Ka Nupepa Kuokoa, Volume LXI, Number 46, 16 November 1922 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEPA KUOKOA HONOLULU, T. H.   POAHA, NOVEMABA 16. 1922.

 

He Moolelo no

NA PUUWAI ELUA

A I OLE

Ka Hewa o ka Wahine---He Moolelo i Owiliia me na Haawina Hoopihoihoi Noonoo o ke Au o ka Manawa

 

MOKUNA XLI.

            E hoihoi hou aku ka meakakau ia oe e kuu makamaka heluhelu ihope. he elua la mahope iho o ka haalele ana aku o Mrs. M@@ure ame Ela, i ko laua wahi hoolimalima, a hoi mai ai no @ @@kele pili kahakai.

            E nanea ana no o Kauka Mudoka maloko o kona home, ua @oo@@ikileleia kona nonoo, i ka wa i oili aku ai o kana kauwa me kekahi pepa inoa e paa ana iloko o kona lima, a haawi mai la i ka ninau ana mai.

            "Owai ka mea nanai haawi mai nei i keia pepa inoa ia oe?"  wahi ana me ka hele a kunahihi kona helehelena.

            "Na kekahi keonimana opio, aia oia maloko o ke keena hookipa i keia manawa," wahi a ke kauwa.

            "E hoike aku oe iaia, e kakali malie ahiki i ko‘u hoea ana aku no ka halawai pu ana me ia."

            I kela hala ana aku o ke kauwa, nana hou iho la o Kauka i i ka pepa inoa. e kau ana ka inoa o Kapena Ivana, i kakauia me ka penikala. a o ia kana i namunamu iho ai:

            "O e na Lani, ua pili ka hewa karaima ia‘u, a ua nana iho @@ i ko‘u ano he kanaka hana karaima ekaeka loa.  Ea, ua haahea au no ko‘u an imua o na kanaka apau no ko‘u mau ano hoopono ua hiki ia‘u ke ku aku imua o ke ao holookoa ma ke ano he kanaka maemae, i keia manawa nae, ke ike nei au, @a pili loa kekahi hewa nui loa ia‘u.

            "Heaha na ka‘u hewa nui i hana aku ai i keia kanaka, no-na ka inoa a‘u e heluhelu nei? Eia no, ua kaili mai ap ia Ela mai kela kanaka mai, a ke hoohiki paa nei au, aole loa e lilo aku kela kaikamahine opio i wahine nana, ahiki i kona lilo mua ana mai na‘u."

            Mahope iho o kona hoao ana e hoomalielie i kona mau mamo ulul-ku. a iaia no paha ka ike, ua akakuu mai kona ano pihoihoi. oili aku la iwaho o ka rumi hookipa, aia hoi o Kapena Leonada ke holoholo la iloko o kela rumi, e hoike okoa mai ana kona mau ano i ka piha me ka nauki, a i ka halawai ana ae o ka ike a na kanaka elua kekahi no kekahi, ia wa i kaa mua aku ai ma ka aoao o Kauka Mudoka ke kamailio ana:

            "O ke aloha kakahiaka no kou e kapena Ivana!"" wahi ana me ka hoomohala ana aku i kona lima imua.  Ua lilo keia kipa ana mai nei ou no ko‘u home nei, i mea hookahaha loa mai i ko‘u manao."

            Hopu  ai la o Kapena Leonada i ka lima o ke kauka opio, me ka hoohuoi ole iloko on a, he lima kela no kekahi kanaka kumakaia. a pane mai la me ka hoihoi:

            "Ua hoi hou mai ka noonoo maikai iloko o‘u, a iloko o na la elua ma keia hope aku, ke manao nei au, e kaawale loa aku ana ka pilikia i loaa i kuu poo no ka mea, ua hiki loa ia‘u ke hoomaopopo i na mea apau.

            "I hoea kino mai la au, no ka haawi ana aku ia oe, i na malalo kiekie ana no keia pomaikai nui i loaa ia‘u, mamuli o kou akamai ame kau malama maikai ana ia‘u, aole nae no kela kumu wale no, aka no ke kukakuka pu ana me oe no kekahi hana ano nui loa.

            "O kela lede i maule ai maloko o ka paka, mamuli o ka‘u mau hana hohaahaa iaia, aole ia he lede okoa ae, aka o kuu wahine hoopalau no ia, o Ela Mebure.  O. aole e hiki ia‘u ke hoakaka aku ia oe, i ka nui ehaeha maoli o ko‘u noonoo, ke hoomaopopo ae, i ke ano o ka‘u mea i hana aku ai nona!  Heaha la kana mea i kapa mai ai ia‘u?  Ua loaa ia‘u ka ike no kona wahi i noho ai, ua hoea au no ko laua hale, aole nae @@ua maloko o kela hale, aka ua hala aku no kekahi wahi i @aopopo ole.

