Ka Nupepa Kuokoa, Volume LXI, Number 48, 30 November 1922 — Hookapuia Ke Puhipaka Maloko o Kekahi Mau Halekeaka Ekolu Hooko na Ona o na Halekeaka Princess, Liberty Ame Hawaii i ka Makemake o ka Lunakiai Low me ka Lehulehu [ARTICLE]

Hookapuia Ke Puhipaka Maloko o Kekahi Mau Halekeaka Ekolu

Hooko na Ona o na Halekeaka Princess, Liberty Ame Hawaii i ka Makemake o ka Lunakiai Low me ka Lehulehu

E hoomaka ana ma keia Poalima, ka la 1 o Dekemaba, e hookapu loa ia ana ke puhipaka ana maloko o na Halekeaka Hawaii, Liberty ame Princess. Ua hooholo pu ae na ona no lakou ka'Halekeaka Prineess, aole o lakou makemake, e kau i na hoolaha e pili ana i na kii e hoikeikeia maloko o kela halekeaka, a pela hoi me na hana keaka, ma na hoolaha me na pepa nunui ma na alanui, aka maloko wale no o na nupepa na lioolaha e hookomoia ai, no ka mea he manaoio ko lakou, o ka nupepa ka mea heluhelu mau ia e na kanaka apau. No na mea hoi e pili ana i ka hookapuia o ke puhipaka maloko o kela halekeaka, ua lioakaka pu ae 0 Mr. W. Wylle Mather, ke kakauolelo me puuku ua hanaia/kela hookapu ana, no na kumu lehulehu, he mau kumu hoi, e lilo ole ai, ka hale ana o ka poe e nana kiionioni, a e nana keaka paha, e hoopau ai i ko lakou hele ana ma kela liale. Wahi ana, aole no ke puhipaka, ke kumu i hele ai o na kanaka i ka halekeaka, aka no ka nana ana 1 na kii maikai, a no ka makaikai ana i na liana keaka, o ka manao ana o ka poe puhipaka, aole kela he hana pololei, ua ala jnai ia manao, aole no ka hewa maoli o ka hookapuia ana, aka no ko lakou makemake wale no e puhi i ka paka, me ka noonoo ole ae i ka pono o ka poe puhipaka ole.

O kekahi kumu o ka hookapuia ana , o ke puhipaka, no ka malama ana no ia i ka maemae oloko o ka lialekeaka,oiai he nui na moena voleveka maikai, 'ame na meahoonani e f ae, i makemake ole ai ka poe no lakou ka halekeaka, e inoino, mamuli o ka lehu paka, a he mea no hoi ia e lioopakeleia ae ai mai kekahi pauahi mai. Ma ka manaoio o ka poe no lakou kela halekeaka, e oi aku ana ka hauoli, o ka lehulehu e hele ana e nana i na kii maloko olaila, ma keia hope aku, mamua o ka manawa e noa' ana ke puhipaka ana, ua hoopilikia ia aku'ka poe puhipaka ole, ma o na uwahi la, e lioopiha ana ialoko o kela hale. Ma kekkhi olelo ana ae, no ke kumu o ka oili ana mai nei o na ona o kela mau halekeaka ekolu, a hookapu i ke puhiia ana o ka paka mamuli no ia o na manao hoOhalahala o kekahi heluna nui o na ka•naka, i hookomoia ae maloko o na nupepa. Ma kela mau manao hoakaka, ua hoomaopopoia, lie heluna nui o ka poe puliipaka, i hoike ae i ko lakou makemake ole e pulii i ka paka maloko o na halekeaka, ina e hookapuia ana, oiai nae, he poe puhipaka no kekahi, i hoike i ko lakou manao, aole he pololei o ka papa ana i ke puhipaka, no ka mea o kekahi manawa maikai loa kela no lakou e ai, oiai e nana ana i na kiionioni.