiki i ka holo ana o Hanale in Keoni Bulu, a haalele oe i ka la@ paina, aia he mau opio u'i a @ ma ka hookani pila, i kapaia @ keiki hookani pila a Jones.

            Aia ke kani hone mai la ka bana na keiki Pukiki o Hanamaulu ame Kapaa, me ko lakou mau aahu like ke keokeo mailuna alalo. a he @ a maikai ka lakou mau leo o @ hookani ana mai, e hauoli ai @ pepeiao i ka hoolohe aku.

            Hiki mai ka Elele Hanohano Hou. @ H. Wise, me kona mau hoahele, ka holo pu ana mai, ka Hon. @ C. Lane, ka Makai Kiekie o @ Teritore, ka loea kalaiaina kuliu @ mau la, ame ka Hon S. L@ ke kakaolelo kaulana o keia @ e hele nei, a wahi a na @ka "Silver Tongue" ka pu@ o keia mau la @ @ nei, ame Andrew Brigth, kekahi o naloea ma ka haiolelo kalaiaina, a haiolelo pili i ko kakou mau kupuna elike me ko kakou mau kupuna i hala oia na mamo alii. I ka Ahu ka Mahi, ka Palena ame ka Luahine.

            O keia mau kupuna o kakou, eia no i keia la ka lakou mau pukana a pee mai nei o ikeia ae, ame Mrs. Julia Desha ame kekahi keonimana okoa iho.

            Ia lakou e paina ana, aia kekahi poe e pii ana i ka Tip Top, kahi e haiolelo akea ai ua keanomana elele nei a kakou, me kona mau hoahele, a me ka hora 8 p.m., ua akoakoa mai la na mea apau e hoolohe ana i ka haiolelo o ia po, mai ka elele a kona mau hoahele hanohano.

            Wehe ana i ka haiolelo, mai ke Senatoa mai ia o Maui, ke kaeaea o ke kuahiwi o Haleakala, ka Hon. Harold Rice, wahi ana, kokua nui oia ia John II. Wise e lilo i elele na kakou i Wakinekona, ua kaapuniia eia o Maui, Lanai ame Molokai, no kona makemake e lilo o Wise, e elele na kakou i Wakinekona, a mamuli o kona ike pono i na hana wiwoole a John H. Wise, ia lakou i Wakinekona, nolaila, e koho like kakou iaia i ka@ la 7 ae o Novemaba.

            Ua hoolauna mai ka lupahoomalu H. @. Wishard is S. L. Desha, a ma ka olelo Hawaii kana haiolelo ana mai, he moakaka e lohe pono ai oe i kana mau olelo, e pili ana i ke kauoha hope a ke Keikialii iaia no John H. Wise, o ia wale no ka mea kupono e lawe i keia kulana a'u e paa nai, @ na makahiki he 20.

            Nolaila; au e hoike i kuu manaoio oia wale no ka mea kupono e pani ma kuu makalua, eia nae, o waiho mai ana ke Alii, a kauohe mai nei ia John H. Wise, e holo oe i Hilo, o ia ka olelo nou, ku koke no o Wise a holo no Hilo, i ka moana aku loaa ka lono make o ke Alii, a hui pu me Steven a uwe apau ka uwe ana, kamailio laua no na olelo a ke Alii no ua o Mr. John H. Wise, me kona koi mai i ka lehulehu e koho ia Mr. Wise, a i ole ia ia Mr. Jarrett. He nui aku no na mea maikai ana i kamailio mai, ua paa ole aku.

            Ku mai ia loea noeau, oia ka Hon. John C. Lane, kana kalele nui ma kana haiolelo, e hooia ana i ko John H. Wise, kupono maoli i ke kulana elele, mamua o kona hoa paonioni Mr. Jarrett, he nui aku no kana mau olelo i kamailio mai ai, me ke koi mai i ka lehulehu, mai poina i ke koho ia Mr. John H. Wise, i elele nau i Wakinekona.

            Ma ka olelo haole kana i hoopakika mai ai, ma ke kamailio ana, he lohe pono hoi kau o ka haole, alaila, ku mai ka Moho Elele a kakou, me kana mau olelo hoolauna i ka lehulehu, me ka haawi ana mai i ke aloha i ka lehulehu, na lede ame na keonimana.

