Ka Nupepa Kuokoa, Volume LXI, Number 45, 9 November 1922 — KA HOPENA O KE KOHO ELELE [ARTICLE]

KA HOPENA O KE KOHO ELELE

L'a hoea mai kakou, i ka hopena o ka paio hahana, i hoo:kaia. maluna o kc kulana elele lahui i Wakinekona, mamuli o ke kohoia ana o William P. Jarrett i elele lahui mai Hawaii aku nei i Wakinekona, ma ka Poalua aku la i hala, a haule hoi r» Tohn H. W'i?c. Oiai nae, ua kakoo aku ke Kuokoa ia John H. Wise mair.uh o kona kupono, aka i kona lanakila ole ana maluna o Mr, Tarrett. ma ka pahu balota, ke haawi aku nei keia pepa i na !joomaikai kiekie ana ia Mr. Jarrett, no kona hapaiia ana ae e ka hapanui o na mana koho o keia Teritore ma kekahi kulana ano nui loa iloko o ko kakou hookele aupuni kuloko ana. He mea oiaio, o ka lanakila i loaa ia W. P. Jarrett ma ka Poalua aku la i hala. he lanakila ia i haawiia aku iaia e na Repuhalika. malalo o na kumu i maopopo ole i keia pepa, koe wale no ke kiola ana i ka lakou moho ponoi iho, a haawi aku ]a i ko lakou mau haloka i"a Mr. W. P. Jarrett. Aia no he mau kumu hoohuoi ma ka aoao o keia pepa, no ka mea a na Repubalika i hana aku ai, ma ke koho baloka o na elele, o ia no ka pau ole o na kawelewele kalaiaina, o ke kau koho wae moho aku nei i hala, mawaena o na Repubalika iho; aka nae he mea makehewa wale no ka uwe ana iho iloko o keia manawa i ka waiu i hanini. aka e nana aku kakou i ka nee ana o ke au o ka manawa, a e haawiia hoi na kakoo ana apau, ia W. P. Jarrett, ka mea a ka hapanui i koho aku ai i elele na Hawaii nei i Wakinekona. O ka ninau no ke kanaka kupono i elele i W akinekona mai Hawaii aku nei, he ninau ia i ili aku ai maluna o na mana koho ka hooholo ana, nolaila o ka makemake o ka hapanui ka kakou e nana aku ai, aole o ko ka poe kakaikahi. He haawina a'o maikai loa nae keia no na alakai o ka aoao Repubalika. e ike iho ai lakou, aia wale no ka poe ko'iko'i a kuonoono iloko nei o ka aina a ku mai iwaho, me ka hooikaika ana i ka lanakila o na moho Rcpubalika apau, alaila hiki i ka elele Repubalika ke lanakila. L"a lilo keia kohoia ana o W. P: Jarrett i mea hookahaha aku, aole wale no i ka manao o na Demokarata, aka o na Repuhalika pu no kekahi: ma keia ano nae i lilo ai ko W. P. Jar-

rett mau ano ame kana mau hana o ka wa i hala i kumu kokua nui aku no kona lanakila ma ka pahu haloka. Ma ka manawa a na Repubalika i kukulu mai ai ia H. A. Baldwin, i moho elele lahui, ua haawi aku na Repubalika ko'iko'i iloko nei o ka aina, i na kakou piha ana iaia, o ka hopena i ikeia, o ia no kona kohoia ana, me kekahi heluna baloka kiekie loa. i ike mua ole ia, ma ka moolelo o ke koho elele lahui ma Hawaii nei; he hoike oiaio loa keia, no ka huliamahi ana o na Repubalika apau e koho iaia. ka mea Jioi i ike ole ia ma ke koho baloka o ka Poalua nei. i ka wa i lilo ai o John H. Wise i moho na ka aoao Repubalika*. Ua hanini aku la nae ka waiu ; ua hoea mai la hoi kakou, i ka hopena o ka paio no ke kulana elele lahui, o ka hana naauao ma ka aoao o ko kakou mau alakai kalaiaina kuloko, o ia no ke kapae ana ae i na manao maikai ole apau, a kokua aku. ma na aiahele apau. no ka holopono o na hana a ka Elele W. P. jarrctt ma Wakinekona, no ka pono o Hawaii nei. Aole he mea a ke Kuokoa nei e mihi ai, no kona kahua i ka ai maluna o ka ninau elele. iloko o ka hoouka kalaiaina i hala aku la. a i ka lanakila ole ana o kana moho i kakoo aku ai, ke lawe mai nei ia i kona haulehia, me na manao maikai, me na kalokalo ana hoi, no ka ukaliia o na hana a ko kakou elele lahui hou me ka holomua.