Ka Nupepa Kuokoa, Volume LXI, Number 44, 2 November 1922 — HE MELE NO JOHN WISE. [ARTICLE]

HE MELE NO JOHN WISE.

A he ohohia nui no Keoni Waika, Ka elele hiwahiwa a ka lahui, Hui like mai kakou, E koho me ka lokahi, Hookahi mea nui i anoiia, O ka pono kaulike o ka lehulehu, Mai Hawaii o Keawe, A Kauai o Mano, Ua kini ua mano kou aloha, Maluna hoi a o kou lahui, A he sure maoli no, Pela io no hoi. Kiina ko lei i Wakinekona, A ka manu aeko e hii mai nei, Nau hoi la e lei, No ka nani a o Hawaii, Eia makou mahope ou, Ahiki aku i ka lanakila ana, Goodie idea kela, Lokahi like na puuwai apau. Hainaia mai ana na puana, A o oe ka makou i anoi ai, John Wise no ka elele, Feelah goodie kahi manao. ILIHIA CLUB, Kalaupapa, Molokai.