Ka Nupepa Kuokoa, Volume LXI, Number 48, 30 November 1922 — KOMOIA KA HALEKUAI MA KA MUELA, E KA PIKO PAUIOLE. [ARTICLE]

KOMOIA KA HALEKUAI MA KA MUELA, E KA PIKO PAUIOLE.

Ma ka hoike i loaa ae i ka oihana makai o Hawaii ma Hilo a i hoea loa mai hoi ia Jono i k« kaona nei, ma ka po o ka Poalima aku la ka i hala ua komoia ka halekuai o ka Parker Eaneh ma Kamuela, Waimea, a laweia kekahi mau waiwai mailoko aku o ia halekuai mamuli o ka loaa ana o ka puka e komo ai iloko i ka poe aihue. O na waiwai i laweia mawaho ae o na waiwai e ae, he mau lolewawae, he mau palemai hoopumehana huluhulu, lie mau palii, pahi umiumi, ka paka kikalika ame kekahi mau mea e ae. Aohe i paa ka mea aihue a poe aihue paha i ka hopuia he mau Pilipino nae ekolu ka poe i hoohuoiia mamuli o ko lakou ikeia ana he poe malihini loa ma ia walii a ua ike ia hoi lakou ma ia wahi ma ka Poalima a ma ia po iho no ke komoia ana o ka hal«kuai. +++ —