Ka Nupepa Kuokoa, Volume LXI, Number 49, 7 December 1922 — LOAA KA WAI O KA HOME O NA KEIKIKANE SALVATION ARMY. [ARTICLE]

LOAA KA WAI O KA HOME O NA KEIKIKANE SALVATION ARMY.

He nui maoli ka wai huihui mai ke | kuahiwi mai ma Waialae ma ka hooi maopopoia no ka mea o ka wai nui i eliia a i loaa ma kekahi mau la aku nei i hala maluna ia o ka aina nni i l'lo i ka Salvation Army kahi 0 ka home o na keikikane i ku ai, ma ia wahi he lua wai nui ka i eliia nona ka hohonu he 43 kapuai a mai ia luawai ae i hoolawaia ai ia home me ka wai huihui ono a e paumaia mai la i nei manawa. O ka wai ka. mea i makeinake nui loa ia e loaa no i'a Home, a ua loaa nae, no ka mea ma ia wahi i manaoia ai e aoia ai na keiki i ka oihana mahiai ame ka hanai holoholona. O W. W. Chamb«rlain, ka mea nana i lawelawe i na hana no Mr. Wilikoki ma Kauai, ka mea nana i haawi ae i kekahi makana kiekie 1 ke Salvation Army no na home ma Manoa, a ma Waialae, o ia ka mea i kuhikuhi i kahi e eliia ai ka luawai, no ka mea, ua manaoia aia malalo pono- iho o ia wahi kekahi wai nui e kahe ana i ka moana, mamuli o ka ikeia o ka huihui loa o ke kai makai pono aku o kela wahi, h« huihui mamuli o ka wai maoli i kahe aku malalo o ka honua a puka iloko o ke kai, Ma ka luawai i eliia ma kahi o, Allen, he wahi mamao iki ihope mai ke kapakai mai ua loaa ka wai huihui a oia wai ke hoolako mai j la ia wahi, pela i manaoia ai ina i no ka eliia o kekahi luawai maloko j o ka aina o ke Salvation Army e! loaa ana ka wai, elike me ka loaa ana o ka wai ma na luawai e ae ma ia, lalani pololei. Ma ka eliia ana a ma kahi he 40 kapuai ka hohonu ua loaa ka wai a ma ka eli hou ia nna aku a piha ke 43 kapuai ua nui maoli ka huai ana a ka wai. He pomaikai nui keia oka loaa ana o ka wai no ia Home. LADANA, Dec. 4.—Ua hooholoia e ka hale o na'lii i keia la ka bila kumukanawai Ailiki. Ua hoouHaia aku ia i ka Moi Keoki no ke kakau ana iho i kona inoa. .