Ka Nupepa Kuokoa, Volume LXI, Number 47, 23 November 1922 — AHEWAIA O LEE CHOY E KE KIURE FEDERALA. [ARTICLE]

AHEWAIA O LEE CHOY E KE KIURE FEDERALA.

Ua aliewaia o Lee Choy, ka Pake i hoopiiia ac ai e ke kiure kiekie fcderala no ke ku-e i ke kanawai opiuma e ka papa kiure o ka alia federala ma ka Poakahi nei no ke kumuhoopii ekahi e ku-e ana, me ko noi j>u o ke kiure e hoemiia mai kona hoopa'i a ma ka elua o na kumuhoopii e ku-e ana iaia ua ike ke kiure aohe i pili ka luewa iaia. No ko kau ana aku i ka hoopa'i maluna o Lee Choy ua hoopaneeia ahiki i keia Poakahi ae. He noi no ka hookolokolo hou ia o keia hihia ka i hookomoia ae e ka Loio Barry S. Ulricli, ka mea e ku pale ana ia Lee Choy. No elua pule a oi ka hooloheia ana o keia hihia mamua o ke kiure o ke koleua Loio Apana Amerika Patterson ma ka aoao hoopii. 'Lehulehu na hoike i ninaninauia ma ka aoao o ke aupuni a pela hoi ma ka aoao o ka mea i hoopiiia, a ma ke kakahiaka o ka Poakalii nei ka pau ana o na oleloike i ka laweia a hoomaka ka hoakaka ana a na loio ma na aoao elua } a ma ka hora 1:30 0 ka auwina la i komo aku ai ka papa kiure iloko o ka rumi no ka noonoo ana i ka olelo hooholo, a no kekahi mau hora lehulehu ka paio ana a na hoa o ka papa kiure. He mau pule lehulehu atu nei i hala he wahine Amerika, a ma kana olelo he wahine kane-make ka oia na kekahi kanaka Hawaii himeni i mak-e ma Uta, o Mrs. Euniee C. Alapa ka inoa a ua wahine la, ua hopuia oia e na makai hopuhopu opiuma i kona manawa o ka iho ana mailuna mai o ka moku me 20 mau kini opiuma i hunaia ma kona poli. Ua hopu pu ia o Lee Choy ma ia maiiawa like; ma ka olelo a ka wahine ua ukuia oia e Lee Choy he $10 no ke kini opiuma hookahi ana e lawe mai ana a pae iuka nei o ka aina me ka paa ole 'i ka hopuia. O ko Y. Kamihara hewa hoi i hopuia ai oia ke kalaiwa nana i lawe ae ia* Lee Choy nia ka oto ahiki 1 ka Uwapo 7, a malaila laua i kali ai no kQ Mrs. Alapa hoi mailuna mai o ka moku me ka opiuma. Ua ae o Mrs. Alapa i kona hewa imua o ka aha federala ma ka la 23 o Okatoba no ka loaa ana aku o na kini opiuma ma kona kino. Ua hoopaneeia mai nae ke kau ana aku i ka hoopa'i maluna ona mai kela Poaono aku nei ahiki i keia Poaono ae. O Mrs. Alapa ame Kamihara na lioike i laweia ma ka aoao o ke aupuni ma keia hihia no ke ku-e ana ia Lee Chov.