            Ua hoea kino au imua o ka Hui o Kapa & Kalima, ka hui i lilo ai kona kaikunane i hoahui, aole no he mea i maopopo @ kela hui.  Ua lohe nui au i na moolelo hoohilahila, no na kona i lawelaweia e kona makuakane, pela hoi ka holomua o @a lua gula a kona makuakane i keia manawa.  Ua lohe pu @@ i na mea e pili ana ia Keaka Mebure kona kaikunane i na@@wale. me ka paa o kuu manao, ua pepehi maoli ia oia; aka pae, aole loa e loaa ia‘u ka maha, ahiki i kuu noii pono ana aku, i na mea pohihihi epili ana i kona nalowale ana; o ka mua nae, he mea pono e loaa ia‘u, kahi o kuu Ela e noho mai nei.

            "Ma ke ano he mau hoaloha kawa, ke ninau aku nei au ia oe o Kauka Mudoka, e hiki ana anei ia oe ke kokua mai ia“u?  @na ua hoi pono mai ko‘u noonoo maikai apau, aole a‘u kauka‘i ma aku maluna ou; nolaila heaha kau pane ma kou aoao e @a hoaloha.?"

            Aia  o Kauka Mudoka ke hoolalau wale la no, mamuli o @@na ike maoli oho, i kona loaa pono, no kona pili i ka hewa, @@ o ka hoao ana e kaili mai ia Ela mai ka lilo ana aku i wa@@me mare na Kapena Leonada.  aka nae i wahi e loaa ole aku @@ he manao hoohuoi ia Kapena Leonada no kona mau ano, pane aku la oia:

            "Ua hookahaha loa mai oe i ko‘u manao, a oi aku mamua @ ka mea hiki ia‘u ke hoike aku imua ou.  Aole loa i kupono kou hele ana mai nei, me kou ano pihoihoi, oiai, in a aole oe oe makaala loa, e hoea mai ana kekahi hopena, i oi aku ka poino @ ko ka pilikia mua i kau mai maluna ou.  O ka‘u oleloa‘o wale no ia oe, o ia kou hoi pololei ana no kou mau rumi hoolimalima, a waiho mai i na mea apau iloko o ko‘u lima."

            "Ea aole he maopopo ia‘u, o kou kumu e kauoha mai nei @@u e hoi no ko‘u mau rumi, oiai aole he pilikia i koe o kuu @@@"

            "Owau ka i ike, i ka mea oi aku o ka pono nou, a ma ko‘u @@o owau kou kauka, he mea pono ia oe ke hoolohe i na a‘o @@ apau mai ia‘u aku.  Ina aole oe e hoolohe mai ana alaila @ ka hopena e kau mai ana maluna ou, o ia no kou loohia i ka ma‘i pupule.  He oiaio, ua hoi mai kou noonoo maikai i keia manawa, ina nae aole e malama akahele loa ia kou ano, @auhee loa aku ana kela ano maikai o ka noonoo, a pahola mai ka pouli, e hiki ole ai ia oe ke hoomaopopo i kekahi mea.

            "Ua lokahi ko‘u manao me kou e Kapena Leonada, aka e waiho mai nae oe i na hana apau iloko no hoi o o ka lima, na‘u e hookomo aku i na hoolaha maloko o na nupepa apau, no kahi o noho nei o Miss Mebure, a iloko no hoi o ia manawa hookahi e waihoia aku ka huli ana i ka lede opio, iloko o ka lima, o ka makaikiu au i hoolimalima ai; aka ma kou aoao, e hoi @@@@ kou mau rumi, me ka hoomaha ana ahiki i ke auhee @a ana aku o ka pouli mai kou noonoo aku."

            I ka hooki ana iho o ke kamailio ana mai a Kauka Mudoka i kela mau olelo hookani aku la oia i ka bele me ka ikaika, no ke kahea ana i kana kauwa, a i ka oili ana mai o ke kauwa, pane aku la oia:

            "E hele aku oe e kii i kekahi kaa, no ka hoihoi ana aku i keia @@@imana no kona wahi," alaila huli mai la ua kauka nei imua o Kapena leonada, a hoomau mai la i kana kamilio ana:

            "E huikala mai oe ia‘u, no ko‘u ano pihoihoi, o ke kumu no @a ua makee loa au i ko‘u inoa maikai.  He kanaka opio au, i kaulana ma ka‘u oihana a ke kau mai nei na maka o ka lehuleka maluna o‘u, no ka holopono mau o ka‘u mau lapaau ana ma na ma‘i kupilikii, no keia kumu i ake loa ai au, e hoi oe no kou mau rumi, a e hoolohe loa hoi oe i ka‘u mau kauoha apau.  Owau pu kekahi e hele aku ana me oe, a aia no ka maha o kuu noonoo, a ike aku i kou hiamoe me ka maikai, a mahope auanei o kou ala ana mai ka hiamoe mai, e ike ana oe, i ke auhee loa aku o na hoopoluluhi ana i kou noonoo."

