Ka Nupepa Kuokoa, Volume LXI, Number 44, 2 November 1922 — HE HOOHENO NO JOHN WISE. [ARTICLE]

HE HOOHENO NO JOHN WISE.

He lei lanakila no Keoni Waika, I moho elele i Wakinekona. Ua kohoia oe e ka lehulehu, I makua hoi oe no ka lahui. E hana i ka hana me ke kaulike, I ola na pua a o Hawaii. Ko lei ia e lei mau ai, A kau i ko ao malamalama. Hainaia mai ana ka puana, Keoni Waika e ka moho ola Hawaii. E o mai oe i kou inoa, Ka elele lanakila i Wakinekona. Hakuia e MRS. MARY K. HEANU, E hoomanawanui mai no e na makamaka no na palapala i hoouna ia mai i keia keena, a loaa kahi kaawale o ka nupepa.