Ka Nupepa Kuokoa, Volume LXI, Number 48, 30 November 1922 — He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope [ARTICLE]

He Moolelo Walohia Ko Vekinia Waiwai Hooilina Hoopuhiliia na Hana a ka Mea Manao Ino-Kau i ke Aki i ka Manawa Hope

Alaila ninau mai la o Mr. Naita: "Heaha kau i makemake e hana aku me keia buke?" "E hoolaha aku ma ke ano he mea hoomanao no ka la kulaia Kalikimaka, a e koi aku e uku niai ia'u i kekahi huina da!a nui no ko'u luhi o ka hana ana," wahi a ka Vekinia panē, ma ke ano e ike mai ai ke keonimana he hana ia i lawelaweia ma ke ano oihana no ka huli ana i kekahi pomaikai, a ua ano hopohopo iho la nae oia mahope no ke ano 'kuoo loa o kona»manao o ia olelo ana aku la ana pela. Pahola ae la ka helehelena minoaka ma na papalina o ke keonimana a ninau mai la: "Heaha kou manaoio maoli ma kela olelo ana mai la au i huina dala nui?" Noonoo iki iho la o Vekinia no kana mea e pane aku ai no kekahi m)anawa, a i ka loaa ana o ka manao iaia, i aku la: "Ma kau hoolaha ekolu au mau makana e haawi ana mai ka hookahi, elua a ka ekolu hanen dala no na kii pena maikai e lilo ai i mau mea hoomanao, elike me ia i hoakakaia na ano maloko o ka hoolaha, a ma ka mea oiaio ke hoomaopopo iho, o ka mea i hanaia o keia ano e nui ke kumukuai e pono ai,elike me ka nui o kona waiwaiio." "He mea oiaio loa ia au i olelo mai la," wahi a Mr. *Naita; "e oluolu no oe e hoike mai i kau kumukuai i manao ai no keia hana au, no ka mea, ke hoike aku nei au imua ou me ka oiaio loa ke makemake nei au e lawe i keia buke au na'u, ina nae hoi aole oe e kau mai ana i kau kumukuai a kiekie loa." ..Ua hookahahaia mai ko Vekinia noonoo ia manawa no keia pane a Mr. Naita, no ka mea, aole oia i manao mua nana e hoike aku i kana kumukuai i manao ai no ia buke kii pena ana. 0 kana i manao wale ai, ina no ke aponoia o kana mea i hoomakaukau ai, e loaa mai kēkahi kumukuai kupono ke ku i kona makemake, a e hoole aku paha, elike me kana e ike ai i ke kupono ole; No keia noi maoli ia ana mai o kona manao e hoike aku i kana kumukuai i makemake ai no kana mea i hana ai, ua maopopo ole iaia. O keia ka makakua loa o kana hoao ana e hana i nei hana ana i manao ai aole waiwai nui, ma ke ano he hana noeau a akamai hoi e lilo ai i mea noonoo nui ia mai e kekahi poe mamua o ka kekahi keiki hele kula mea e noonoo ai. 1 ka hala ana iaia o kekahi manawa o ka noonoo ana i aku la: "E Mr. Naita, i hoike aku au ia oe i ka mea oiaio loa aole au i hana i kekahi mea o keia ano mamua; o ia hoi, aole au i hana i kahi mea o keia ano a hoolilo aku ma ke kuai i kekahi o ka'u mau mea i hana ai, no ia kumu, e ike mai oe aohe maopopo ia'u o ke kumukuai kupono no keia mea a'u i hana ai e loaa mai ana ia'u. "He ulia wale no keia hana i loaa ae ia'u oiai, ua hilinai mau au i ka pono o ko'u ola ana maluna o na loaa mai ko'u makua mai aole mamuli o ka loaa ponoi a ko'u mau lima ame ka hou o ko'u lae, aka, i ka manawa i hala aku ai ka makua a haalele ia iho hoi au e ke kane, akahi no a ulu ae ka manao iloko o'u e hoohana au i ke kalena i loaa ia'u, oiai ua emi mau mai kahi waihona, a he pono e hanaia kahi hana i mea e pono ai keia ola ana." "Ua hooiaio mai ke kalena i loaa ia oe he mea waiwai nui ia ina e hoohanaia aku ana ma ke ano pololei," i pane mai ai ke keanimana me ka helehelena hoihoi no ka Vekinia mau hoakaka. "O, me ka njahalo nui ia oe," i pane aku