Ka Nupepa Kuokoa, Volume LXI, Number 46, 16 November 1922 — Ku Mai he Moku no Keia Awa me ke Ahi Iloko o ka Lanahu Nui na Tona Aila Mahu me Gesolina Maluna o Kela Moku i Hoopakeleia Mamuli o ka Puka Ole o ke Ahi Iluna [ARTICLE]

Ku Mai he Moku no Keia Awa me ke Ahi Iloko o ka Lanahu

Nui na Tona Aila Mahu me Gesolina Maluna o Kela Moku i Hoopakeleia Mamuli o ka Puka Ole o ke Ahi Iluna

Me ke ahi, iloko o kona lua lanahu, i ku mai ai ka mokuahi Pelekane Clan Macbrawne, no Honolulu nei, ma ke ahiahi o ka Poalima nku la i hala. a mahope o ka hooikaika ana e hoohikihiki i na pahu kini aila mahu, no kekahi wahi kaawale, i hoopakeleia ae ai kela mokuahi, mai kona lilo ana, i mokuahi poino, maloko ae nei o Ke awa. Ma ka Poakani, ka la 6 o keia mahina, i ikeia ai ka a o ke ahi, iloko o ka lua lanahu, nolaila mai kela manawa mai, ka hoomaka ana e pauma i ke kai iloko o ka moku, ahiki wale no i kona ku ana mai i Honolulu nei, aia pu hoi maluna o kela mokuahi, he mau tona, o na kini aila mahu ame ke gesoline, a ina no ka oili o ke ahi, iluna o.ka oneki o ak moku, ina aohe he mea nana e hoopakele ae i kela moku, r«.ai kpna lilo ana i luahi na ke ahi. Ua ikeia kela mokuahi i ka hookokoke mai., i Daimana Hila, ma ka hapalua o ka hora eha, o kela Poalima, a oiai ua hoike mua ia mai ka lono, no ka a ana o ke ahi i ka lanahu, ua liolo aku la kouka nei po« iluna o kela mokuahi, no ka nana ana, ina paha aole he piliki'a, ka hooleomo ana mai o kela moku iloko nei o ke awa, he oiaio, mahope iho o ka nana ana i ke kulana

0 ke ahi, ua hooholo iho la ka po« 1 kuleana i na pilikia o kela ano, o, hookomo mai i ka moku, me ka hoohakalia hou ole aku. Ma kela po Poalima no, i hookomoia mai ai ka mokuahi poino noloko wi o kc awa, a i ka pili ana niai i ka uwapo, ua hoomaka koko, ka hu'e ana i ka aila ame ke gesolina. ma kola po, me ke ku makaukau mau ana nae, o na kauaka kinaiahi, me na iliwai, ina nei no ka puka o ke ahi iwaho o ka lua, e iho makawalu aku ana na iliwai, no ke kinai nna, aole nae )>ela, o ka uwahi -\vale no ka mea ikeia, ahiki wale no i ka pau ana o ka aila mahu i ka laweia. O keia iho ln ka elua o na mok»iahi i loaa i kela ano pilikia hookahi, 0 ke kipa ana mai no keia awa, a ua pakele no hoi ka mokuahi mu.i, mamuli no ka hu-eia ana o kona aila mahu, a law>eia no Kahakaaulana. a ilaila no ka aila mahu o keia moku elua, i laweia akū ai e hoahu. No Kina, ka huakai aumoana a keia mokuahi, aka niamuli o ka loaa ana i ka poiiio ma ka moana, i kipa mai ai i Honolulu nei, me he mea la, aia a pau kona mau pilikia i ka hooponoponoia, ia wa e hoomau aku ai ia i kona nlahele no Kina, kahi 1 makemakeia ai kona mau tona aila mahu.