            Ua hele mai nei au imua o oukou e noi aku i ko oukou mau baloka, e haawi mai no'u ma ka la 7 o Novemaba e hiki mai ana, aole a'u olelo hoino no Mr. Jarrett, ua makemake au e nana mai oukou, e ou mau haku makaainana e nana pono mai ia maua elua e holo nei, owai la o maua a elua kau i kaupaona ai, i ke kupono, ame ka hiki pono ke hana, a lawelawe i keia hana nui, a ko kakou. Elele Alii i lawelawe ai no na makahiki he 20 a moe aku la.

            O ka hana a'u e hooia aku nei ua hiki ia'u ke hana a lawelawe, ke koho mai oukou ia'u i elele, a i mea nana e nana ko kakou mau pono mao, a oiai; ua kamaaina au i na kanaka kaulana a hanohano malaila, a ua hiki ia'u ka makaala i ko kakou mau pono malaila, aole o'u hilahila i ka hooia aku imua o oukou apau ma keia po, ina oukou e koho ia'u ma ka la 7 o Novemaba a puka e elele, alaila; e hana no au me ka ikaika kupono e hiki ke hana no ko kakou mau pono, ame ko kakou holomua ma na olelo elua i kamailio mai ai i kela anaina nui i hiki mai e hoolohe i ka hana haiolelo o ia po.

            Mahope mai o ka haiolelo a ka elele, alaila; ua ku mai ka haiolelo hope loa o ia ahiahi oia o Mr. Andrew Bright, me kana mau nanenaue a oiaio no, a wahi ana, i kela au mamua, o ko kakou poe akamai i ke kiamanu mamua o ia ka hele ana e ki i na manu koloa, o kakou ma na kahawai a ma na halokolokowai, e lanaia ana e ka wai, aia he manu nui kekahi me keia puulumanu o ia ko lakou alakai, o ka inoa oia manu he "Moha", aole hiki keia mau manu ke lele, ke ole e lele keia "Moha", nolaila; hoopololei ke ki ana a ka mea ki manu i kana poka, a lu paha i keia manu alakai.

            Ina e ku mua ka manu Moha i ka pu, alaila; e ike ana oe i ka lele no o na manu e ae, a pohei iho maluna o keia manu e ae, a pohei iho malua o keia Moha, a pela ka mea kimanu e hana ai apau, ka puulu manu i ka make ia oe.

            Nolaila; eia ka kakou manu Moha, imua o kakou i keia po, ua nonoi aku nei i kau, ka'u, ka kaua ka kakou, ko oukou mau baloka, haawi ia iho i ka kakou Moho Elele i hiki kino mai la imua o oukou i keia po, a hookuula na hana o ia po. Oiai; ua hoohanohano mai ko makou mau moho lunamakaainana ma ko lakou noho pu @ mai, Hon. J. H. Coney, Hon. Hayseldon, Hon. S. W. Meheula, ame ko makou @ hoomalu H. D. Wishard, a hookuu na hana, oiai nae, ko makou S@natoa Hon Charles A. Rice, ua paa loa i na hana paina o na makua ma Hale Nani, a pepe iho la kaao.

 

HOOLAHA KUAI O KA AINA AUPUNI MA HANAPEPE, KAUAI.

 

            Ma keia ke haawiia aku nei ka hoolaha akea, ma ka hora 1 p.m., Poalima, Novemaba 24, 1922, ma ka puka mamua o ka Hale Aupuni Kalana, Lihue, Kauai, malaila e kuaiia aku ai ma ke kudala akea, i ka mea koho kiekie loa, malalo o na manao o ka Pauku 73 o ka Kanawai Kumu o Hawaii ame ka Pauku 358 o na Kanawai Hooponopono Hou ia o Hawaii o 1915, no ka hana uwi waiu, kela mahele o ke Awawa o Kapahili, ma ka aina o Hanapepe, e holo ana ma ka akau mai ke Alanui Awawa aku a i ka palena o Makaweli Hanapepe nona ka iliaina o 34.70 eka, oi aku a emi mai paha.

            E kaa no ke kuai o ka aina i oleloia malalo o keia mau kulana ma hope ae nei: (1) Kumukuai haahaa, $2,602.50. (2) Aelike, kuike ma ka haule ana o ka hamare. (3) Na ka mea e lilo ai e uku i na lilo o ka hoolaha ana mahope iho o ke kuai. (4) E pono e makaainana ka mea e lilo ai no Amerika Huipuia, a i ole ua kukala ae i kona manao o lilo i makaainana.

