Ka Nupepa Kuokoa, Volume LXI, Number 46, 16 November 1922 — Makemake e Hui Pu me na Mana Koho Baloka Ma Keia Poalima e Holo Aku Ai ka Elele Jarrett no Maui ame Hawaii HE HUAKAI HAAWI KEIA I KA HOOMAIKAI E Huli Hoi Mai Ana Oia no Honolulu Nei Mamua o ka Ahaaina Luau Nui [ARTICLE]

Makemake e Hui Pu me na Mana Koho Baloka

Ma Keia Poalima e Holo Aku Ai ka Elele Jarrett no Maui ame Hawaii

HE HUAKAI HAAWI KEIA I KA HOOMAIKAI

E Huli Hoi Mai Ana Oia no Honolulu Nei Mamua o ka Ahaaina Luau Nui

Mamuli o ka lanakila hiwahiwa i loaa i ka Elele W. P. Jarrett, ma ke koho haloka aku nei i hala, ua makemake oia e hui pu me na mana koho baloka apuni keia Teritore, a haawi aku i kona hoomaikai palena ole imua o lakou, mamua o ka hoea ana mai i kona wa e haalele iho ai ia Hawaii nei no Wkinekona. Ma.keia Poalima e holo aku ai oia no Maui, no ka haawi ana i na hoomaikai kiekie i na mana koho o Maui, a mailaila aku no ka Mokupuni o Hawaii, 'e huli hoi mai ai no Honolulu nei, mamua ae o ka la e malamaia ai o ka ahaaina luau nui a na Demokarata ma keia kulanakauhale. 0 kekahi o na ninau nui e noonooia mai nei e ke komite kuwaena Demokarata, o ia no ka mea kupono i kakauolelo na ka Elele Jarrett; wahi a ka Elele Jarrett, ua waiho aku oia i ke koho ana i kana kakauolelo i kela komite, o ke kanaka, a ka hapanui e hooholo ai ua pono ia i kona manao. He ekolu mau inoa i waihoia ae imua o ke komite kuwaena Demokarata, o ia na inoa o Rivenburgh, Claus Roberts ame ko C. P. laukea, a hoea mai nae i keia manawa, aole i maopopo ka mea o lakou i waeia ae e ke komite; aka nae he poe kwjiono wale no lakou apau, ina no e kohoia ae ana kekahi o lakou, no kela kulana.