Ka Nupepa Kuokoa, Volume LXI, Number 49, 7 December 1922 — Page 7

Makalei, ka Laau Pii Ona a ka I'a o MoauIa-Nui-Akea i Kaulana

HE MOOLELO KAHIKO NO KA HULI KOOLAU O KAILUA AME WAIMANALO, KA NANEA O KE AU O KA MANAWA,

E aui ae hoi kaua ihope i ka hua-"-a'i a Kahinihiniula me kona mau

He mea maamau no ia Kahinihiniula ka hele ana e hui me kona mau "-.-a i na la apau, a iaia e hoi mai ai i ke ahiahi, e malama mau ana no hoi ke kupunawahine i ke kapukai : na po apau, elike me ke kau-

oha

I ka hala ana o ke anahulu po, a i ke kakahiakanui o ka la keu, ua ala ae la o Kahinihiniula a iho aku la ilalo o ka mapuna, iaia i hiki ai ma kahi o ke opu palapalai, lalau aku .^ oia ia Makalei a kiola iho la ;': KO o ka wai, o ka wa no ia i -.a". uku mai ai o ka-i'a apuni ka mapuna. Noho iho la oia ilalo, lalau iho "- : ka i'a i hele a pili ma kahi a k a laau e lana ana, ia wa i lohe aku ai oia i ka leo e hea mai ana i kona

"E Kanihinihiula-o-Kalani e, e hopu iho oe i hookahi i'a, i awa, .. ; ukaawale ae, alaila hopu aku i -- : koalaala na olua." I ka lohe ana o Kahinihiniula i ".-.--..a leo, huli mai la oia e nana, ona ike mai i ke kino nona ia '.---. i iho la oia iloko ona, "he kau-^ hoi keia, heaha la hoi, e hooko .." lalau iho la oia i ka i'a i kau-i : ia mai iaia e ka leo o ka mea ki::'' ole, a waiho ae la ma ha'i, alaila hopu iho la oia elua anae a paa i ka lima, lohe hou aku la oia i ka '.'--' no ia lua o ka manawa i ka i ana mai: " Kapaeia ae ia mau i'a i ko lima ma ha'i, a hopu aku i ke kino hoo-.i; ulii o Kahulipuna i ke ahi a ke akua wahine. Kahuli e nei i ka papa pahoehoe, -7'. '''a ke a, ka lehua o Kali'u, "-''. iako lehua i ka lae o Leleiwi, : : oueoio i ka maka o Kanakea, '-.":. -ia ke kai o Pa'ikaka i ke ka'e

": .1.

? ' . no ia kula lehua, aohe manu -o a. A paa i ko lima lalau iho i au mau . '.". a hoihoi pu aku ia Kamakalei - . o Haunuu i ko kupunawahine, a o keia i'a, na'u ia e paa aku." I ka pau ana o ka olelo a ka mea kino ole, hooko aku la o Kahinihiniula elike me ke kauoha, lalau iho la oia ia Makalei a ka'ika'i ae la iluna, o kona lima, me ke aea ana ae o kona poo iluna, ike mai la oia i ka u'i o ke ala anuenue e ku aku ana. Olelo mai la o Haumea iaia: "Ku iho malaila e ka hoololohe wai o ka mapuna, a pau kuu olelo, alaila kaua hoi, oiai e hele ana oe e hehihehi i ka houpo o Kaneluhonua, a hoi mai oe, alaila noa ko kapu a ko kupunawahine i hoolaa ai, elike me kuu kauoha, a mahope iho o ia mauawa e ku ai oe i ka moku o Oahu