ai ka lede opio, me ka pii pu ae la o ka ula ma kona mau papalina ia manawa. "A, oiai ua lilo keia wahi buke uuku a'u i mea hoohauoli aku la i kou noonoo, aole anei hoi oe e oluolu mai nau no e hoike mai i kau kumukuai i manao ai no kena wahi buke, no ka mea, elike me ia a'u i hoike mua aku nei ia oe he holona au aohe i maopopo i ke kumukuai kupono e kau aku ai." "Ina pela, e Miss owai la kou inoa a'u e kapa aku ai, e oluolu oe e hoike mai? He makemake au e maopopo ia'u na inoa o ka poe apau a'u e kamailio pu ai no ke kumukuai," wahi a Mr. Naita o ka pane ana mai ma ke ano e hoike mai ana pela ka lawelawe oihana kalepa ana. O keia ka manawa mua a Mr. Naita i noi mai ai ia Vekinia e hoike aku i kona inoa a o ka makamua loa no hoi o na manawa mai kona hoea ana aku i Kapalakiko i noiia mai oia e hoike aku. Ua noho oia malaila ma ke ano e ike ole ia mai e kekahi poe o ke kaikamahine oia a Mr. Abota i make, a o ka wahine ; opio hoi i mare ai me kekahi kaukaualii o a i hele kuewa i me ka waimaka, a aohe no ana manawa i hooholo ai no ka hoike ae i kona inoa i kapaia, no ke kumu aole ona makemake e kapaia mai oia ma ka inoa o kana kane aohe no ona makemake e hoikeia ae ka inoa o kana kane. Aka, ua walewale loa oia me ka loaa ole he manawa iaia | e noonoo nui ai no kana pane no ka ninau a Mr. Naita nd ! kona inoa; ina i loaa iaia ka noonoo, he inoa okoa la paha kana e hoike aku ai; aka, elike me ia iho la, pane aku la oia me ka hoohakalia ole. "O Mrs. Vekinia Alekanedero ko'u inoa," alaila hoike mai la o Mr. Naita i kona ano hikilele no keia inoa i kona manawa i lohe aku ai, a haka pono mai la kana nana ana iaia nei. "Alekanedero! A, ua lohe mahui iki no au i kela inoa— aka, e huikala mai nae oe ia'u; ke noonoo nei au no ka hoike ana aku ia oe i kekahi kumukuai no nei buke, pela ko'u manaoio." v "E haawi no au i elima haneri dala no keia wahi buke uuku au, ka hana noeau loa i hanaia e oe elike me ia a'u e hooiaio nei, a ina e hooiaioia mai ana ka holopono o ke kuai ana aku i keia, a i ole, e lilo ai paha keia i mau kii kupono a i mea hoomanao no ke Kalikimaka, mahope o ka hoolahaia ana aku, e haawi hou aku ana au i umi pakeneka o keia huina a'u i haawi aku la ia oe. Ia minuke aneane hiki ole ia Vekinia ke hooiaio iho i kana mau mea o ka lohe ana aku la, ma kona noonoo iho me he mea la he moeuhane wale no nana, no keia kumu ua* oi loa aku keia kumukuai i haawiia mai la iaia mamua o kana i koho wale iho ai. * laia i lohe aku ai i keia kumukuai kiekie loa i haawiia mai la no kana wahi buke, ua hoolana loa ia ae ia kona manao no ka loaa o ka pomaikai nor?a ame kana wahi kamaiki no ia mua aku, a ke ike iho la oia i ka waiwai o kana hana ana nre ka hoomanawai, a ua lilo hoi na hora lehulehu ana i hoohala ai ma ka' hana kaha a penakii i mau hora waiwai loa, aole i hoopoho wale ia ia manawa. "Ma ke ano hea la au e hoomaopopo aku ai i kau mau huaolelo i hoike mai nei, ina e hooiaioia ana ka holopono?" wahi ana i ninau aku ai. Ua maopopo ia Mr. Naita he holona o Vekinia aohe i kamaaina_j«a ka lawelawe oihana ana me na kanaka i maa ia