            E hoao mai ana nae o Kapena Leonada e hoopuka i kekahi mau mea ana i makemake ai, ua hikaka aku la oia, a noho iho la ilalo maluna o kekahi noho, a ike iho la oia, aole he hana pono e ae ma kona aoaoa, o ka hoolohe wale mai no i na a‘o ana a ke kauka opio, oiai ke ike la oia, i ke poniuniuu mai o kona poo.

            "Ua hoouna aku nei au ia Mr. Ropa e hele no ka Hokele Kuini, no ke kii ana i ko‘u paiki, a‘u i waiho ai malaila," i pane mai ai o Kapena Leonada, mahope o kona noho malie ana no kekahi mau sekona.

            "Ke hoomanao nei au, i ko‘u hoike ana aku ia oe, o Mrs. Mebure ame kana kaikamahine pu kekahi me a‘u i hoea aku no kela hokele.  Ke hoomanao nei no au i ko‘u haawi hope ana aku i ke aloha ia lawa, ma kekahi la mai, ka la a‘u i holo aku ai no Biere; nolaila e kakali maile kaua ahikik i ka hoi ana mai o Rope, mailia o lohe mai kaua i kekahi meahou e hoolanaia ai ka manao.

            "Aole au i hoike mua aku ia oe, i ke kumu o ka loaa ana o ka eha i kuu poo, o ka mea oiaio ea, aole ia ma kekahi ulia, a ua hiki loa ia‘u ke ike aku i na hiona maopopo loa, e kau mai nei imua o‘u, no ke ano i loaa ai ka poino ia‘u.  

            "Ua hele aku au e hui kino me Miss Kalani; a ua hoolohe aku au i kona mau manao hoakaka, no ko‘u huna i ko‘u hoea ana mai no Enelani nei, ahikik i ka hookoia ana o ka mare mawaena on a ame ka Haku Fanadale.  Me ko‘u hoohuoi ole aku i ka iini ame ka makemake maoki o kela wahine, ua ae aku la au i kona manao, no ka mea ua kulike no ia me ka‘u i noonoo mua ai no‘u iho. 

            " Hoaalele aku la au iaia, me ka manao e huli hoi mai no Ladana nei, aka nae, ma kekahi ulia pomaikai, ua loaa mai la kekahi ike ia‘u, no ka hoea mua ana aku o Mebure kuu hoaloha, a halawai pu me kela wahine, ka wahine ana i hilina‘i ole ai no kona maikai.  Ua loaa mai ka ike ia‘u, no ka halawai pu ana o Mebure me Miss Kalani maloko o ka Hale Kahiko, ma ka po mamua aku, a ua nalowale aku kuu hoaloha,  me he mea la, ua aleia aku oia e ka honua.

            "Aole o Miss Kalani he wahinee ae ana e hooneleia aku oia me na pomaikai i manaoia nona; nolaila i ka hoea kina ana aku o kuu hoaloha, a hoike aku la iaia, eia no au ke ola nei, a e hoea aku ana au, a koi aku i ko‘u kuleana maluna o na waiwai o kuu makuakane, ua lilo ia i kumu no kela wahine, e imi ai i na alahele apau e kaawale loa ae ai na kumu alalai, no kona kuleana ana i kuu mau waiwai.  Nolaila e Kauka Mudoka, o ko'u manaoio maoli, ua pepehiia kuu hoaloha e Miss Kalani, a ua kiolaia aku kona kino iloko o ka luawai maloko o ka Hale Kahiko.

            "Hoi hou aku la au no Kanale hale, a ninau aku la ia Miss Kalani, no kana mea i hana aku ai maluna o kuu hoaloha; a elike no me ke ano mau o kela wahine, o ia ka piha i maalea, ua nana mai la oia ia‘u, me na maka o ka mea hewa ole, a olelo mai la aole ana mea i hana aku ai i kuu hoaloha, me kona koi okoa ana mai, e hele pu maua no ka Hale Kahiko. 

            "Ua nana aku iaia, he wahine wale no, he mea ikaika ole, e hiki ai ke hookoiakona mau manao hoopilikia maluna o‘u, nolaila ua ae aku la au i kana koi, e hele pu maua no ka Hale Kahiko,  Iloko nae o ko‘u nanea, me ka haupu ole ae he poino kekahi, ua hele aku la maua no kela hale, a ia‘u i komo aku ai iloko o ka puka, he poha ka‘u i lohe ae, o ko‘u hina aku la no ia ilalo, ua hahauia mai la kuu poo, me kekahi pauku laau mahope mai; a ma ka uila laki wale no i hoopakeleia ae ai kuu ola. 

