Ka Nupepa Kuokoa, Volume LXI, Number 46, 16 November 1922 — ELUA I MAKE MA KA ULIA KAA OTOMOBILE [ARTICLE]

ELUA I MAKE MA KA ULIA KAA OTOMOBILE

Mawaho ae nei o kc alanui Moi me Sheridan, ma ka po o ka Poaono aku la i hala i hooku'i ae ai he kaa otomobile, me ke kaa uwila 0 ke alanui Moi, a nui ka poino i loaa i ke kaa otomobile, me ka eha kukonukonu ana o na haole elua e kau ana maluna o ke kaa otomobile, a mamuli mai o kela poino i make ai kekahi o laua ma kela po no liialoko ā ;ka halema'i. M4 hoike a ka makai i kkheaia mai ai no ka hele ana aku e nana 1 kela uliu poino, e holo mai ana ke kaa otomobile me na haole elua iluna, ma ke alanui Sheridan, a hoohuli ae la i ke alanui Moi, ma kahi a ke kaa uwila e holo mai ana, o ka hooku'i ae la no ia o na kaa a elua, i kahi hookahi. Ma kela manawa i hooku'i ai, ua kiolaia na haole a elua iluna o ke alanui me ka haki ana o ka papa auwae o kekahi, a naha hoi ke poo, a ua loaa hoi i kona kokoolua, na palapu kukonukonu maluna o kona kino. TJa hoihoi awiwiia aku na mea poino no ka halema'i o na poino ulia, no ka lapaauia mai o ko laua mau wahi i eha, aka nae ua make kekahi Q laua, no ka nui maoli o kona mau eha', ma ia po, a ma k'a*po ''o ka .Poalua nei ka make ana o ka elua o na haole.