hana, eia nae, ua ike mai la oia aia he ttiftalea a he akainai me ka manao koa iloko o ka lede opio, a i kona ike ana i ka waiwai o ke kalena iloko o keia lede, o kofla manaoio 6ia ka hoonui aku i ka waiwai o ia kalena. i loāa iaia. Ua manaoio pu oia e loaa ana kekahi pomaikai nui iaia ma o keia lede opio la a e hauoli ana oia ke haawi mai i hana nana no kona pono. A hala ia manawa o kona noonoo ana i mai la: "Ina e hiki ana ma kahi o ke kaukani kope e kuaiia ia manawa e ike iho ai au ua lilo nei bilke a kaua i mea makemake nui ia mai e ka lehulehu." Ua maopopo ia Mr. Naita, ina e hiki ana iaia ke hoopuka ia buke, iloko o ia kikina, e hiki ana iaia me ka maalāhi loa ke kuai aku i ka heluna i pakolu iho i ka hookahi kaukanl, no ka mea he mea ano hou lo& keia e Mele ole ai ka makemakeia mai e ka lehulehu. lt lna ua apono oe i keia kumukuai a'u e haawi aku nei ea, ke makemake nei au e hoolimalima hou ia oe e hoomakaukau mai i elua a ekolu paha mau kii hou o ke ano like flle keia no ke kual ana aku no ka La i alahou ai ka Haku," wahi hou a Mr. Naita o ka hoomau ana mai i kana kamailio ana. Aole hiki ia Vekinia ke hoole aku i keia mau pomaikai nui e haawiia mai nei iaia, ua ano ilihia iho la oia ia manawa, no ka mea* i kana noonoo iho me he mea la, ua weheia ae me ka hikiwawe loa a hamama ka lani a hoounaia mai la he hoaloha e hele mai e haawi i na pomaikai iaia oiai Oia e noho ana iloko o ka pouli ō na popilikia he nui o ke ola ana. "Lokomaikai maoH oe, e Mr-Nait&, he mea hoi a'u i moeuhane mua ole ai t hanaia mai ana i kekahi wahine ilihune haahaa loa oia au e ike mai la; ia'u i noonoo iho la ut haawi mai la oe ia'u i kekahi kumukuai kiekie a lokomaikai loa, a nolaila ke apono nei au me kuu naau hauoii ame ka mahalo nui pu aku ia oe no ia leumukuai," i pane aku ai o tVekinia. Ua lilo kona leo o ia pane ana aku t mea e hooni ia aku ke aloha iloko o ka puuwai o ke keonimana aoo, no ka mea, ma kona hoomaopopo iho ua hoea aku ka lede opio ioiua ona me ka manaolana ole no ke aponoia mai eia o kana mea i hoomakaukau ai; o kela helehelena kaumaha ma ko Vekinia mau lehelehe he lielehelena hoi e hoike okoa aku ana no iaia ua halawai ka lede opio me na mea hookaumaha i kona naau iloko o na la i hala ahiki no ia la. "Me ka mahalo," wahi ana; "ina ua apono oe i ka hana a'u i kauoha aku la, alaila hana aku elike me ka maik&i loa au e ike ana, a e haawi mai oe i kekahi mau kii rhaikai loa no ka La i Alahou mai ai ka Haku," me kona hoike ole mai ua hoomaopopo mai oia i ko ua o Vekinia ilihia. laia i kamailio mai ai ku ae la oia iluna ia manawa, a hookuu mai la ia Vekinia e hoi, me ka 1 pu ana mai e lohe mai ana oia i kekahi nuhou mai iaia mai ma kekahi manawa kokoke mahope mai, e pili ana i kana nuau kii i hoomakaukau ai no ka hookuku ana, a pela hoi me na kii a kekahi poe e aku e hoounaia aku ana iaia. Mahope o ko laua lululima ana hoi pololei aku la o Vekinia no ka hale me ka mama o ka naau ame ka manaolana pu no koiia lanakila ana, he haawina hauoli loa i loaa ole iaia ana i ike iho ai mai ka manawa mai i kau iho ai ka haawe 0 ka pilikia ame ka hilahila pu maluna ona, oiai nae ma kona ano haipule ua noi mau aku oia i kona Akua ana 1 nianaoio a i hilinai ai e kiai a e alakai mau iaia ma na ala maikai apau. Oiai oia e hoi ana me ka naau hauoli a e ake ana hoi e hoea koke aku i ka hale no ka nana ana aku i kana buke, a 1 o kona hoea aku no hoi koe i ke alanui kahi o ka hale ana e noho ana, ua halawai mai la me ia kekahi kanaka nana i j hoohikilele loa ae i kona noonoo. j laia i huli ae ai ma ke kihi o ke alanui emoole halawai mai la me ia he alo a he alo kekahi kanaka e kau ana ma j luna o kona mau