            "O keia iho la ke ano o ka poino i loaa ia‘u, a ke makemake nei au e hui pu me ka Makaikiu Liki, no ke kukakuka pu ana me ia, no kana mea e hana aku ‘ai maluna o kela wahine, no ka mea ua hoea mai i ka wa e kaohiia mai ai oia, mai ka hoomau ana aku i kana mau hana karaima."

            Ma kela wahi, i hooki iho ai o Kapena leonada i kana kamailio ana me ka holoi ana ae i ka hou e @@@@ ana ma kona mau papalina, a o ia ka Kauka Mudoka o ka hooho@ana a@:

            "O, he keu ka weliweli o kena mau mea au e hoakaka mai nei!" i hooho mai ai o Kauka Mudoka.  "E waiho mai oe i na mea apau ia‘u ame Mr. Ropa, a na maua e hoakaka aku i ka Makakikiu Liki, a nou iho, e hoopoina loa oe i na mea maikai ole apau, no ka mea e hoea mai ana no he wa ma keia mua aku, e ukuia ai kela ame keia, elike me ke ano o kana mea i hana ai."

            "Alaila aole anei ou manaoia mai i ka‘u mau olelo i hoike aku nei e kuu kauka?  Ke mau nei no anei kou manao, aia no kela ano opulepule iloko o kuu noonoo?"

            He hookahi a‘u mea e hoike aku ia oe i keia wa, o kela manao ou, ua pepehiia kou hoaloha a make e Miss Kalani, aole he pololei, no ka mea eia no au hoaloha nei ou, ke ola mai nei, nolaila aole e hiki ia‘u ke manaoio, i na olelo apau au o ka hoakaka ana mai nei, no ka lilo ana o Miss Kalani, i wahine pepehikanaka.

            "Ina o ka mea oiaio kena ea, alaila akahi a maha kuu noonoo, i ka maopopo ana ae nei, aole i make kuu hoaloha.  Ke haawi akau nei au i ka‘u mau hilina‘i piha ana maluna ou, no kau mau lawelawe ana mai no ko‘u pono, aka aole no nae he hewa ia‘u ke hoike ae i ko‘u piha nauki maoli, ina e hoopuni hou ia ana ko‘u noonoo, me ka pouli."

            Ua hoea mai la ke kaa i kela manawa, nolaila nonoi mai la o Kauka Mudoka ia Kapena Leonada, e hookuu aku iaia no kekahi manawa pokole, o ke komo aku la no ia o ke kauka opio noloko o kona keena, a hoohuihui mai la i kekahi omole laau, me ka hookomo ana iho iloko o ka pakeke o kona kuka, o ka hemo hou mai la no ia iwaho ia wai hele like aku ai na keonimana elua no ke kau ana iluna o ke kaa.

            He mau minuke helu wale no kela o ka holo ana aku o ke kaa, hoea aku la i ka hale hoolimalima, e noho ai o Kapena Leonada, a i ko laua nei komo ana aku iloko o ka rumi hoopika, e noho mai ana o Mr. ropa, a e waiho ana hoi he leka maluna o ke pakaukau."

            "Ke ike nei au i ka limakakau o Keaka Mebure, " i hooho ae ai o Kapena Leonada, iaia i lalau iho ai i ka wa-hi leka, a uhae ae la.  "Ua pololei oe e kuu kauka maikai, eia no o Keaka Mebure ke ola mai nei, aole i make , elike me ka‘u i manao kuhihewa loa ai."

            Heluhelu iho la ua o Kapena Leonada, i na manao i kakauia maloko o ka leka, a i ka pau ana, haawi mai la ia Kauka Mudoka, me ka i ana mai. 

            "Ua hiki ia‘u ke hilinai piha aku maluna ou, no kou malama loa, i na mea apau au e ike ana maloko o keia leka, nolaila, e heluhelu iho oe, i na mea a Keaka Mebure i kakau mai nei ia‘u."

            O keia malalo ai o kona hoaloha:

            "E kuu Ivana aloha: Ke kakau nei au i keia leka ma Parisa, he mau mile lehulehu ka mamao mai ia oe mai.  Eia no ko‘u manao maoli, e malaa pono oe me ka makaala loa, ia mama ame Ela kuu kaikuhine, oiai au e kaawale ana mai ia lua mai.  Uahele au a apiha loa me ke kaumaha, no na haawina pakalaki i kau aku maluna o kuu makuakane, ka mea a maua i manao mua ole ai, e hoea koke mai anan ia, oiai kuu makukane, e hoomakaukau ana, e hoopau aku i na pilikia i hanaia eia.  Ma kou ano he hoaloha oiaio loa no‘u, ke hoike aku nei au ia oe, aole oia i holo aku no kekahi kulanakauhale o Amerika Hema; aka eia oia ke pee nei ma Sepania.

