Ka Nupepa Kuokoa, Volume LXI, Number 45, 9 November 1922 — KE KUPANAHA O KE KOHO ANA A NA MANA KOHO [ARTICLE]

KE KUPANAHA O KE KOHO ANA A NA MANA KOHO

Ma ka Mokupuni o Oahu nei. he keu āku ke kupaianaha 0 ke koho ana a na mana koho. o ia ka ikaika o na mohō apau ka aoao Repubalika. no ka ahaolelo kuloko, a nawaliwali lo» hoi ka moho elele lahui no Wakinekona. Ua ikeia keia ma na mahele i noho mana ia e na Demokarata ame na mahele i noho mana ia e na Repubalika; ua haawi aku na Demokarata i kekahi mahele nui o ko lakou mau haloka, i na moho o ka aoao Repubalika; a hui pu iho hoi me ke koho pololei o na Repubalika. i ka lakou mau moho iho, ua hiki ole i na moho Demokarata ke lanakila maluna o na moho Repubalika. 0 ka loaa ana o ka lanakila i na moho Repubalika o ka apana elima. no ka hale o na lunamakaainana, aole. ia mamuli n ka ikaika o aoao kalaiaina, aka mamuli o ko laua kokuaia ana mai, e kekahi mahele nui o na Rcpubalika; nolaila he kupaianaha keia o ke ano o ke koho ana o na mana koho, 1 ka lakou mau moho. 1 ka nana aku. ua like ole ka noonoo o na mana koho, no ke kulana elele lahui i Wakinekona, ame ke kulana o ko kakou ahaolelo kuloko; ina i makee na Repubalika, a pela me na Demokarata i kela mau kulana a elua, ua maopopo loa e like ana ka ikaika huki i na moho, aole nae pela ka mea i ikeia, ma ka moho elele i Wakinekona, ua komo aku na Repubalika, e kokua i ka lanakila o ka moho Demokarata, a i na moho Repubalika hoi, no ka ahaolelo kuloko, ua komo mai na mana koho Dcmokarata e koho i na moho Repubalika. O keia iho la no nae ke ano o ke kalaiaina, e lanakila ana kekahi aoao, a e haule ana kekahi aoao, elike no me na hana paonioni apau; nolaila e hoao kakou e hoopoina i na mea i hala aku la. a e nana aku i ka hana, a ka poe a kakou, i hoolilo sku la i poe kauwa na ka lehulehu.