Ia 'wa i hoopa mai ai kona lima i ke poo o ka laau a Kahinihiniula e hii nei i kona mau lima me ka hoopuka ana ae i keia mau lalani: O hookuku, o ke poo o Ku, O Eu la o ka hulu manaiau O Lon a Ia o ka ualo a Kapa 'ikua, O ka opuahihi i ka palamea o ka lani", O ke ao poonui huna o Hainalau, Lau ka maka o ke kamani-ula i ka houpo o Kane. O Kane la i ke one lauena, O lulana i Manakamiumui, Ke kiowai a ke akua, O Makalei au o ka palai ula, Ka pe'akapu o Nuumea, Ka lani puhoho, halelo aaka, Ka i'a keokeo hi'u oole'a, E holo ana iloko o Muliwaiolena, I ka makaha e o ke kapu, O Hunahuna lauki, E makahuna e, e huna i na-lo, Na'u na pii aoa Kalani, Ka wahine i ka pe 'akua, E Ku e, uaia. I ka pau ana o keia mau olelo a Haumea, hookuu ae la kona lima i ka paa ana i ke poo o ka laau Makalei e kaulana nei, ahiki i keia hanauna hou. Hoopa mai la kona lima ma ka poohiwi o Kahinihiniula, me ka i ana -..ii: ' ' Hoi aku i ka hale, ahiki imua o ko kupunawahine, haawi aku oe i ka hoololohe wai o Nuumea iaia, nana ia e ike iho i ka hoa noho ona, me ko olelo pu aku, e owili i ke kapa Mahuna, i pumehana ka noho ana o ka hale, a o keia i'a e waiho nei, na'u ia e paa aku, hoi aku e hoomakaukau ahiki aku au." I ka pau ana o na olelo a Hau-".":!. huli mai la o Kahinihiniula "..oi no ka hale, me kela noonoo ka-:,::: iloko ona, me ka i ana iho: Eia no ka paha keia wahine ma .-. wahi kokoke ia maua e noho nole keia he wahine akua, he ine kanaka no keia, eia nae Ii00punipuniinai kuu kupuna-me he aiwaiwa no Kahiki." " --. Kahinihiniula e noonoo nei ilo-ko ona i keia mau olelo, o ia no ka