(Aole i pau)

He Moolelo no

PITA NIKOLA

A I OLE

Ke Duke i Haalele Aku i Kona Kulana Hanohano a Lawe Mai i ke Kulana Makaainana

            "Ua aneane hiki ole ia‘u ke manaoio, no keia pomaikai nui i oili ae nei iloko o ka imo ana a ka maka; aka nae he mea oiaio maoli no ; oiai ua ike au i hoea na mai o ka loio o Mr. Makuaia i nehinei, a ua hoohalaia kekahi manwa loihi e kela mau keonimana ma ke kamailio ana; no na mea a Mr. Makuaia i makemake ai i ka loio e hana mai maloko o kekahi palapala."

            "O na mea apau a Mr. Makuaia i kamailio mai ai ia oe, he mau mea oiaio loa ia; a ke manao nei au, akahi no a ike kela kanaka i ka hauoli, ua kaawale kela hana nui mai kona noonoo ae; nolaila he kaikamahine waiwai maoli oe e Beka.  O keia no hoi kekahi kumu i makemake ai au e hele mai oe e kamailio pu kaua, a e hoike aku au imua ou, i ko‘u ano oiaio maoli.  E hoomanao oe e Beka, i kou wa he kaikamahine nele i haawi mai ai oe i kou aloha ia‘u; a i kou lilo ana ae nei i kaikamahine waiwai loa, malia paha e hoololi ana oe i kou manao, no kou waiwai loa, malia paha e hoololi ana oe i kou manao, no kou kupono ole e mare mai me ekahi kanaka, he malama ululaau.

            I kela âme keia la mahope mai, e hoea mau aku ana o Mr. Makuaia iloko o ka rumi o Nikola, no ka ike ana iaia, a hoike oko aku la oia, i kana mau mea apau i kukakuka pu ai me Beka, no kana mau mea i manao ai e hana aku no ka pono o kela kaikamahine opio, a iloko no hoi o ia manawa hookahi, ua noonoo pu oia no kana makana kupono ma kona aoao, no ka pana‘i ana mai, i na maikai, i hanaia aku e Nikola no kona pono. 

            Ma kela hui kukakuka ana o Makuaia me Nikola, i hoakaka aku ai o Nikola, i kona halawai mua ana me Kimo Koka, a o Haka Kenede hoi, ma kekahi inoa, maluna o ka mokuahi hookahi, me na hooikaika ana a kela kanaka ino, e hoohulihuli i ko i nei noonoo, no ke komo pu ana aku me ia, iloko o na hana e hoopilikia mai ana ia Mr. Makuaia.

            Hoakaka aku la no hoi o Mr. Makuaia, i ka hoea ana mai o ka makai nui ame na kanaka o ke aupuni, a hopu i na kanaka hoohaunaele, me ka paa ana o kekahi poe, no ka hewa puhi kolohe i ka ululaau i ke ahi; me kona hoonoho ana aku ia Mr. Biere, oia ka lunanui, nana e hoohana i ka hale olopapa, a o Baraunu pu kekahi i komo mai, ma ka hooponopono ana i na hana.

            Ua hopu pu ia o Keka Wala, mamuli o ka olelo hooholo a ke kiure koronelo, no ka make ana o kekahi o na alakai o ka poe hoohaunaele, aka nae, ua hookuuia mai no oia, mamuli o ke ku bona ana o Mr. Makuaia nona.

            Ua lilo ka make ana o Haka Kenede, i kumu e hoi hou mai ai kela ano kahiko o Mr. Makuaia.  Pololei maikai mai la kana hele ana, mohala maikai mai la no hoi kona helehelena, a akahi no a ike maoli ia aku, kona piha eleu, me ke komo kino ana, iloko o na hooponopono ana i kana oihana, i hele a hoohemahemaia, mamuli o kela haunaele i ala ae iwaena o kona poe kanaka. 

            Ua lilo kana mau olelo e kamailio aku ai i mea hooloheia e na kanaka, a ua lilo hoi kana mau hooponopono maikai ana me Beka Kamerona, i kumu nana e hoolilo ae iaia i kanaka lanakila, i kanaka kuokoa, e ku ana maluna o kona mau wawae iho, me kekahi mea ole ana e kau ai ka weli, me he akua lapu hoomaka‘uka‘u la o ka po. 

