Ka Nupepa Kuokoa, Volume LXI, Number 48, 30 November 1922 — Ma ka La Eiwa o Dekemaba ka Ahaaina Luau Makaukau ka Ahaaina a na Demokarata no ka Lanakila Ana o ka Elele Jarrett ME NA TIKIKI WALE NO E HELE AI E AI O ka Meia Wilson ke Komite Nui Nana e Hooponopono i Kela Ahaaina Nui [ARTICLE]

Ma ka La Eiwa o Dekemaba ka Ahaaina Luau

Makaukau ka Ahaaina a na Demokarata no ka Lanakila Ana o ka Elele Jarrett

ME NA TIKIKI WALE NO E HELE AI E AI

O ka Meia Wilson ke Komite Nui Nana e Hooponopono i Kela Ahaaina Nui

Ma ka Poaouo, ka la 9 o ka mahina ae nei o Dekemaba e malamaia ai ka ahaaina nui a na Demokaraao, no ka lanakila i loaa i ka moho Elele Lahui William -P. Jarrett, a oiai ua noa kela ahaaina i na mea apau me na tikiki nae, e hiki ai ke hele e ai, ma na pakaukau i lioomakaukauia. He hookahi kumu o ke ulolohi o koia ahaaina, mamul} o ka hala ana o'ka Elele W. P. Jarrett no Hawaii, no ka haawi kino ana aku i kona hoomaikai i na mana koho o kela mokupuni, no ka haawi ana aku i.kona hoomaikai i na mana koho o kela mokupuni, pela hoi ma ka< mokupuni mai o Maui. Oiai oia ma Hawaii me kona mau hoahele, ua apoia mai ka elele hou a Hawaii nei, me na manao ohohia e na makaainana, a ua haawiia hoi na ahaaina luau no kona hanohano, iloko o na manao ohohia o ka hauoli o na mea apau. Ma Laliaina ka ahaaina a ko Maui mau mana koho i hoomakaukau ai, no haawi ana ae, no ka hanohano o ka Elele Jarrett, a ma ke ahiahi o ka la apopo, e malamaia ai ia ahaaina, a ma ke kakahiaka o keia Poaono, e hoea mai ai ka Elele Jarrett no keia kulanakauhale. O ka Meia John 11. Wilson, ke komite nui no ka ahaaina, e haawiia aku ana ma kekahi o na uwapo o ke awa ao nei, a ua paa" mau ka manawa o ke komite, ma ka noonoo ame ka hoolala ana, i ke ano o na mea e hoomakaukauia aku ana no kela ahaaina. Ma na mea i hoikeia mai i keia keena, aia ma kahi o ka ewalu kaukani tikiki e hoolakoia aku ana i ka lehulehu, o ka poe i loaa na tikiki, o lakou ke kōmo iloko o kahi ahaaina; aka nae nole no i papaia ka poe i loaa ole na tikiki, aia nae a i pau ka poe me na tikiki i ka ai, alaila ia wa e noa ai i na mea. apau ke hele e ai. | Mamuli o na mea i maa, a i kamnaina, i na ahaaina nui, o ia ka hoao o kekahi poe, e hoihoi i na meaai i kauhale, iloko o na puolo, a mau eke paha, e laweia ae ana na keehina makaala apau, e hiki ole ai ke lawelawia kela ano hana, aka e ai na mea apau, maluna o na pakaukau, a e waiho aku i ke koena, me ka hoihoi ole i na hale. Ua manaoia, o na makai, lia kiai e hoonohoia ana ma kela ame keia wahi, i lilo ai na kauoha e haawiia ana, i mau mea hookoia me na manao kui'o, aole hoi e lawelaweia na hana hoopilimeaai.