Ka Nupepa Kuokoa, Volume LXI, Number 46, 16 November 1922 — MALAMAIA KA HOOLEWA O ALBERT V. KAEHU [ARTICLE+ILLUSTRATION]

MALAMAIA KA HOOLEWA O ALBERT V. KAEHU

No ke komo pu ana aku iioko o Ha huakai hoolewa o Albert \ alentine Kaehu, kekahi o na keiki Hawaii, i komo iloko o ke kau.i nui o ke ao nei, a i hoihoiia niai kona kino wailua no Honolulu nei, i hoohanohano ae ai ka oihana koa o Araerika ame ka oihana kaua, ma Oahu nei, pela hoi me ka ahahui o na Mamakakaua, na hoaloha ame ka 'ohana, nia ka auwina la o ke Sabati aku ( la i hala, me ke ka'i ana aku no ka ilina mauka o Nuuanu. Maluna o ka mo'ku lawekoa i hoi hoiia mai ai ke kino wailua o Albert V. Kaehu no Honolulu nei, mai Kapalakiko mai, ma ke Sabati, ka la 5 o keia mahina, a waihoia nialoko o ka hale waiho kupapau o Borthwiek. Ua make ke kanaka koa opio ma ka la 31 o Sepatemaba aku nei i hala, maluna o ka moku halihali ma'i Mercy, ma San Pedro, Kalepon,i a o kona kino wailua ka i hoihoi loa ia mai, no ka hoomoe ana aku .maluna o ka lepo aloha o kona aina hanau. I ka manawa e kaua ana na aupuni o Europa, i komo aku ai o Albert V. Kaehu iloko o ka oihana kaua o Amerika Huipuia, me kona noho hana ana maluna o na mokukaua ē holoholō ttha ma ka*moana Akelanika, a i kh pau ana o ke kaua, a pau no hoi kona manawa, e noho ai iloko o ka oiliana kaua, ua noi hou no oia e hoomauia kona noho aua iloko o kela oihana, a na ka make i hoopokole ae i kona noho ana iloko o kela oihana.

Ua hanauia o Albert V. Kaehu ma Honolulu nei, a maloko 0 ke kula 0 Sana Lui kona wahi i hoonaauaoia ai; a ma kona manawa i pauaho mai ai i keia ola ana, ua piha iaia na makahiki he 23. Ma ka po 0 ka Poaono nei, ua kaa ke ku kiai ana i ke kino wailua 0 ke koa opio malalo 0 ka Ahahui 0 na Mamakakaua, maloko 0 ka hale waiho kino kupapau o Borthwiek; ma ke poo 0 ka pahu kupana bo ke pua hoonani ame na hae i kau ke'aia, a malalo hoi 0 na wawae, na ihe ekolu ame na lei. Ma ka aoao 0 ka makuakane Hiram Kaehu ame ka ohana, ke haawi aku nei i na hoomaikai palena ole 1 ka Ahahui 0 na Mamakakaua, i ko lakou ku kiai ana i ke kino wailua 0 ka mea aloha i hala, pela lioi 1 ka Ahahui American Legion ,na pualikoa aina ame na koa luina, no ko lakou komo pu ana mai iloko 0 ke anaiua hoolewa 0 ke koa opio i hal«. Kc haawi pu aku nei no hoi i na hoomaikai palena ole i ka nui ame ka lehulehu i haawi mai i ka lakou mau makana pua, no ka hoohiwahiwa ana iho, i ke kino wailua o ka mea i hala, a i komo pu mai hoi il.oko o ke kaumaha ame ka luuluu, me ka ohana; a na ke Akua no e haawi mai i na hoomaikai oi ae~ftiailuna m'ai.

ALBF.RT V. KAEHU,