Ka Nupepa Kuokoa, Volume LXI, Number 46, 16 November 1922 — KA POLOLEI ANA O KE KEKEE I HANAIA [ARTICLE]

KA POLOLEI ANA O KE KEKEE I HANAIA

Ina no hoi he ulu i'o ke kenikeni (10 keneta) ke kanuia, elike me na a'o kalohe a na makua i na keiki liilii o na wa i hala, elike me ka mea e palapala nei i keiaj ina ua hauoli ka ohi ana i na dala mai na lala laau niai i ulu ae mai ke kenikeni mai. Ma ko'u wa kamalii, a ma kekahi manawa ua haawi mai na makua, a i ole ka koaloha o ko'u mau makua ia'u i ke kenikeni; a ma ka hele ana ma-o a maanei iloko o na hana a kamalii, a hoi mai, ninau inai la na makua i ke kenikeni, me ka mahao o na makua e maopopo ka'u mea o ka hana ana me ia kenikeni. Ua i'.io koke iho la ko'u mau lima iloko 0 na ki-eke apau, mai ke ki-eke a'u no i hahao iho ai i ua wahi kenikeni hei, a me na ki-eke e ae apau o ka | ili alualu me ka mae ilio o ka helehelena e nalowale ole mai ai i na makua. Hoka wale iho la no au, a ninau na makua: Aia ihea ko kenikeni, eke keiki? Pane aku la au me ka nawaliwali o kahi leo: "Ua haule ia." Eia ka olelo a na makua, 1 poina ole ia'u ahiki i "keia la: "E ulu ana!" Moe a kakahiaka, ala •ae a hele aku e hooma'u wai i kahi i haule ai, i ulu koke ae."

Ua hana naaupo aku au i keia uiea, elike no me ke ano o na kamalii, malalo o na a'o kolohe a na makua; a aolo au i ike i ka ulu ana ahiki wale i keia Ia a'u e palapala nei. No keia mea, ala wale ae la no kahi noonoo i ka waiho mai o na aina hoopulapula, a manao iho la, ina i'o i ulu na keuikeni o ka nalowale ana ma kuu mau la kamalii, ina owau ka mea mua e lulu i keia anoano maikai he kenikeni, a e makaala no au i ka'u mala i ke ao ame ka po ahiki i ko'u ohi ana i na dala mai kona mau lala mai, ma na aina o Molokai. Ke kuko keia a Keonihoomanawanui. Ke noonoo pono iho no hoi kaua, e kuu mea lieluhelu, aia i ; o no he man dala nunui e loaa ana, mai na hua mai o na laau au i kanu aku ai me keia kumukuai he kenikeni. Aia

na opeope anoano liilii o na hua ineaai ma na halekuai hua ai, elike īne Davis & Co., CalifoFnia Feed Co. a pela aku, a e loaa no ina keia kumukuai "he kenikeni. A nolaila, i hakalia wale no ia oe e ka mea noho aina i ke kuai aku ia mau anoano a onou aku iloko o ka lepo. I lohi wale no i ke kali aku o ke oo mai, o ka ohi no ia i na dala nunui mai na hua mai e kau ana ma na lala. He lapai-e -loa ka lawelawe ana o na hana hooulu laau ma Molokai, i oi aku i ka 'u a ko 'u wa kamalii no kahi kenikeni i nalowale ai. Mo ka pakeke wai ia o ka'u ohikihiki ana. O keia ana o Molokai, he mau auwaha wai nunui i hanaia e moe ana ma ka loa o ka aina, a mai ia auweha mai, nioe -ku na auwaha liilii iloko o kela ame keia mahele aina. He wai 'e holo ana nona ka ikaika o 2,500,000 galani i kela ame keia 24 hora. He luhi 010 na hana a na kini o keia mau aina o keia mua koke iho. Hc mau mea no e hauoli ai ka naau o na makua e hoi aku ana ilaila. He oiaio no e ohi ana no oukou e na noho aina i ka momona o ka aina ma keia mua iho, a na oukou auanei e hoolawa mai i ke kulanakauhale |nei me na meaai; mai ka moa ame | kona hua; ka i'o pipi aine kona waiu; ka i'o puaa ame kona aila puaa, a he lehulehn wale aka. O keia ke ola hou ana o ka aina ame ka lahui.