Ka Nupepa Kuokoa, Volume LXI, Number 46, 16 November 1922 — I HOOPA'I HOOPAAHAO NO KA POE HOLONUI [ARTICLE]

I HOOPA'I HOOPAAHAO NO KA POE HOLONUI

Ehia no hoi kau o na ulia kaa otomobile e pono ai, o ka hana mau iho la 110 ka hoi ia o na ulia kaa otomobile, i kela ame keia manawa, he pomaikai kekahi pule e hala, me ka loaa ole o ka ulia kaa otomobile. Iloko koke aku la no o ka pule i hala. he nui na ulia kaa ctomobile i ikeia, a mai kekahi mau ulia mai. he elua mau mea i make, aole no keia malalo o kekahi kumu okoa ae, aka no ka holonui maoli no, o na kiakaa i ko lakou otomobile. Ma kekahi mau manawa lehulehu, akelekele wale iho no ka pakele o ke ola o na kamalii, ame ka poe nunui, i na kaa otomobile; a mamuli o ka maumaua loa, o ka ike mau ia o na ulia kaa otomobile, i manao ai keia pepa, o ke kumu e ha'o mai ai na ulia kaa ma keia hope aku, o ia no ke kauia o na hoopa'i hoopaahao maluna o ka poe e ahewaia ana no ka holonui, aole hoi e kauia na hoopa'i ma ke dala maoli. O ka loaa he mau haawina a'o maikai loa, a o ke kau o ka weli i na kiakaa otomobile, o ka manao nui ia, o ke kau ana i na hoopa'i hoopaahao; malia, he kumu ia e hapa mai ai na ulia poino; aohe hewa o ka hoao ana i kekahi hoopa'i elike me kela ae la.