Ka Nupepa Kuokoa, Volume LXI, Number 46, 16 November 1922 — HAINA NANE. [ARTICLE]

HAINA NANE.

Solomon, ka noeau o ke Kiloha&a a ka lahui, a i ole ia o ka manu nene ahiu holo hauanu maluna o ka hokua o na ale o ka Pakipika; Aloha oe:—Oluolu hou mai no i kahi kowa kaawale o kou oneki no'u, a ma ua kowa la au i manaolana iho ai, ua hiki mai i ka wa e weluwelu ai ka meahuna a ua keiki la o Waialua ma ke poo o kela hamare ku'i hao a ku'i aiana a Sa Naita Heneri 0 Navala, no ke kolu o ka manawa. Aole au e hewa ke kukulu hou aku i ke kino o ua meahuna la a ke keiki heenalu o Kaena, a o ia iho keia: j kama kana, a he inoa hoi ua kaulana apuni ke ao, ua apana ia iho ke kino o ua kama la i na mahele elua penei: Ka mua, aia ia ma na mokupuni apau, i olo pela, e hoihoi iho no,a ku i ke kino i kahi a ke aloha i noho ai. Ka lua, e loaa ana ia nei ma na pali Koolau ae nei, e nana ana i ke ko'a mokumoku o H«eia, a e olelo hou ae ana ua keiki la malalo iho, he wahi ia ua kamaaina iaia; a ke olelo nei hoi ka meakakau, ua nele kela peni liulu Kamelo me kela ike no ia mau wahi. Ke ike mai la oukou e ka la hiki ae i Makanoni, a ka la pahee i ka ilikai o Lehua, i ke kino o ka nane a ke keiki o Waialua, a ia wa hookahi no nae, e ike like iho ai oukou 1 ka pili ole o ka haina i manaoia. Ke uiui mai nei nae ua keiki la o ka ehukai penei: 1—Owai kuu inoa ma ka mahele mua? Pane. Wati. Wehewehe, maloko 0 kela mokupuni ame keia mokupuni pakahi i nohoia e kekahi mea kino kanaka, aole loa e nele ia mea he wati, a i ka hoihoi ana a« a hookupono iho i ke kino o ke kanaka e loaa no he wati me ka hehee pu mai no o ka pilali i ka ua.' Pehea kou manao ana, aohe no ia he pili? Ka! he pili ia, ua kama ia e ka maka o ka peni hulu kamelo, a ua keiki la o ke Kakela, hele kela a pili paewa ole ka la i Papaenaena. Oawi aku auanei ka mea nana oukou e hoonioni aku? Ho! lahilahi loa ke keiki o Waialua wai o ka bia. 2. —Owai kuu inoa ma ka mahele elua? , Pane. Kala. * Wehewehe ana. He inoa keia no kekahi manu, he kupa, he ewe, a he keiki papa hoi no na moku manu ma na huli Koolau ae nei, a oia nei ka Kawelowai i hoonoho aku ai i kiai loko no na amokumoku ko'a o Heeia, m-e ka papa pu ana aku i ua kiai loko la ana, e huna loa ia ka lua manalo a laua. Uwe8e mai olua, he ua no Hilo, o pee wale no olua e Kawelowai ma a anahulu ka la ia Olowalu, aole olua e pakele ana, a no ka mea, o Hilo nei e, kau ka Hoaka, e-ha ke Ku eha ka moe, momomoe auanei 1 ke kai o ko haku, a ku a omaka mai, pa ae i na poho paakai, e waiho ae la no ma kai o Puna; uanii na a-i o olua. 3.—Owai kuu inoa pololei ke huiia na mahele elua? Pane. "Waki Kala." He inoa keia i kaulana ma ka waha o na lahui lean/ika apau, i loaa ka naauao, a ho kaulana hoi kona i hiki loa aku i na welelau o ka honua, a o kona lono, ua kaahele ae ia apauni ke ao, elike no me ka manao maloko o ke kino o ka mea u'i a ke keiki o Waialua. Pehea papani aku la paha ke o, holu ka aina i ka iwi kikala o ko Waialua keiki, e kala no hoi ka hoahanau i pahapaha aku ai ia oe, e kapae ke kaua e ke hoahanau, alaa ka hewa la o ka paakiki, he make a no ka mea, A ka lae o Kalaau, Huai ka puka moae, He moae ko na Kona, He Hoolua ma Koolau, Ilaila liui na makani, O ka welelau ae auanei o kela makani, O ka welelau o keia makani, Puili puahiohio lele ae la Waialua, Aia la, aia i kai. Nana mai no e Kawelowai i pii ka ohu o ko aina a hanai maluna o Kaala me Konahuanui, ola oe ma ka apua, aka i kokolo aku ka uwahi o Kula, he hau a papale ka uhiwai maluna o na kuahiwi o ko aina, hoomanao ae no, ua pulupulu kukui w«la ke ahi aulima, a ua keiki la o ke Kakela, ma ko kikala o ko Waialua kini, a no ka mea, no ka waa iki ka make, pau pu me ka waa nui. Kou no a mau, J. W. K. KAKELAMALUIKALEO, Keiki o ka Peni Hulu Kamelo. Ea, pakele mai la no kahi eu o Puaena, ua pulelo aku la no ma ka puka a Kaniho, nolaila iliki hou ia mai a kanono!—L. H. »+-