Ka Nupepa Kuokoa, Volume LXI, Number 49, 7 December 1922 — HULI HOI HOU MAI KA MOKUAHI POINO [ARTICLE]

HULI HOI HOU MAI KA MOKUAHI POINO

Mamuli o ka poino ana o kekahi 0 kona mau enekini, oiai he mau mile mamao mai Honolulu aku nei, i huli hoi hou mai ai ka mokuahi Peresidena Taft no keia awa, ma ke ahiahi o ka Poalua nei, no ka hooponopono hou ana aku~i na wahi i poino o ka enekini. Ma ke aliiahi o ka Poaono aku nei 1 haalele iho ai kela mokuahi ia Honolulu nei, mahope o ka hoopaneenee mau ia ana o kona manawa holo, no ka nui o na hooponopono i hanaia i kekahi mau wahi i poino, a o keia nae ka poino oi loa aku o ka nui, e hiki ole ai ia ke hoomau aku i kona alahele moana. I ka manawa i ikeia ai ua poino kekahi enekini, ua hoohalaia he manawa nui e ke kapena o kela mokuahi ame ka wiliki poo, ma ke kukakuka ana i ka mea pono e hana ai, a ma ia kukakuka ana i hooholoia ai, he hookahi wale no alahele naauao, o ia ka huli hoi hou ans mai o ka mokuahi no Honolulu nei. Ma ka hora 9 o ka po Sabati ka loaa ana o kela poino, me ka hoounaia ana mai o ke kelekalapa uwea ole i ka akena o kela mokuahi ma keia kulanakauhale, a iloko no hoi o ia manawa hookahi i hoolala koke ai ka akena i kekahi alahele e pono ai na "ohua ame na leka. Ua laki nae ka loaa ana o kela poino ma ka moana, e ku ana ka mokuahi Peresideiia Linekona ma keia awa, nolaila i ka pili ana mai o ka mokuahi poino i ka uwapo, ua hoolele koke ia mai na ohua nouka nei o ka aina, a hookauia aku la maluna o ka mokuahi Peresidena Linekona, pela hoi me na ekeleka, a ma ka po ana iho o kela Poalua i holo aku ai kela mokuahi no Yokohama, me ka hoohauoliia o na ohua no ko lakou hoea koke aku no ka pahnhopu o ka lakou huakai. — .