wa i ku iho ai o ka punohu uakoko ma kahi ana e pii aku nei, i ka hanahanai pali e hoea aku ai i ka hale, me ka pi'o ana o ke anuenue mai ka ipuka mai o ka hale o Niula e noho ana, ahiki ilalo o ka mapuna o Halauwai. Oiai o Kahinihiniula e hoi nei iloko o ka punohu uakoko, ahiki i ka ipuka o ka hale, ike aku la oia i kona tutu e noho okuu mai ana ma ka puka, ia wa i ike mai ai kona kupunawahine ia Makalei e paa ana i ka lima o kana moopuna, mahamaha mai la oia me ka pahapaha ana mai o na olelo: "Ua hoi mai la ka oe e ka makaliula, Ka maka onohi o Haunuu a Kuhi, Ke aoa noho papio i ka welau, I ka lihilihi o Laumiha la. E hoi e komo i Halealono, I Halahalakea i ka hale uki, O ki-pu o manauea, O kupou o ka pakii nui, O Hulipu ka moku la e na-lo." A pau keia mau olelo i ke kahukahuia e Niula, lalau mai la oia i ka hoololohewai o Makawao a hii ae la i kona lima, mo ka noho hoope ana iho ilalo: "U," wahi a Niula; "hoi no hoi oe i ka hale nei, hele no hoi ka hoa noho o kaua i ka huaka'i piilani a olua me ko Iwikua, aole nae hoi he olelo ana, ua hoi mai la no oe, pumehana wale ka nohona o ka uka puanuanu." Eu ae la oia -a ku iluna, hoihoi aku la ia Makalei ma kona wahi mau, me ka owili ana a paa iloko o ke kapa i hookaawaleia nona, a kau aku la iluna o ka holopapa i hanaia ma ke kihi o ka hale. Huli mai la oia me ka olelo ana mai i ka moopuna, "ua pau ko kapu kai i ka po nei, elike me ke kauoha a e kali kaua i ko kumuhonua i ka hiki mai i keia la, i po keia la, a i hoea ole mai, alaila aole oe i ma 'ema 'e no ko huaka 'i hele, alaila maukoli hou kaua ia oe, i anahulu hou." "Aole no ka hoi i kana mai ua lohi ana o kau kapukai a nahili ka po loloa ia Manua," wahi a Kahinihiniula; "pehea no ka hoi kau kapukai ana ia'u i kakanalua ai kau olelo; anoai he manao no paha kou e hoapaapa ia'u, i hele ole au i ka huaka 'i hehi i ke kapuhili onionio i ka houpo o ke akua?" "Aole pela e kuu moopuna, o ko huaka 'i ua makaukau ia, a hookahi wale no mea nui i koe o ka hiki mai o Keahelaukanikoaie, a nana e hooiaio mai ia kaua ua maemae oe, e hiki ai ke hele i kia houpo o ka moku, a hehi i ka pe 'a kapu o Kukuluokahiki. " "Owai kau e olelo mai nei i ke aho laukanikoaie?" wahi a Kahinihiniula. "Owai ka hoi ka mea nana i kauoha mai ia oe e hoi mai a olelo ia'u e kapukai? Ka i no hoi o ko kumuhonua ia nana i hooko i kuu hilahila ia oe e ka moopuna, aia ka hoi i ka ula loa i ka aina o ko konohiki, au ame a'u e ai hookano nei, a o ia mea la o ia ko kumu e hiki ai oe ilaila, no ka mea, ua hooko iho nei au, elike me kana olelo a o kana koe. "Ina no hoi no kona hoea ole mai, alaila ua maopopo ia'u ka pau ole o ko haumia, o ia ko'u mea i olelo aku nei ia oe e ka moopuna e maukoli hou." "Auwe no hoi oe. o tutu e! O kou poina koke iho la no ka ia i ka punohu e ku nei i ka ipuka hale o kaua, ke alahele hoi o kela wahine aiwaiwa. Aia oia ilalo o ka mapuna, a nana i olelo mai nei ia'u e ho'iho'i mai au ia Makalei a waiho me oe." "Ua pono ia," wahi a Niula, "e makaukau ana oe no ko huaka 'i, ke kauoha la ia oe e hoihoi mai i ka hoololohe kahuliwai o Nuumea. Aia aku nei ihea ua wahine nei au i haalele aku nei?" "Aia no ilalo o ka mapuna, a nana i kauoha mai nei ia'u e hoi mua mai au e ai, o ia ka mea o'u i hopu mai nei i keia mau i'a, i koalaala na kaua. " Ia laua e kuka olelo nei, ia wa laua i ike aku ai ia Haumea e hele mai ana i ka hale, me kela ohu mau no o ka wahine u'i, ahiki ma kahi a Niula ma e noho nei. Iaia i hiki mai ai a ku ma ka puka, kahea mai la oia i ke kamaaina: "E ka Niauula o ka maka lei o Neinei Kalani e, ua hoihoi mai nei au i na mea apau a paa ia oe, oiai ke kokoke loa mai nei ka huli i o olua nei. "E Kahinihiniula e, makaukau kahi koalaala o i kakahiaka, a waiho ke o i ka houpo, alaila haalele iho kaua i ko kupunawahine, alakai aku au ia oe me ou mau hoahele i Kualanaau ke kuakahi o Kanewana." Komo aku la o Haumea iloko o ka hale, a noho iho la iluna o ka nu 'a, eia hoi o. Kahinihiniula ke lapulapu nei i ka wahie, a o ke tutu hoi e hana ana i na wahi koalaala a Kahinihiniula i hoihoi mai ai. I ka a ana o ke ahi, pulehu ka i'a a mo 'a, makaukau ka papaaina, ia wa i ku ae ai o Haumea, a hele mai la ma kahi o ka papaaina e waiho ana, a noho iho la ma ka aoao akau o ka puka. "E Nuula e, eia au ke aha'i nei i ko luhi no ka manawa, a hoihoi mai au, a oiai maua e hele ana, ia wa e hiki mai ai ke konohiki a hui me oe. "O na mea apau aia ia imua ou. a mai hookanaka oe a hoi mai au me ko luhi ia wa e hookanaka ai oe i

