Ka Nupepa Kuokoa, Volume LXI, Number 48, 30 November 1922 — HE IWAKALUA MAU KINI OPIUMA I PAA I KA HOPUIA. [ARTICLE]

HE IWAKALUA MAU KINI OPIUMA I PAA I KA HOPUIA.

He iwakalua mau kini opiuma maikai loa no lakou ka i kolioia aia ma kahi o $2000 i paa i ka hopuia e na makai o ka oihana kukeawa ma ka auwina la Poakahi nei, maluna o ka Mokuahi P«residena Pierce, ma ka manawa o ia moku e pili ana ma ka uwapo 7. Elua mau luina o ia moku me hookahi kanaka Hawaii i paa i ka hopuia mamua iki iho o ka manawa e holo aku ai o ia moku, "mamuli 0 ka loaa ana aku o na kini opiuma 1 hunaia iloko o ko lakou mau poli. O kekahi mau kini opiuma iloko o ka poli o ke kanaka Hawaii ka loaa ana aku i kona manawa i iho mai ai mailuna mai o ka moku noluna o ka uwapo, a o ke koena iho o na kini opiuma iloko o ka lole o na luina kahi i hunaia ai. Ua paaia keia mau kanaka e na luna kukeawa malalo o ka bela $2500 pakalii. Malalo o ka Gilbert MeNiehall, ka hope lunakukeawa, hookele ana i paa ai keia mau kini opiuma ame na kanaka ekolu i ka hopuia.