Ka Nupepa Kuokoa, Volume LXI, Number 47, 23 November 1922 — E KAAWALE MAI KE KALAIAINA AE E PONO AI [ARTICLE]

E KAAWALE MAI KE KALAIAINA AE E PONO AI

Ua lilo ke komo kino ana o ka Makai Nui Rose, ma kekoho baloka aku la i hala, i loaa ai ka lanakila ia W. P. Jarrett, i elele na Hawaii nei i Wakinekona, i kumu e hoalaia mai ai na nianao like ole, iwaena o kekahi poe o keia kulanakauhale, no ke kupono ole o na luna oihana, e komo kino iloko o ,na hana kalaiaina. He ninau paakiki loa keia ke nana aku, no ka mea, he oihana kalaiaina ke kulana makai nui, ame na kulana oihana e ae apau, i kaa aku na na makaainana koho haloka ka hooholo ana mai. No na makai nae. ame na kulana oihana apau, i kaa aku malalo o ka mana o ke komisina makai, aole he kuleana iki o ka makai nui, e hookikina ai ia lakou e hana politika, ua kaawale loa na makai, mai ka mana mai o ka makai nui. Aole e hiki i ka makai nui ke hoopau i kekahi makai, mamuH 0 kona manao ponoi iho, ke hele ole oia e hana politika, a hooko ole paha i kekahi mau hana i makemakeia mai ai oia e ka makai nui; o ka mana wale no nana e hoopau aku iaia, o ia ke komisina makai, ke ikeia ua pili kekahi hewa iaia, i ku-e i kana oihana. , No na luna oihana e ae, i kaa aku ke koho ana iloko o na mana koho haioka, he hana hiki ole, ke kaohi ana aku ia lakou, mai ke komo kino ana mai iloko o na hana kalaiaina, no ka mea, pela iho la e hiki ai ia' lakou e paa i ka lakou mau oihana pakahi; a ina no na makai ka manao o kela papa ana, i ka nana aku, he hana hiki loa ia ke hookoia, ma o ke kau ana o ke komisina makai, i mau rula hooponopono, e hoomalu ana i na makai. ame na limahana e ae, i kaa aku ai malalo o lakou ka hoomalu ana. Ua laweia mai ka hoike i keia pepa, no kekahi palapala noi, 1 kakauinoaia e ka poe 1 hooikaika iho nei ia Norman K Lyman i moho elele lahui, a haule ai ma ke koho haloka wae moho e noi ana i ka Elele W. P. Jarrett, e koho mai ia Mr. N. K. Lvman 1 kakauolelo nana. He hana kohu ole keia ia kakou ke nana aku noke noi aku o kekahi Repubalika, e lilo i kakauolelo na ka Elele Demokarata; aka nae, ina pela iho la na «hooIala ana mamua o ke koho baloka laula aku nei i hala, alaila o ka hua na ana ae keia o ka meahuna i hanaia ma kahi pouli!