ka ne-ki o Mokulana, nolaila malu no ke alahele o La 'ila 'i kalani." O aku la kona lima iwaho ma ka puka o ka hale, me ke kahea ana aku: "E ke awa hooulu moku i ke kai e, homai i i'a mawae no ke alahele o ka pulapula a oukou, na'u na ka onohi o ka maka o Unulau, lau kapuai o oukou e ke poohuna; e ike ia Kahinihiniula o ka lani — ina mai la i ke opu weuweu o Kukaukahi, e ike ia'u ia Hina Kukuaimoku. " I ka pau ana o ka olelo ana a Haumea, o ka wa ia i ike aku ai o Niula ame kana moopuna i ka i'a he awa e waiho ana mamua o ke alo o ke kamaeu o Nuumealani, huli mai la oia me ke kau ana iho i kona lima ma ka poohiwi o Kahinihiniula, oiai oia e noho kokoke aku ana, a olelo mai la: " Ke hele nei kaua i keia alanui, a he mau hoahele okoa kou, aole oe e ike mai ana ia'u. Eia ka i'a paa oe i keia i'a i ko lima, i ka wa au e hele ai, a hui me ko mau hoahele haawi aku oe i keia i'a ia Keoahimakaakua, no ka mea oia o oukou ka mea nana e hoolana i na papap oukou. "Nolaila e ai me ke lulu, a hele aku kaua, no ka mea eia kapuai halululu ke pahupahu nei i ke one o Kahakahakea, e imi mai ana ia oe ame ko kupunawahine, na'u ia e hoolalau aku apau ka olua paina ana." Hooko iho la o Kahinihiniula ma i ke kauoha apau, makaukau ka huakai no ke one kuakii o Kuholilea, kahi hoi e hui aku ai o ke keiki me kona mau hoa. (Aole i pau.) KEKAHI MAU OLELO NOEAU POOKELA, AME KE KAONA O KA OLELO.

Penei ka hula, ame ke kaona; Akahi hoi au a ike iho, I ka awiwi hikiwawe; Hookahi no la o ka hana, Ku ana i kahi haiki; I ka pahuhopu o ke aupuni, Punihei ka noe i Alakai; Maloko ka i'a i paa mai, Mawaho ka i'a e ka'i nei, E ka'i ana i ka laupapa, Hei oe i ka naemalua; Elua i'a i ka awai, Lauli no mo ka okea Hoi a uka haawi, Kanakolu mai me a'u; He umi na kuu kaohi, Kaulele na i'a manuahi; He inoa no Hoapili. O keia mau lalani hula maluna ae, e hoike mai ana no ia mau lalani hula, i ke pookela noeau o ka mea nana i haku. Penei ka moolelo i puka ai keia hula ame ke kaona. O Kamakalalea ka makuakane a o Kamauli ka inoa o ka makuahine. Ua mare no keia kaikamahine i ke kane; o Kakaio ka inoa o ke kano, a hanau hookahi keiki, he kaikamahine o Keliilalauwale kona inoa. No Napoopoo nei no keia kaikamahine; hookahi o makou pa like o ka noho ana. He umi-kumamalima anana ke kaawale mai ko makou hale aku, a ua loihi no na makahiki o ka noho ana me ke kane, a make aku la ke kane. Noho iho la no keia kaikamahine me na makua. O ka inoa o keia kaikamahine o Kaopumele; a i ka manawa i hoala ai o Kuakini, keiki a Kanihomauole e kukulu i hale pili nona, a o ko ano mau uo o na alii, he leo hooloheia ko lakou, a ua pau aku la kekahi poe o Napoopoo i ka holo i Onouli, no ka mea, o ka aina nui ia o ke pili hale ia wa. Ua lohe aku la kolaila poe kanaka, e holo aku ana ke alii Kuakini i ka uhuki pili, ua hana iho la kolaila poe i ka uala awaawa, ame ka panini. I na auwaa i puka aku ai, ua makaukau na meaai, a ua ike iho la ke alii, aole e ai e mamua, o pono ole ka hana, ua kena aku la oia i na kanaka e hele mua e uhuki pili; a ua hookoia aku la ia olelo, a no ka nui loa o na kanaka, ua nui loa ke pili i uhukiia, aole pau iluna o na waa; pau ka uhuki pili, hoomaka ka ai. O ka lakou ai ana, a inu ana paha, o ka ai ana a inu ana a na aupuni Peresia ame Media nau no e nini, a e kio 'e me ka papa ole ia, a moe oe ma kae' o ka pahu. Ilaila la, lou o Kawelowai ia Waiehu, a hauhili ka ai a kawele-a, i ua kaikamahine nei o ka Pali Kapu o Keou, me ke keiki o ka iliili nehe o Keauhou Kuhaupio. Ia po ana iho no, hiki ana ua kaaka nei me na lio i Napoopoo, ua maneo aku la paha ka lehelehe i ke kalo ape, ouka o Waisanana. Hoi no a puka i Keauhou ia po, a ao ae no paa i ka hopuia e na makai, a laweia imua o Hoapili e hookolokolo ai; a o ia keia hula maluna. Hoopa'iia o Kuhaupio he $30, a o Kaopumele $10 ame na dala koina o ka aha; Kaulele na i'a manuahi. Aole hookahi keneka iloko o ko, laua eke, a ua noi aku la o Kuhaupio ia Hoapili e oluolu e hookuu mai i wahi manawa nona; a ua ae mai ia no o Hoapili. Ua hula aku la o Kuhaupio i kela hula maluna ae; a i ka lohe ana o ka poe i akoakoa aku no ka hoolohe ana i ka hihia moekolohe o Kuhaupio ma, ua lulu dala ae la ka poe makaikai, a kaa ae la na lala uku hoopa'i a koe he $25.00 -MI laua, mamuli o ka maikai o ka hula, ame ka pili o ke kaona i ka hula.

