Ka Nupepa Kuokoa, Volume LXI, Number 48, 30 November 1922 — Hoomoeia ke Alahao Hou no na Kaa Uwila E Holo Pololei Ana ke Kaa Uwila o Manoa a Hoea i Aala me ke Kakali Ole O KE KAA AKU ANA KEKAHI O NUUANU E Hoomoeia Aku Ana he Alahao ma ke Alanui Nuuanu a Hoea i ke Alanui Moi [ARTICLE]

Hoomoeia ke Alahao Hou no na Kaa Uwila

E Holo Pololei Ana ke Kaa Uwila o Manoa a Hoea i Aala me ke Kakali Ole

O KE KAA AKU ANA KEKAHI O NUUANU

E Hoomoeia Aku Ana he Alahao ma ke Alanui Nuuanu a Hoea i ke Alanui Moi

' No ka imi ana i alahele maalahi, e hikiwawe ai ka haUhali ana i na ohua, a e hoomaalahi ai no hoi i ka holo ana o na kaa īwila, ua hooliana ka hui kaa, uwila, i kona poe kanaka hana, ma ke alanui Keeaumoku, ma ka hoomoe ana i na alahao kaa uwila malaila, me ka hoawiwi pu ana, i hiki ai i na kaa ke holo ma kela alanui ma keia Poaha, ka la Hoomaikai a Hoalohaloha i ke Akua. O | keia alanui kaa uwila hou, e nToe ana ia ma ke alanui Keeaumoku, mai ke alanui Waila mai, a hoea i ke alanui BeritaniaMa keia mua aku, o ka holo ana 0 ke kaa uwila o Manao, aole ia e pau, ma kahi maamau, mawaho mai 6 ke kula o Punahou, alea e holo pololei mai ana no ia mai Manoa a hoea i ke alanui Waila, alaila huli komohana, a hoea i ke alanui Keeaumoku, iho i kai ma ia alanui a hoea i ke alanui Beritania, a holo mai no ke kulanakauhale nei, a pau 1 Aala Paka, ma ke alanui Hokele, elike me ke alahele o ke kaa o Kaimuki mai. Ma ka halawai a ka papa o na lunakiai o ka po o ka Poalua nei, i wailio ae ai ka hui kaa uwila, i na hoolala ana, no ka hoomoe ana aku i ke alahao kaa uwila no ke alanui Nuuanu. Ina nei no ka paa o ke alahao kaauwila no ke alanui Nuuanu, alaila e holo pololei loa ana ke kaa o Nuuanu, ma ke alanui Nuuanu, me ka holo ole inai ma ke alanui Beritania, a liuli i kai ma, ke alanui Papu, elike me keia manawa. O ke kaa o Punahou wale no ke holo ana, ma kona alahele elike me keia manawa, e hoomaka ana mai Pawaa mai, a pau mawaho o ka hale hana o ka Hui Catton Neil, ma ke alanui Hema, Kakaako. 'Ma keia ano hou o ka hooponopoj no ana i ke ano o ka holo ana aku o na kaa uwila, aole e houlolohiia ana | na kaa, a kali wale paha na ohua, ma o ka hoea 019 ana mai o na kaa, i manaoia no kekahi alanui, 0 ka mea oi aku nae o ka maalalii ma keia hoololiloli ana, 0 ia no ka holo pololei o ko Manoa kaa uwila mai ke kulanakauhale aku nei, a peia hoi ka hoololiloli ole 0 ke kaa uwila o ke alanui Nuuanu, ma ke alanui Papu. No ; na kaa 0 na alanui e ae, e holo ana no lakou elike me ka mau, a ina no ka hanaia aku 0 ka uwapo Haaliliamanu, ma ke alanui Moi, alaila o ka manawa wale no ia e lioololiia ai ka holo ana o na kaa o ke alanui Moi, ma ka pii anā ma ke alaijui Nuuanu, a hoea i ke alanui Hokele, holo pololei ma ia alanui nouka 0 Kalihi. No ka hanaia aku o na alahao o na alanui e ae, aole he mea i maopopo i keia wa, nolaila he manawa loihi no e kakali aku ai, alaila hoea mai i ka hoololiia aku o ka holo ana 0 ke kaa uwila, ma ke alanui Waialae, a pela hoi ka holo ana o ke kaa ma ke alanui Kapahulu.