poohiwi kekahi koloka manoanoa poepoe, o ke kala ua kukuluia ae iiuna a kokoke i na maka me ka hiki ole e ike pono ia aku ka waha, ka auwae ame ka a-i. He papale kihikihi nui ke kau ana maluna o kona poo, ua hooluheia iho ke kihikihi omua a paa loa ka lae aneane no e ike ole ia aku na maka, nolaila, mamuli o ka luheluhe 0 ke kihikihi o ka papale ame ke kiekie o ke kala o ke koloka ua huna holookoaia ae ka hapanui o kona helehelena, i ahona 1 ka imo mai o na onohi maka uliuli, me ka ihu kikiwi loihi kohu ihu no ka aukuu. I ka halawai ana aku a ko Vekinia mau maka me keia helehelena hoomaka'uka'u a e haka pono loa mai ana iaia me ka iini nui iloko ona e kamailio mai a e ninau mai paha i kahi mea iaia, me ka hooikaika loa oia i uumi ai i kona maka'u, aneane loa oia e uwa ae. Eia nae, he minuke mahope iho ua mao loa ae la kela ano maka'u ona, a hooholo iho la e hoomau aku i kana hele ana me ka nana ole mai i ke kanaka me he rfta la he kanaka malihini loa iaia; aka nae, oiai kona heleheleni mawaho he hiona e ikeia aku ai aohe maka'u iloko ona aia no nae olo- ' ko ona ke kupikipikio la, oia no oe o ka nalu e poi ana i kumupali, haalulu kona mau lala a pau, a mamuli o ka nawaliwali o kona noonoo me he mea la i kana nana aku aohe hiki iaia ke hoomau aku i ka hele ana imua. | Aka ua ike iho oia iaia ika hiki ole ke ku loihi malaila, iaia e hoomau la i ka hele ana me ka leha aoao mai ihope ke ike mai la oia i ka hahai aku o ua kanaka la mahope ona, me ka hiohiona maopopo loa no ka hana aku i kana hana hoopoino iaia, na ia hahai aku o ke kanaka iaia i hoopihaia aku ai oia me ka haalulu ame ka maka'u. "Pehea la oia i aa ai e hoi hou mai ianei? Aole paha oia i ike mua iaia mahope o ka hala ana o keia mau makahiki lehulehu?" wahi a Vekinia i ninau iho ai iaia iho, oiai oia |e hoomama loa aku ana i kona mau kaina wawae no ke ake ! e hoea koke aku i ka hale. I laia e hoi nei ulu hikiwawe ae la kekahi noonoo iloko ona, "Aole pono iaia e ike i ko'u wahi e noho nei, ina oia io kela, ke manaoio loa nei no nae au me ka hoomaopopo oia no kela me ka hoohewahewa ole, no ka mea o kela mau maka ona aole like me ko kekahi poe e aku. Heaha ana la, ka'u hana pono e hana ai?" ! Ua kokoke loa aku oia ika puka o kona hale e noho aj*a ia manawa, a no keia manao hou i ulu ae ai iloko ona hele hoolalau wale aku no oia a kaalo ae la ma kekahi aoao o ka hale e manao ole aku ai ke kanaka aole ia o kona hale e noho ana, me ke ku ole iho, a i ole huli mai paha ihope e nana i |ke kanaka, I Elua nae mau kuea i hala niai iaia ku iho la oia mamua o kekahi halekuai, kahi no ana e hele mau ai e kuai i kekahi mau mea ana e makemake ai. Ia komo ana aku ana iloko a hele aku la a ku mamua o ke pakaukau kuai, kauoha aku la i ke kanaka oloko e lawe mai i kekahi mea ana i makemake ai, me ka mau no nae o kana nana ana iwaho ma ka puka, ina paha ua hoomau loa mai 110 ke kanaka ana i niar i ka'u ai i,ka hahai mahope ona. ' Ae; aohe kanalua ana no kona ukaliia ana mai no ka mea, iaia e hoomau ana i ka nana ike aku la oia i ka maalo ana ae o ke kanaka mamua o ka halekuai a nana mai la iaia e jku ana iloko o ka halekuai, a ia ike ana mai iaia nei, ku iho, j a huli hou aku la a hele malie ihope ma kahi ana i hele mai ai. E' ku ana ka halekuai ma ke kihi o na alanui a he elua mau puka e hamama ana, hookahi i kekahi alanui, a o kekahi i kekahi alanui. (Aole i pau.J