He nui loa ka poe o Kona nei i paa keia hula. Aole i a'o mamua i ka wa i hoopaiia ai hoomaka e hula. Z. P. K. KAWAIKAUMAIIKA-MAKAOKAOPUA, Keiki o ka makakila niho Elepani

KO MAKOU MAKUAHINE I ALOHA NUI IA MRS. KEALOHA KAEHU NAILIMA UA HALA.

Mr. Solomon Hanohano, Lunahooponopono o ka Nupepa Kuokoa, Aloha oe: — E oluolu mai kou ahonui ame kou lokomaikai, e hookipa aku ma kekahi kowa kaawale o na kolamu o ke Kilohana Pookela, naua e aha'i aku i ka lono kaumaha e kau ae la maluna apuni na moku, i ike mai ai na kini makamaka o ko makou mama aloha i haalele mai ia makou kana mau keiki, e noho pu nei, me ka luuluu nona. Ma ka Ia 18 o Novemaba, makahiki 1922 i pauaho mai ai ko makou makuahine i aloha nui ia, i keia ola ana, a niau palanehe aku la kona uhane me ka maluhia, no kahi i hoomakaukauia nona, a waiho iho la i ke kino puanuanu na makou kana mau lei, ame ka ohana e paiauma aku me ke kaumaha, luuluu nona. Mamuli o ka pilikia, i'o ulu i loaa iaia ma ka waiu, ua okiia oia e ke Kauka Goodhue ma ka la 18 o Maraki 1922, a mamuli o ka nawaliwali o kona ola kino, aole i pau pono kela i'o ulu, i ka loaa hou ana o ka ikaika i kona kino, ua oki hou ia oia, no ka wehe ana i ka i'o ulu i koe, ma ka la 18 o Nove - maba 1922; he mea oiaio, ua hemo maikai kela i'o ulu, a ua pau hoi ka pilikia, eia ka, e haalele mai ana oia ia makou kaua mau keiki, ame ka ohana, e noho kumakena aku nona. Ko iho la ka olelo a ka Buke Nui, o ka mea i hanauia e ka wahine, he hapa kona mau la, ua piha i na popilikia he nui. Ua hanauia ko makou mama i aloha nui ia, Mrs. Kealoha Kaehu Nailima, ma Manana, Ewa, i ka makahiki 1872; Nov. 28. Ua hiki mai oia i Kalaupapa nei i ka makahiki 1887, Sept. 27. Mareia ko makou makuahine me Lui Nailima ko makou papa aloha i hala e aku ma kela ao mau mao, i ka makahiki 1889, Dec. 23. He 12 makou na keiki mai ko laua kihapai mai. He 8 keikikane, he 4 kaikamahine, ua lawe aku ka make ho 7, a koe makou he elima e ola nei. , He mau kaikunane kona i hooneleia i ko kaikuahine, a, o makou hoi kana mau lei i ka makuahine. He makuahine aloha keiki oia, he makuahine oluolu, he makuahine akahai, he heahea, he haipule, mai kona mau la opio mai. Ua nana aku na hoaloha iaia me he makuahine la. He mea nui makou ua keiki iaia. Ua malamaia ke anaina haipule o ko makou makuahine i aloha nui ia, e ka Makua Uhane Father Mar-tin, ma ka luakini o Palakiko He-molele, kahi ana e hele mau ai i na la apau no ka hoonani ana i ko Akua, ka mea nana i hana na