            O ka palapala sila e hoopukaia aku ana, he mea pono e hoohana wale ia @ no na hana uwi waiu, iloko o na makahiki mua he umi, mai ka la aku o ke kuai, a in a e hoohana ole ana ka mea e lilo ai i ka aina i oleloia, no na hana uwi waiu, ma kekahi manawa iloko o ka wa i oleloia, e lilo no ke kuleana e pili ana ilaila i mea ole, a e hoi hou ka aina a e lilo i ko Teriana i pili i keia aina, e komo maloko olaila keia mau kulana: (a) O ka aina e kuai hooliloia tore o Hawaii. (b) Ke hookoe nei ke Teritore a ke hookaokoa nei mai ka aina e hooliloia ana i ke Kahawai o Kapahili, ame na wai liilii ame na pono e ae iloko a i ke kahawai i oleloia, a i kekahi kahawai e ae e moe ana a e kahe ana ma ka aina i oleloia. © Ke hookoe nei ke Teritore i ka pono iloko on a iho, a e haawi aku i ka poe okoa, i ka pono ame ke kuleana o ka a'e ame ka hoohana ana i ka aina e hooliloia ana, me a no na hawai, na laina paipuwai, laina uwila, na alanui, na auwai ame na pono alahele ame na hoohana ana e ikeia ana ke kupono. O ka pono ma ka aoao o ke Terotore ame ka poe ia lakou e haawiia aku ai ke kuleana e a'e ma ka aina i oleloia, e hoohanaia no ia ma ke ano, e hoopilikia ole aku ai i ka mea e lilo ai, ma ka hoohana kaokoa ana i ka aina i oleloia.

            Eia ke kii o keia aina ke waiho nei ma kahi waiho palapala aina, a e ikeia no ma ke keena o ka Hope Akena Aina ma Lihue, Kauai, a i ole ma ke keena o ke Komisina o na Aina Aupuni, Hale Kapitala, Honolulu, T. H.

            No ka hoakaka laula e noi ae ma ke keena o ke Koku Hope Akena Aina, Mr. J. M. Lydgate, Jr., Hale Aupuni Kalana, Lihue, Kauai, a i ole ma ke keena o ke Komisina o na Aina Aupuni, Hale Kapitala, Honolulu, T. H. C.T. Bailey, Komisina o na Aina Aupuni.

            Hanaia ma Honolulu T. H., Oct. 19,1922.

6527 Oct. 26; Nov 2.

 

HOOLAHA PAPA NANA KOHO BALOKA

 

            E noho ae ana ka Papa Hoopaa inoa o ka Poe Kupono i ke Koho Baloka, o na Apana Eha ame Elima, Mokupuni o Oahu, ma ke keena o ke Kakauolelo Kulanakauhale a Kalana, ma ka Hale Kapiolani, alanui Alakea, ma ka Poaono, Novemaba 4, ame ka Poapahi, Novemaba 6, mai ka hora 8:00 a.m. ahiki i ka hora 2:00 p.m. o kela mau la pakahi i oleloia, a ma ka Poalua, Novemaba 7, ma ia wahi hookahi no, mai ka hora 8:00 a.m., ahiki i ka hora 5:00 p.m.; no ka hoopololei ana i na inoa haule a mau hewa e ae paha e pili ana i ka papainuoa oihana o ke poe kupono i ke koho baloka.

            Honolulu, Oahu Oct 25, 1922.

            Sam F. Chillingworth, Lunahoomalu o ka Papa Hoopaainoa o ka Poe Kupono i ke Koho Baloka o na Apana 4 ame 5, Mokupuni o Oahu.

6527 Oct 26; Nov. 2

POI MAKEPONO.

SEE WO & CO.

1209 Alanui Liliha.

            Manawa Lawe Poi Poakahi, Poakolu ame Poalima no Kalihi. Poalua, Poaha ame Poaono no Waikiki me Kaimuki.

 

STATEMENT OF OWNERSHIP MANAGEMENT, CICULATION.

 

Nupepa Kuokoa, Weekly.

Editor, Solomon Hanohano.

Business Manager, C.S. Crane.

Publishers: The Advertiser Publishing Co., Ltd.

Owners: Stockholder holding 1 per cent or more of total amount of stock:

L.A. Thurston, Honolulu.

C.S. Crane, Honolulu.

