Ka Nupepa Kuokoa, Volume LXI, Number 48, 30 November 1922 — KE KALAPU HOAHU KARISIMAKA [ARTICLE]

KE KALAPU HOAHU KARISIMAKA

A hoea mai la i ka la hope o keia mahina. o Novemaba, i pau ai a hoahu ana a ka poe i komo i ke Kalapu Hoahu Karisimaka, o ka Banako o Bihopa nia, a ma ka la 13 o keia mahina ae o Dekemaba, e hoounaia aku ai na kikoo dala, a ka poe i komo iloko o kela kalapu no keia Ina he poe kekahi i nee aku ko lakou noho ana i keia manawa, mai ko .lakou wahi mua mai, a i paa hoi maloko o ka pepa hoomanao a ka banako, ua makemakeia lakou e hoike koke ae i ko lakou wahi hou e noho nei, i pololei ai ka hoouna ana aku i ka lakou mau kikoo elala, aole hoi e kakali wale, a hala kekahi manawa. Mamuli o keia kalapu hoahu, ua hoopomaikai loa ia heluna nui o na kanaka Hawaii, ma o ka loaa ana ia lakou he huina dala mahuahua, ma ka pau ana o keia makahiki, e lako ana hoi lakou i na dal'ā, no ke kuai ana i kekahi mau mea kupono no ko lakou ohana, iloko o. keia mau la kulaia aku o kakou, ka mea i loaa ole i kekahi heluna nui o na Hawaii, i na makahiki aku nei i hala. Ua pomaikai maoli kekahi poe o kakou, ma o keia kalapu hoahu Karisimaka la, mailoko mai o keia kalapu i loaa ai ia lakou he mau waihona kaokoa no lakou iho, a ma o kela mau waihona la, i hiki ai ia lakou ke kuai i mau home no lakou e noho ai i keia la. O ka mea i maikai ai o ke komo ana iloko o keia kalapu, o ia no ka hiki ole e unuhi, ke makemake ae i dala, no kekahi mau pilikia kokoke loa, aia wale no ka loaa o kela mau dala i hoahuia, ahiki i ke kokoke ana aku i na la, e pau ai ka makahiki; oiai hoi, ma na hoahu e ae, ua hikj i ka mea hoahu ke unuhi i na manawa apau e makemakeia ana, ua pono no ia ano hoahu, he mea ia e kalaia ae ai na pilikia i ka wa kokoke, o ka nele loa no, i ka hoahu ana i ke dala ma kekahi ano, o ka mea pilikia ia, he hoaa me ka nele, ke ukali aku ana mahopes> ka poe i hoohemahema i keia hana maikai.