mea apau. Ua piha ka halepule i na makamaka, me na hoaloha, i akoakoa mai, no na hana haipule hope, maluna o ke kino o ko makou makuahine aloha. I ka pau ana o na hana, ua nee aku ka huakai hoolewa, e alakaiia ana e ka Ahahui o Maria, ana i noho hope peresidena ai, no ka pa ilina ka home o ke kino o ko makou makuahine e hoomaha ai me ka maluhia. Elike me ka hoike a ka Palapala Hemolele, he lepo oe, a e hoi aku no oe i ka lepo; he mahu ke ola o ke kanaka i pu-a ae, a mao iho. Elike me na pua o ke kula i mohala ae i ke kakahiaka nui, a mae koke iho la no, e hoonaniia ke Kolukahi Hemolele loa, nia na lani kiekie he malu ma ka honua. O makou na keiki me ka ohana iloko o ka luuluu, ke haawi aku nei i na hoomaikai he nui i na makamaka me na hoaloha, i ala pu no ke kiai ana i ka makou mea aloha, me ka haawi mai, i na lima kokua iloko o ko makou wa o ke kaumaha, na makana pua he nui, a oukou i haawi mai ai, no ka hoowehiwehi ana i ko makou makuahine aloha, ame ke komo pu ana mai ma kona huakai hoolewa. Ke haawi pu aku nei makou i na hoomaikai he nui, ia Kauka Goodhue me kona mau kokua, no ka hoao ana e hoopakele ae i ko makou makuahine aloha. O makou na keiki, me ka ohana iloko o ke kaumaha me ka luuluu. MISS A. E. NAILIMA, VENDELIN K. NAILIMA, JOSEPH H. NAILIMA, MR. & MRS. L. NAILIMA, MISS BENEDICT NAILIMA, MR. & MRS. KUHELELOA, MR. &. MRS. C. K. MANUA, MR. &. MRS. MAEMAE, MRS. K. WILMINGTON,

ATHENS, Nov 28.— O na hoa mua o ka aha kuhina Helene ame na aliikoa apau, a koe elua, ka poe i hookolokoloia ai a ahewaia no ke kipi e pili ana me ke kaua ma Asia Uuku, ua hoopa'iia e make e ka aha hookolokolo koa i keia la he hoopa'i paahao a pau ke ola ka i kauia aku maluna o ka Adimarala Goudas ame ke Kenerala Strategous, na Kenerala i koe.

Ma ke Kauoha.

TERITORE O HAWAII.

Keena o ka Puuku, Honolulu, Oahu. Ma ka hana e hoopau ana i ke KEWALO MARINE RAILWAY & LAND CO, LTD. OIAI, o ke KEWALO MARINE RAILWAY & LAND CO., LTD, he nui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai. NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia , e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 9 o Dekemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o la mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ko kumu, ina he kumu kekahi i wahi e ae ole ia aku ai ka palapala noi i oleloia. HENRY C. HAPAI, Pauku, Teritore o Hawaii. Honolulu, Okatoba 3, 1922. 6524— Oct. 5, 12, 19, 26; Nov. 2, 9, 16, 23, 30; Dec. 7, 1922.

TERITORE O HAWAII.