Mrs. A. W. Pearson, Honolulu.

Edward Dekum, Honolulu.

G.L. Samson, Honolulu.

Bondholders, Mortgages and other security holders: None.

Averagt number of copies of each issue of this publication sold or distributed, through the mails or otherwise, to paid subscribers, during the six months proceedings the date of this statement 4631.

CHARLES S. CRANE, Manager.

Sworn and subscribed to before me this 3th day of Oc@. A.D. 1922.

D.S.K. PAHU, Notary Public for the First Circuit, Territory of Hawaii.

My commission expires June 30, 1923

 

HOOLAHA I KA POE PAA AIE

KA AAMANU AGRICULTURAL COMPANY, LIMITED.

 

            O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie, ame ka poe paa mahele o ka Aamanu Agricultural Company, Li@ited, he Hui Hawaii, i hoopauia ma ke kauoha a ka Puuku o ka Teritore o Hawaii, i hanaia i Okatoba 11, 1922, ma keia ke haawi aku nei i ka hoolaha ika poe paa aie apau, o ka hui i oleloia, no ka waiho ana mai i ka lakou mau koi, i ka mea nona ka inoa malalo iho nei, ma kona keena maloko o ka Hale Davies, Honolulu, iloko o 90 la, mai ka hoopuka mua ia ana aku o keia hoolaha. O na koi apau e waiho ole ia mai ana pela, e hoole mau loa ia aku no.

            Hanaia ma Honolulu, T.H., Okatoba 16, 1922.

H. EDMONDSON, Kahu no ka Poe Paa Aie ame ka Poe Paa Mahele o ka Aamanu Agricultural Compary, Limited.

2526-Oct. 19, 26; Nov. 2, 9, 16.

 

HOOLAHA I KA POE PAA AIE O KA PAAUILO AGRICULTURAL COMPANY, LIMITED.

 

            O ka mea nona ka inoa malalo iho, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o ka Paauilo Agricultural Companu, Limited, he Hui Hawaii, i hoopauia ma ke kauoha a ka Puuku o ka Teritore o Hawaii, i hanaia i Okatoba 11, 1922, ma keia ke haawi aku nei i ka hoolaha ika poe paa aie apau, o ka hui i oleloia, no ka waiho ana mai i ka lakou mau koi, i ka mea nona ka inoa malalo iho nei, ma kona keena maloko o ka Hale Davies, Honolulu, iloko o 90 la, mai ka hoopuka mua ia ana aku o keia hoolaha. O na koi apau e waiho ole ia mai ana pela, e hoole mau loa ia aku no.

            Hanaia ma Honolulu, T.H., Okatoba 16, 1922.

H. EDMONDSON, Kahu no ka Poe Paa Aie ame ka Poe Paa Mahele o ka Paauilo Agricultural Company, Limited.

2526-Oct. 19, 26; Nov. 2, 9, 16.

 

HOOLAHA I KA POE PAA AIE

O KE KUKAIAU PLANTATION COMPANY, LIMITED.

 

            O ka mea nona ka inoa malalo iho nei, H. EDMONDSON, oiai ua hookohu pono ia i Kahu no ka poe paa aie ame ka poe paa mahele o ke Kukaiau Plantation Company, Limited, he Hui Hawaii, i hoopauia ma ke kauoha a ka Puuku o ka Teritore o Hawaii, i hanaia i Okatoba 11, 1922, ma keia ke haawi aku nei i ka hoolaha, i ka poe paa aie apau o ka hui i oleloia, no ka waiho ana mai i ka lakou mau koi, i ka mea nona ka inoa malalo o ka Hale Davies, Honolulu, iloko o 90 la, mai ka hoopuka mua ia ana aku o keia hoolaha. O na koi apau e waiho ole ia mai ana pela, e hoole mau loa ia aku no.

            Hanaia ma Honolulu, T. H., Okatobe 16, 1922.

H. EDMONDSON, Kahu no ka Poe Paa Aie ame ka Poe Paa Mahele o ke Kukaiau Plantation Company, Limited.

2526-Oct. 19, 26; Nov. 2, 9, 16.

 

Ma ke Kauoha.

 

TERITORE O HAWAII.

Keena o ka Puuku, Honolulu, Oahu.

 

            Ma ka hana e hoopau ana i ka MAUI LAND COMPANY, LIMITED.