            O keia mau mea a Mr. Makuaia i hana ai, pela hoi na mea e pili ana i ka haunaele o kona poe kanaka, ame ka make ana o Haka Kenede, aole loa oia i hoike iki aku i kana kaikamahine ia Pege, no ka mea ua maopopo iaia, aole ana e nele ke ala mai o kekahi mau ninau, mai kana kaikamahine mai, no ke kumu o ka pilikia. 

            O kekahi kumu nui o kona makemake ole e lohe kana kaikamahine i kana mau mea apau i hana ai, no ka paa ole o ka waha o kela kaikamahine, nolaila o ka poe i maopopo i kana mau mea i hana aku ai no kona haawi ana i ko Beka Kamerona, Mrs. Bekena ame ka loio o Mr. Makuaia, ka mea nana i hana i ka palapala hoolilo waiwai. 

            O ka mea i hoolalaia e Mr. Makuaia, no ka hoihoi ana aku i na dala a ka makuakane o Beka, malalo o ka malu o kela kaikamahine, o ia no ka holo ana mai o ka waiwai o ka makuakane maluna o kana kaikamahine, he waiwai hoi i paaia e Mr. Makuaia no kekahi mau makahiki loihi, no ka maopopo ole iaia o ka hooilina, aka i ka wa ia laa ai o Beka, pela iho la i hoihoiia aku ai kela mau waiwai apau iaia.

            Iloko nae o keia manawa a Mr. Makuaia e noho nei, me ka maha o kona noonoo, ua hohikilele loa ia mai kona noonoo, i ka loaa mai o ka hoike ma ke kelepona, ua haalele aku kana kaikamahine ia Nu Ioka, me kana mau malihini, no ka holo ana mai e hoohala i kekahi mau la ma Pohaku Eleele. 

            O ke kupakako o ka hokele i noho ai o Pege me kana malihini, ka mea nana i hoouna mai i kela lohe ia Mr. Makuaia, a oiai ua hala e mai kana kaikamahine ma kana huakai e hoea mai ai no Pohaku Eleele, nolaila he hana hiki ole loa i ua o Makuaia, ke kaohi aku i kana kaikamahine, mai ka holo ana mai.

            Me ka pihoihoi nui, i kauoha aku ai o Mr. Makuaia ia Mrs. Bagena, e hoomakaukauia ka rumi moe o Pege, pela hoi me kekahi rumi, e pili kokoke mai ana, a e waiho malie no i ko Nikola rumi, me ka haawi ole aku no kekahi mea, in a no he moi, ka malihini a kana kaikamahine e lawe mai ana. 

            O kahi nae o ka laki, ua nui na rumi kaawale, oiai ua noi mai o Beka ma ka la mamua aku, e hoi oia no kona home, a ua ae aku o Makuaia, aole no kona makemake ole i ka noho pu mai o kela kaikamahine ma kona home, aka no ka hooko ana aku i ko Beka manao, e hoomaemae i ko laua hale, i hoohemahemaia no kekahi mau la.

            Aole loa no he wahi hoihoi iki iloko o Beka, e halawai hou me ke kaikamahine a Mr. Makuaia, ua lawa kela ike pono ana aku ana, i na ano o ua kaikamahine nei, ma kela la a laua o Nikola, e kamailio pu ana ma ka hale o Nikola, i kumu nona e hoowahawaha loa ai iaia, no ka mea aole loa he maikai o kona mau manao, no kekahi poe okoa ae mawaho ona.

            O ka pau ana ae no ia o ka Beka ike ana ia Nikoa, ma ka auwina la, a iaia e iho aku ana ma na anuu o ke alapii o ka hale o Mr. Makuaia, no ka hoi pololei ana aku no kona home, kapalulu ana no ke kaa otomobile o Miss Makuaia, mamua pono mai o ka hale.

            Ua hoopuiwa loa ia ko Beka noonoo, me kona manao ana iho, e komo hou aku iloko o ka hale, a mahope o ka halekuke oia e hemo mai ai, oiai aole loa on a wahi lihi hoihoi iki e hui oia e hemo mai ai, oiai aole loa ona wahi lihi hoihoi iki e hui pu me Pege Makuaia, aole nae e hiki iaia ke kuemi hope mai, oiai ua ikeia mai la oia e ke kaikamahine a Makuaia, a pela pu hoi me kekahi wahine opio e noho ana ma kona aoao iluna o ke kaa.

            Ku pololei ae la o Beka a maloeloe, o kona hoomau aku la no ia i ka iho ana ahiki ilalo o ka honua paa, me ka hele ana aku ma ka aoao o ke kaa otomobile, oiai hoi na lede elua e nana pono mai ana iaia nei, a o Miss Makuaia nae ka i pane mai i na olelo kikoo-la, i ku ole i ke kulana o ka lede:

            "Eia mai nei ka oe ianei?" wahi ana, aohe nae he wahi mea a pane aku o Beka, aka ke hoomau la no oia i ka hele ana imua, ua hele hoi oia a piha loa me ka huhu, me ka i okoa ana iho iloko on a, no kona makemake, e kaawale koke mai o Nikola mailoko mai o ka hale o Mr. Makuaia.