Keena o ka Puuku, Honolulu, Oahu. Ma ka hana e hoopau ana i ka MAUI LAND COMPANY, LIMIT-ED. OIAI, o ka MAUI LAND COMPANY, LIMITED, ko hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na haua o keia ano, ua waihoia mai iloko o keia keena he palapala uoi no ka hoopau ana i ka hui i oleloia, hui pu me kekahi palapala i hooiaioia i hoohui pu ia me ia, elike me ia i koiia ai ma ke kanawai. NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa, ma kekahi ano iloko o ka hui i oleloia, e pono e waiho mai i na ku-e aua no ka aeia aku o ka palapala noi i oleloia maloko o keia keena mamua ae o ka la 14 o Dekemaba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, Honolulu, ma ka hora 12 awakea o ka la i oleloia, a e hoike mai i ke kumu, ina he kumu kekahi i wahi u ae ole ia aku ai ka palapala noi i oleloia, HENRY C. HAPAI, Puuku, Teritore o Hawaii. Honolulu, Okatoba 3, 1922. 6524— Oct. 5, 12, 19, 26; Nov. 2, 9, 16, 23, 30; Dec. 7, 1922.

TERITORE O HAWAII.

Keena o ka Puuku, Honolulu, Oahu. Ma ka hana e hoopau ana i ka MOTOR SUPPLY COMPANY, LIMITED. OIAI, o ka MOTOR SUPPLY COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu "me kekahi palapala i hooiaioia i hoohui p- ia me ia, elike me ia i koiia P: ina ke kanawai. NOLAILA, ma keia ke haawiia aku nei ka hoolaha i kekahi mea, a i na kanaka apau, he nuu kuleana mamua a e kuleana nei paha i keia manawa, ma kekahi ano iloko o ka hui i oleloia, e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 23 o Deke-

maba, 1922, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka .ea nona ka inoa malalo iho maloko o ka Hale Mana Hooko, Honolulu, ma ka hora 1" awakea ' ka la i oleloia, a e hoike mai i ke kumu, ina he kumu kekahi i wahi e ae ie ia aku ai ka palapala noi i oleloia. HENRY C. HAPAI, Puuku Teritore o Hawaii. Honolulu, Okatoba 17, 1922. 2526 — Oct. 19, 26; Nov. 2, 9, 16, 23, 30; Dec. 7, 14, 21, 1922

TERITORE O HAWAII.

Keena o ka Puuku, Honolulu, Oahu Ma ka hana e hoopau ana i ka THE WAILUKU MARKET AND LAND COMPANY, LIMITED. OIAI, o ka THE WAILUKU MARKET AND LAND COMPANY, LIMITED, he hui ia i kukuluia a e ku ana malalo a ma ka mana o na kanawai o ke Teritore o Hawaii, i kulike ai me ke kanawai i hoomakaukauia ma na hana o keia ano, ua waihoia mai iloko o keia keena he palapala noi no ka hoopau ana i ka hui i oleloia, hui pu mo kekahi palapala i hooiaioia i hoohui pu ia me ia, elike me ia i koiia ai ma ke kanawai. NOLAILA, ma keia ke haawiia aku nei ka hoolaha i kekahi mea, a i na kanaka apau, he mau kuleana mamua a e kuleana nei paha i keia manawa ma kekahi ano iloko o ka hui i oleloia, e pono e waiho mai i na ku-e ana no ka aeia aku o ka palapala noi i oleloia maloko o keia keena mamua ae o ka la 3 o Feberuari 1923, a o kela ame keia mea e makemake ana e hooloheia aku maluna o ia mea, he pono e hoea kino ae ma ke keena o ka mea nona ka inoa malalo iho maloko o ka Hale Mana Hooko, ma ka hora 12 awakea o ka la i oleloia, a e hoike mai i ke kumu, ina ae kumu kekahi, i wahi e ae ole ia aku ai ka palapala noi i oleloia. HENRY C. HAPAI, Puuku, Teritore o Hawaii Honolulu, Novemaba 28, 1922. 6532— Nov. 30; Dec. 7, 14, 21, 28; 1922. Jan 4, 18, 25; Feb. 1, 1923.