Ka Nupepa Kuokoa, Volume LXI, Number 46, 16 November 1922 — Aole e Noi Ana no ka Helu Hou Ia o na Baloka Hoole o C. H. K. Holt no Kona Hoohalahala i ke Kohoia Ana o Coelho ELUA BALOKA WALE NO KO LAUA LIKE OLE Ma ka Apua ka Oili Ana o W. J. Coelho i Lunamakaainana me Kona Mau Hoa [ARTICLE]

Aole e Noi Ana no ka Helu Hou Ia o na Baloka

Hoole o C. H. K. Holt no Kona Hoohalahala i ke Kohoia Ana o Coelho

ELUA BALOKA WALE NO KO LAUA LIKE OLE

Ma ka Apua ka Oili Ana o W. J. Coelho i Lunamakaainana me Kona Mau Hoa

No ka manao, e waiho aku i ka hoohalahala imua o ka aha kiekie, no ka helu ia mai o na baloka, i kohoia no W. J. Coelho ame Charles H. K. Holt, maluna o ka oi wale ana no o W. J. Coelho, he elua baloka mamua o ko Mr. Holt, ua hoole loa ae o Chas. H. K. Holt, aolo oia e lawe ae ana i na keehina, no ka hoonioni ana, i kela kohoia ana o W. J. Coelho, a puka, i lunamakaainana, mai ka apana elima mai.

Wahi ana, ina ua manao ka aoao Demokarata e waiho ae i ka hoohalahala i ka aha kiekie, e helu hou ia na baloka, o ke kuleana no ia o ka aoao kalaiaina, nona iho, aole oia e komo aku ana iloko o na hoolilo, ma ke kaa ana oia ka mea nana e noi e lielu hou ia kona mau baloka ame ko Mr. Coelho.

Ua hahani loa na baloka, o keia mau moho, ua loaa ia W. J. Coelho he 3007 baloka, a he 3005 hoi baloka ia Chas. H. K. Holt; oiai nae, i kinohi, i ka wa i loaa mai ai na hoike mai na mahele koho baloka mai, no ka hopena o ke kolio baloka. o na lunamakaainana o ka apana elima, ua manaoia, o na Holt elua o ka aoao Demokarata ka i lanakila, a ua haule o W. J. Coelho nme Keliinohopono, aka nae ma ke ao ana ae, i ka wa i loaa mai ai na hoike pili oihana i ke kakauolelo o ke Teritore, akahi no a maopopo, eia ka o W. J. Coelho o ka i puka, me na baloka oi wale no elua.

Malalo iho la o kela ano, he olima ■mau lunamakaainana Repubalika, i puka o ka apana elima, a he hookahi Demokarata, oia o George Holt aohe no he wa a lannkila holookoa na moho Ropubalika, o kela apana, a ua lilo no hoi i mea hookahaha, i ka manao o ka lehulehu, ka lanakila ana o Geo. H. Holt, a haule hoi na kanaka makaukau o kona aoao kalaiaina. Maloko o ka hale o na lunamakaainana, a o ka ahaolelo kuloko, o Mr. Holt hookahi wale no ke Demokarata i lanakila o ka hapanui o na hoa o kela ahaolelo, he poe Repubalika wale no. Ua hala aku la nae ke koho baloka, no na hoa o ka ahaolelo kuloko, o ka ninau nui iloko o k-eia mau la e nuneia mai nei, iwaena o na senatoa ame na lunamakaainana, o ia 110 ka mea e lawe ae ana i ke kulana peresidena no ke senate, a pela hoi no ke kulana lunahoomalu 0 ka hale. O na kanaka i kamaaina no kela mau kulana, aole laua he mau hoa no ka ahaolelo i keia kau, oia ke Senatoa Chillingworth ame ka Hon. H. L. Holst«in, i ka nana aku nae, aole no kela he hana paakiki, no ka mea aia iwaena o na hoa o keia ahaolelo e noho mai ar.a, he poe 1 kamaaina i na hana o kela mau hal« a elua, a maiwaena ae ana o lakou, e kohoia ai na na lana e hoomalu, i kela mau hale pakahi.