            "Ea, owai hoi kela wahine opio u‘i i hele aku la?" i ninau ae ai ka malihini e noho ana ma ka aoao o Pege.

            O keia wahine malihini, o ke Kamaliiwahine Anaka @alitina ia, ka mea nana kela leka i kakau mai ai ia Nikola, o ka loaa ana ia Beka, a heluheluia ai e ua kikamhine nei, elike me ia a kaua e ka makamaka heluhelu i ike ai ma kekahi o na makuna ae nei i hala.

            "He kaikamahine hanauna kela na ka wahine malama hale."  wahi a Pege, me ka hoopinana ana ae i kona mau poohiwiw, e hoike okoa mai ana i kona hoowahawaha ia Beka.  "Aole o‘u wahi hoihoi iki i kela wahine opio.  E kuhihewa ana ka hoi au, ua haalele mai la kela kaikamahine, i kona noho ana ma keia wahi! O kela ke kaikamahine, o ka loaa pono ana aku ia‘u, e hooipoipo ana, me ka lunanui a kuu makuakane."

            "Pela i‘o ka!" i hooho ae ai ke kamaliiwahine, me ke kuemi ana aku ihope, a nana pono mai la ma na maka o kona kamaaina.

            Mai hele aku paha na olelo a ua mau wahine nei i ka @@@@ ina aole i hoea koke mai ke kauwa a Mr. Makuaia,, no ka hapai ana i na paiki mailuna aku o ke kaa, pela no hoi ka hoea ana mai o Mr. Makuaia, no ka hui pu ana me na malihini.

            Mahope o ka ike ana i kana kaikamahine, ua hoolaunaia aku la ke Kamaliiwahine Anaka Galitina me Mr. Makuaia, a ia wa i hoakaka pokole mai ai o Mr. Makuaia imua o na wahine opoio, i na meahou o ka pule akau i hala, me ka loaa naa o kekahi poino i kana lunanui, no ia kumu, ua hoihoiia ai oia maloko o kela hale, a aia oia ma kekahi o na rumi, ma ka hale maluna kahi i noho ai.

            Ua lilo kela hoike ana aku a kona makuakane, i mea maikai ole loa i ka manao o Pege Makuaia, me ka i okoa ana mai o ua kaikamahine nei i kona makuakane. 

            "Aole loa au i ike iki i kekahi kumu maikai, o kou hoihoi ana mai i kela kanaka maloko nei o kou home!"

            "He moolelo loihi na‘u ka hoike ana ae i ka mea i hanaia aka ma ke ano nui nae, ua ala ae kekahi haunaele nui iwaena o ko‘u poe kanaka, a ua ku aku oia a paio no ko‘u pono, a iloko o ia paio ana, i kau mai ai kekahi poino nui maluna ona."

            "O Pita Nikola anei ka inoa o ko lunanui?" i komo aku ai ka lede malihini ma ke kamailia pu ana.  "O Pita Nikola anei ka mea i loaa i kekahi poino nui?"

            "Ae, o kona inoa ia, a ua ku oia i ka poka, ma kona umauma, aka nae aole he hopohopo ana nona i koe; he elua paha la i koe, e hiki ana iaia ke noho iluna, elike me ka ke kauka i hoike ae ai.  Pehea, ua kamaaina mua no anei oe iaia?"

            Aole e hiki i ka lede malihini ke pane koke aku, ke pinapina‘i la kona hanu, me he mea la e hooikaika ana oia ma na ano apau e uumi iho i kona mau manao aloha no Nkola, aia hoi o Pege ke nana mai la me na maka i piha me ke kahaha, no ke ano o kana malihini, a e hoomaka mai ana oia e ninau, i kahi i kamaaina mua ai o kana malihini me ka lunanui a kona makuakane, ua pane e aku la nae ke Kamaliiwahine Galitina:

            "Ae, ua kamaaina mua au iaia," wahi ana me ka hoololi koke ana ae nae i kana mau olelo, ma ke kamailio ana aku ua makemake loa oia, e hoi aku noloo o kona rumi, ina he rumi kekahi i hookaawaleia ae nona.

            Ma kela wahi o ka lakou mau olelo, ua pii nui aku la no ka hale maluna, me ke kuhikuhi ana aku o Mr. Makuaia i ka rumi o ka malihini a kana kaikamahine, aole hoi no Pege, ua kaawale kona rumi.

