Ka Nupepa Kuokoa, Volume LXI, Number 47, 23 November 1922 — KAHULI KA WAAPA MAWAHO AE O KAUAI A MAKE HOOKAHI. [ARTICLE]

KAHULI KA WAAPA MAWAHO AE O KAUAI A MAKE HOOKAHI.

I ka mokuahi holo pili aina Kaiulani € hekau ana ma Kilauea, Kauai, e holo mau ana hoi kona waapa mawaena o ka moku ame ka aina ma ka auwina la o ka Poaono aku« la i hala, ua kahuli iho la ia waapa a hookahi luina i piholo a make. O keia ka lono ma ke kelepona uweaole o ka loaa ana ae i ke keena o ka Hui Mokuahi mai Kauai mai, aohe nae he moolelo piha i hoakakaia mai no ke kahuli ana o ka waapa ame ka make ana o kekahi luina. Ma ke kakakiaka Poalua nei ke ku ana mai o Kalulani i Honolulu nei. Ma ka oleloia no ke kajkoo ka o ke awa ke kumu kahuli o ka waapa, nui ka ino malaila ia la.