Ka Nupepa Kuokoa, Volume LXI, Number 45, 9 November 1922 — WAAWAA KE POO O KEKAHI PAKE I KA WA I HAKAKA AI. [ARTICLE]

WAAWAA KE POO O KEKAHI PAKE I KA WA I HAKAKA AI.

No ka lili o Chin Tin ia Lau Long he mau Pake holoi lole, ua ala ae he hakaka mawaena o laua maluna o ka Mokuahi Matsonia n 0 ka hope o ia hakaka ana oia 'ka waawaa ana o ke poo o Lau Long. Ma ka hora 8:30 o ke kakahiaka Poalua nei kela hakaka ana. Ua laweia ae o Lau Long i ka halema'i Moiwahine a o Chin Tiu hoi i ka halepaahao. Ma ke kakahiaka Poalua nei ua pii like aku la keia mau Pake no: Inna o ka Mokuahi Matsonia no ke kii ana i na lole lepo o na kanaka hana o ka moku no ka lawe ana ae 1 ko laua mau hale holoi no ka holoi ana. Ia laua malūna o ka Matsonia ua pau loa na kanaka ia Lau Long a ua piha loa o Chin Yin i ka huhu no kona nele ana, a i mea e Hookoia ai kona maiiao Hli ttft ku'i mai la oia ia Lau Long a hina o Lau Long a pa kona poo i ka peleki hao, a moku ka ilipoo a kaheawai mai ke koko. Ua laweia ae ka mea i eha i ka Halema'i Moiwahine, a i kona nanaia ana e ke kauka i ikeia ai ua waawaa kona poo a he kulana kuhaiki loa kona. Ua paaia o Chin Tin ma ka halepaahao no ke kali ana aku no ko Lau Long hopena.