            Ma ka puka o kona rumi, i nonoi mai ai ka lede malihini kona kamaaina, e hookuu hookahi aku iaia e hooluolu, oiai @ maluhiluhi oia, no ka loa o kela huakai a laua o ka holo ana mai: he noi hoi a Pege i haawi koke aku ai i kona ae, me ka hoi pololei ana ae no kona rumi, iloko o kona mau manao kahaha, no ke kumu o ke ano-e ana o kana malihini, i ka wa i lohe mai ai i ka poino i kau aku maluna o ka lunanui a kona makuakane.

            No ka hapalua hora paha, mahope iho o kela hoi ana aku o Pege noloko o kona rumi, hoea aku la kona makuakane, a hoike okoa aku la, i na mea e pili ana i kana lunanui.  I kinohi, he mau pane pakike wale no ka Beka iaia, aka nae no ka papa mau aku o ka makuakane iaia e noho malie, akahi no a hoolohe maikai mai oia i na hoakaka a kona makuakane, i kekahi moolelo oiaio, a oiaio ole no hoi, i hoomakaukau mua ia e Makuaia, i wahi e ala ole mai ai he mau niele ana ma ka aoao o kana kaikamahine.

            I ke kaawale ana aku o ko Nikola moolelo, a me kona maopopo ole aku i ka meahuna, iloko o ka umauma o kana kaikamahine hookiekie a haakei, hoohuli ae la oia i kana mau kamilio ana no Beka, no ka ili ana aku o kekahi waiwai nui maluna ona, pela hoi me kona hoopalauia ana me Nikola, no ko laua hoohuiia aku iloko o ka mare, i ka wa e ola ae ai o Nikola.

            Ke hoolohe malie mai la o Pege i kela mau olelo, me he hihi‘o moeuhane  la, a iloko o ka hele o kona inaina a nui no aole no e lilo kana mau ku-e ana aku, i wahi e hooko ole ia ai ka mare maluna o kela mau opio; he hookahi nae mea ana i kuaki loa ai, o ia no ka mare aku o kela kaikamahine, o ke kulana haahaa me kekahi kaukaualii, ka mea hiki ole i na wahine opio e ae, e loaa na kane o kela ano.

            Iloko no hoi o kela manawa hookahi, ke mihi loa la oia, no ke ano o kana mau olelo i kamailio aku ai i ka lunanui o kona makuakane, eia ka auanei, he kaukaualii kela kanak, a ua alo, me ke kanaka ana i hoohaahaa aku ai me kana mau olelo kohu ole.

            Mamuli o ka lohe pono ana i na hoakaka a kona makuakane, akahi no a maopopo i ua o Pege, kela kumu ano-e o ke Kamaliiwahine Gilitina, a nalu wale iho la no oia iloko ona, malia paha ua kamaaina kahiko, kela mau mea ialaua iho, a he mau ipu aloha paha laua, pela i holo okoa mai ke kamaliiwahine, no ka ike ana ia Nikola.

            Aole loa he wahi lihi maopopo iki ia Beka, ua kamaaina mua kana malihini i ka lunanui a kona makuakane: oiai nae oia e au hele ana kona noonoo i o a ianei, akahi no oia a ike maoli iho, aole e kala kahiko, i loaa aku ai ka ike i kana malihini, no kahi i noho ai o Nikola, a o kela koi ana mai e hele pu me ia nei, no Pohaku Eleele, aole ia no kekahi kumu okoa ae, aka no ka ike ana no i ke Duke Nikola.

            Aole no i loihi ka noho kamailio ana o Makuaia me kama kaikamahine, haalele aku la oia i ka rumi o Pege, a he manawa pokole mahope mai, hoea aku ana ke Kamaliiwahine Galitina, me ke komo ana mai o ua wahine nei, i kekahi lole hou, a ke nana aku iaia, aole kela nanaina ano-e maluna ona, aka o ka hoihoi ame ka eleu ke kau mai ana iluna.

            Ua lilo kela helehelena hoihoi o ka lede malihini, i kumu e hoopoina ai o Pege i kona mau noonoo maikai ole, a ia laua i iho aku ai nolalo o ka rumi aina, ua kaa wale no ka hapanui o na kamailio ana, ma ka aoao o ke Kamaliiwahine Galitina, ma ka hoakaka ana, i ke ano o ke aloalii o ko Rusia mau moi ame ko Pelekane, me ke kukuni paa ia ana, o ka noho hoaloha ana manawaena o na aupuni a elua, ma kela ano iho la, i loaa ai ka ike iaia no Nikola, me ke koi okoa ana aku o ua lede malihini nei, e hoikeia aku ka lohe ia Nikola, ina oia e ae mai ana, e loaa he manawa nona e halawai pu ai me ia.

(Aole i pau.)