            OIAI, o ka MAUI LAND COMPANY, LIMITED, @ hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleoia, e pono e waiho mai i na ku-e ana no ka aeia aku o ka palapala noi i oleloia maloko i keia keena mamua ae o ka la 14 o Dekemaba, 1922, a o kela ame keia mea e makemake ana e hooloheia aku malunna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoia mai i ke kumu, ina he kumu kekahi i wahi e ae ole ia aku ai ka palapala noi i oleloia.

HENRY C. HAPAI, Puuku, Teritore o Hawaii.

Honlulu, Okatoba 3, 1922.

6524-Oct. 5, 12, 19, 26; Nov. 2, 9, 16, 23, 30; Dec. 7, 1922.

 

TERITORE O HAWAII

Keena o ka Puuku, Honolulu, Oahu.

 

            Ma ka hana e hoopau ana i ka MOTOR SUPPLY COMPANY, LIMITED.

            OIAI, o ka MOTOR SUPPLY COMPANY, LIMITED, he hui ia i kukuluia a e ku ana malalo a ma ka mana o na kanawai o ka Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui o oleloia, hui pu me kekahi palapala i hooiaioia i hoohui p@ ia me ia, elike me ia i koiia @ ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui o oliloia, e waino mai i na ku-e ana no ka aeia aku o ka palapala noi i oleloia maloko o keia keena mamua ae o ka la 23 o Dekemaba, 1922, a o kela ame keia mea e makemake ana e hooloheia ku maluna o ia mea, he pono e hoea kino ae ma ke keena o ka @ea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

HENRY C. HAPAI, Puuku Teritore o Hawaii.

Honlulu, Okatoba 16, 1922.

2526-Oct. 19, 26; Nov. 2, 9, 16, 23, 30; Dec. 7, 14, 21, 1922

 

Ma ke Kauoha.

 

TERITORE O HAWAII.

Keena o ka Puuku, Honolulu, Oahu.

 

            Ma ka hana e hoopau ana i ke KANEOHE RICE MILL COM@.

            OIAI, @ ke KANEOHE RICE MILL COMPANY, LIMITED, he hui ia i kukuluia a e ku ana malalo a me ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 20 o Novemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa lalalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai ke kumu, ina he kumu kekahi i wahi e ae ole ia aku ai ka palapala noi i oleloia.

HENRY C. HAPAI, Puuku, Teritore o Hawaii.

Honolulu, Okatoba 3, 1922.

6524-Oct. 5, 12, 19, 26; Nov. 2, 9, 16, 23, 30; Dec. 7, 1922.

 

TERITORE O HAWAII.

Keena o ka Puuku, Honolulu, Oahu.

 

            Ma ka hana e hoopau ana i ka HONOMAELE AGRICULTURAL COMPANY, LIMITED.

            OIAI, o ka HONOMAELE AGRICULTURAL COMPANY, LIMITED, he hui ia i kukuluia a e ku ana malalo a ma ka mana o na kanawai o ka Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana, mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 4 o Novemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

A. LEWIS, JR., Puuku, Teritore o Hawaii.

Honolulu, Augate 24, 1922.

6519- Aug. 31; Sept. 7, 14, 21, 28; Oct. 5, 12, 19, 26; Nov. 2, 1922.

 

TERITORE O HAWAII.

Keena o ka Puuku, Honolulu, Oahu.

 

            Ma ka hana ehoopau ana i ka HANEOO AGRICULTURAL COMPANY, LIMITED.

            OIAI, o ka HANEOO AGRICULTURAL COMPANY, LIMITED, he hui ia i kukuluia a e ku ana malalo a ma ka mana o na kanawai o ka Teritore o Hawaii, i kulike ai me ke kanawai i hookaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai.

            NOLAILA, ma keia ke haawiia aku nei ka hoolaha i kekahi mea, a no kaeaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na kue ana no ka aeia aku o ka palapala noi i oleloia maloko o keia keena mamua ae o ka la 4 o Novemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, in a he kumu kekahi i wahi e ae ole ia aku ai ka palapala noi i oleloia.

A. LEWIS, JR., Puuku, Teritore o Hawaii.

Honolulu, Augate 24, 1922.

6519-Aug. 31; Sept. 7, 14, 21, 28; Oct. 5, 12, 19, 26; Nov. 2, 1922.

 

T.O. MURATA

FURNITURE STORE

(Na noho hoolimalima me lako pa maanei.)

Na Lako Hale Hou me Kahiko.

Hoolimalima me Kuai Hoolilo.

715 Alanui Hema, Honolulu, T.H.

Kelepona 1695.

 

CITY MILL CO.

KEKAHI O NA HUI KAHIKO LOA MA HONOLULU NEI.

Poe kuai Papa, Pilihale, na lako Paipu, na laau Puka Aniani me Panipuka, la@o Pili Hao; na mea no apau no ka home ma ke kumukuai oluolu loa.

Kukulu makou i na hale ma ka uku @ ana, me na hookaa liilii.

O KA OI LOA AKU NO KA POE HOOKUONOONO.

Mai Poina---Hele Mai Ia Makou

Kihi o na Alanui Moiwahine me Kekaulike. Honolulu, T.H.

 

Honolulu Planing Mill,

LIMITED.

POE HANA I NA PUKA LAAU ANIANI, LAAU HALE, OLEPELEPE, MOLINA, WAHI KAU.

ALANUI PAPU, ESPLANADE

 

He Pahuolelo Victrola Anei Kau ma ka Home?

Ke kuai nei makou i na ano like ole o keia ma@ @ini mai ka $25 a pii aku.

Maanei e loaa ai na Papa Leo Mele hou, na Mele Olelo ame na Pepa Leo Mele.

Ma ke ano nui, NOU MAKOU MA NA MEA PILI MELE.

Hawaii Sales Co., Ltd.

Nuuanu, kokoke i ke Alanui Moi.

 

Keena Hawaii no na Lako Hana Mahiko

Hapuku Kila Oliver Chilled ame na Palau

Na Katapila Cleveland

Na Katapila Fordson

Na Kaa Kalaka White

Na Kaa Kalaka Federal

Na Kaa Kalaka Ford Na Hana Pili Amala

HANA I NA KINO O NA KAA UKANA ME KALAKA ME KA HANA HOU ANA

Schuman Carriage Co., Ltd.

Na Paionia o na Hana Halihali o Hawaii nei

 

KA VICTROLA

Ka Meakani Mele Kilakila he meakani e pono e loaa ma kou home. Kauoha mai i na buke hoakaka o na Pahuolelo ame na Papa Leo Mele.

NA PIANO PAANI

NA ROLA PAANI

NA PEPA MELE HOU

NA PILA AHA

âme na mea apau pili i na mele.

Bergstrom Music Co.

1020 Alanui Papu Honolulu

 

HALE UWI WAIU o MAPULEHU

PUKOO, MOLOKAI

E Hooholo Ana i ka MOKUKUNA GESOLINA

LELEIONA

Mawaena o na Awa o Honolulu me Molokai

Geo. P. Cooke, ONA.

Poe Lawe Hau me Waiu

 

He Apana Aina a he Home Anei Kekahi Ou, i Makemake Ai e Hoolilo no Kekahi Kumukuai Kupono?

E HAAWI MAI NA'U E KUAI HOOLILO NOU.

He nui ka po@ haawi mai i ka lakou kauoha ia'u no ka makemake i home no lakou, a oia lakou ke kali nei.

FRED K. MAKINO

Kelepona 30@2.

Keena Pa'i o ka Hawaii Hochi Alanui Moiwahine.

Mawaena o na Alanui Kaahumanu me Nuuanu.

 

Kakela & Kuke

(KAUPALENAIA)

Poe Kalepa ma ke Komisina

A HE

Poe Agena no na Mahiko Lehulehu

 

PAPA NA LAKO KUKULU HALE

No ka hoahu ana i kou wai ma na Pahu Wai Papa Ulaula o 5000 a 10000 Galani.

E hoolakoia aku no na kumukuai ame na hoakaka ia oe ke noi mai.

ALLEN & ROBINSON, LTD.

HONOLULU, T.H.

 

Nupepa Kuokoa

No ka makahiki (one year)…$2.50 O na Dala ame na Hoolaha apau e hoouna pololei mai i ka ADVERTISER PUBLISHING CO., LTD. wale no, P.O. Box 3110, Honolulu, T.H.

217 Alanui Moi, ma Waikiki o ke Alanui Alakea; ka Nupepa Advertiser.

Entered at the Post Office at Honolulu, T.H., as Second Class Matter.

SOLOMON HANOHANO, Lunahooponopono.

CHARLES S. CRANE, Luna Nui.